Isaías 15:2 - Biblia Mixe de Quetzaltepec

² Jëëpy yaxp yë Dibón ja'ay jam nyëjkxtë kopkëjxm ma yajpaatyën ja tsyajptëjkëty. Yajxon yë Moab tmëmony tmëtuky ko yë Nebo ets Medebá të kyutëkoy. Tu'kë'ëyë ja naaxwiinyëtë ja'ayëty tëë ja wyinwaay y'awaay tjäjpta'atë.

Biblia Dc en Mixe de Quetzaltepec

² Jëëpy yaxp yë Dibón ja'ay jam nyëjkxtë kopkëjxm ma yajpaatyën ja tsyajptëjkëty. Yajxon yë Moab tmëmony tmëtuky ko yë Nebo ets Medebá të kyutëkoy. Tu'kë'ëyë ja naaxwiinyëtë ja'ayëty tëë ja wyinwaay y'awaay tjäjpta'atë.

Isaías 15:2 ပူးပေါင်းရင်းမြစ်များ

Jeremias 48:1

Yë Wintsën, mëti'ipë maaytyääyëpën winë, mëti'ipë ja Israel ja'ay Tyios'ajtëpën, tëë tnikäjpxy wi'ix jyata'antën yë Moab ja'ayëty: Janty mon janty tuk yajpaaty yë Nebo kajpn ko të kyutëkooynyë. Yë Quiriataim kajpn o'ktëy të jyäty të kyëpety, yë nyaax kyajpn mëti'ipë ënäty ta'tspëkyën ets këwent'atyën, tëë jyijtë'kta'ay ja pyotsy.

Levitico 21:5

Ka'ap mëpaat nëkoo janty kutë'kx nyäkyaapëtë ets y'awaayëty nän ka'ap mëpaat nëkooyë tjäptë. Ni yë'ë yë jyot nyini'kxëty mëpaat nëkoo tkayajtsëtyutë.

Jeremias 48:18

Mijts Dibón kajpn, jënak ma myajkutukyën ets mnaaxwäätsëty naaxkëjxy, jä'ä ko mëti'ipë Moab kajpn yajkutëkoyanëpën tää mmëwinkonyë, tëë tyajkutëkooytyä'äy ja mnaax mkajpn mëti'ipë ënäty ta'tspëky yajpatëpën.

Isaías 3:24

Je'eyë nëjkx tyokxu'knëtë ijxtëm jeexyë pya'akxuuktën, tejpxy nëjkx yajtukyo'ktsumtë tä jeexyë pyo'owëën yajkëxpëktën, ni'ikyë nëjkx wyääy yajnëkä'pta'atë ijxtëm jeexyë yenyjyäty tmëët'atën; tä jeexyë oywyit tuktëkëtën, këëts wit nëjkx tyajtuntë, tä jeexyë yaj'oytyuntën, anpujxn nëjkx yajtuktsa'atë.

Deuteronomio 34:1

Ënät ja Moisés jam tsyo'ony Moab mëti'ipë të'ëts'itjotmën ets ojts jam nyijkxy ma ja Nebo kopkën, jam ojts pyety ma Pisgá kopkën, jyä'äjty ma ja kopkupi'tsykyën ma mëët nyäwyinku'ixëty yë Jericó kajpn. Ënät ja Wintsën jam y'ënëmaayë: Tuk'ijxëtya'a yë Galaad y'itjotm ets jampaat ma ja Dan y'itjotmën,

Números 21:30

Ojts kyutëkooynyë ja y'ënä'ämën kyutujkën yë Hesbón. O'ktëy ojts jyajta'atë yë Dibón kajpn ets Nofa kajpn, yajxon tsyooytyëkooytyääy jampaat Medebá.

Ezequiel 7:18

Nëjkxëp tuktëkëtë ja wit mëti'ipë u'kxpën kuumpën ko ënäty pyëkëtë y'atonëtë; aak tsëtyuytyëp ja jyot nyini'kxëty; tsaptsëm ja wyiin jyëjp jyajta'aja'antë mëët ja tsëtyu'un ets aak kutë'kx nyätyuunta'aja'anëtë.

Jeremias 48:31

paatykyëjxmës nnijë'ëja'any nniya'axa'any yë Moab ja'ayëty ets Quir-heres ja'ayëty, jä'ä ko ëxëëk jyata'antë.

Jeremias 47:5

Yë Gaza ja'ayëty je'eyë nëjkx nyäkyukä'ptaayënëtë, yë Ascalón ja'ayëty uum wyë'ëma'antë. Miitsëty Anaquim ja'ayëty ¿wi'ix ko nëkoo mjot mnini'kx xyajtsëtyutë?

Jeremias 7:29

Miitsëty Jerusalén ja'ayëty, nëkä'pta'atë yë mkuwaayëty ets xy'ixpotstëty. Ëw tu'uk yë ëy mon tukpë jam tunkëjxm të'ëts'itjotm, jä'ä ko yë Wintsën tëë tukjoot'anpëky yë mja'ay, tëë tnike'eky ets tëë t'ëxmatsy.

Isaías 22:12

Jä'ä xëëw yë Wintsën mëti'ipë maaytyääyëpën winë, m'ënëmaayëtë ets mjë'ëtëty mya'axtëty, ets mwaay xykyääptëty ets xytyuktëkëtëty ja wit mëti'ipë kuumpën u'kxpën.

Isaías 16:12

Oy jënu'un yë Moab jyajëëytya'ak jyanu'kxta'akëty jam tunkëjxm kopkëjxm, oy jënu'un jyakajpxta'akëty jam tsajptëkotm, ka'ap tpaata'any mëti'ipë y'ixtääpyën.

Isaías 16:7

Paatykyëjxm ja Moab ja'ayëty mëj këjää tnijë'ëja'an tniya'axa'antë ja nyaax kyajpnëty; je'eyë nëjkx tnimon tnituktë wi'ix ënäty o'ktëy jyajnëtën kyëpäjnëtën yë Quir-haréset ja'ayëty.

Isaías 15:3

Në'ëjoty tu'ujoty aakyë'ë ja'ay wit yajtuunpy mëti'ipë kuumpën u'kxpën; jam tëjknëkëjxm aak jëëy aak yaxtëp ja'ayëty. Kajpnjoty aak moon aak tujktëp ja'ayëty, aak yuun aak këtaawtëp mëët ja jotmay.

Isaías 14:31

Jë'ëtë ya'axtë miitsëty filistejë ja'ayëty, më''ëna'antë yë mpëjk m'ato'onënëty, tsëtyuytyë mëët mëktsë'ëkë, jä'ä ko tam anëkëjxmtsow ja mmëtsip mniminyë tä yoots nëma'ajën, tä naaxwayën mëti'ipë myajkutëkoyanëpën ets ni pën kyajëjpkuwa'akëja'anyë.

Job 1:20

Ënät ja Job pyëti'ky ets tkë'tstëëy ja wyit, jä'ä mëk jya'ap ko ënäty jëtu'un të tyuny të jyätyë, ojts ja wyääy kyopk tkä'pta'ay ets tmënu'kxtäky ja Wintsën.

Deuteronomio 14:1

Tëë xynyijawëtë, ko miitsëty mWintsën m'u'unk'ajtëtëp. Paaty këtii nëkoo mjot mnini'kx oy wi'ix xytyuntëty, këtii nëkoo xyajtsëtyut xyajwintëkoytyëty. Ni yë'ë mwaay mkopk ëxaty xykyatuntëty ko pën y'ookëty tyëkoyëty.

Números 32:38

Nebo, Baal-meón ets ja Sibmá, ojts kanaak ja kajpn xëëw tyajtëkatstë ets tpëjktaktë ja kyë'ëm xëëwëty, mëti'ipë ënäty të tkoj'oyëtën ja naax kajpn.

Números 32:3

Yë'ëjës yam njanikajpxantëp, ko yë it naaxwiinyëtë mëti'ipë jam yajpatëpën Atarot, Dibón, Jazer, Nimra, Hesbón, Elalé, Sebam, Nebo ets Beón,

Levitico 13:40

Pën nëka'ap yë ja'ay yë wyääy ets kutë'kx wyi'imy, wa'ats yë'ë.

Números 21:28

Jam Hesbón, yë kyajpn yë Sihón. Jam tu'uk yë mëjpatoyë të tsyo'ontä'äky, mëti'ipë të tyajkutëkoyën yë naax kajpn Ar, mëti'ipë yë Moab nyitënääpyën, ets tëë wyintooytyuta'atë ja tunjot kopkjot, mëti'ipë nyitënääpyën yë Arnón.

2 Samuel 10:4

Ënät ojts ja Hanún tni'ënä'ämë ets ja David ja tyuunpëtëjk yajmatstëty ets tjäjpëtëty ja y'awaay kujkwä'kxy je'eyë, ëpëky näjyëtu'un ja wyit ojts tkë'tsëtë, jampaat tkë'tskëtakëtë ma ja y'ixpajkëtyën. Tä ojts t'ëxmatstë ets nyëjkxtëty.

Jeremias 3:21

Jam të'ëts'itjotm, jam tunkëjxm yajmëtoy ja aaw yo'kn: Israel ja'ay yë'ëjëty mëti'ipë jëëytyëp yaxtëpën, mëti'ipë y'amëtoowtëpën ets yajpa'ëyowtëty. Tëë tyu'utëkoytyë ma ja në'ë tu'ujën oypyë ets të xyjyä'äytyëkooynyëtës, ëjts Wintsën, mëti'ipë Tyios'ajtpën.

Jeremias 47:2

Ëjts Wintsën, jëtu'unës n'ëna'any: Jam anëkëjxmtsow tsyoona'any jëtu'un tä komnëë kyupëjyën, tä nëëkap jyënäkyën ets tyajnikoompety ja naax kajpn ets tëkokyë mëti'ipë jap ijtëp tsënaaytyëpën. Tääts ja ja'ayëty jyë'ëja'an ya'axa'antë mëët ja pëjkën ato'onën mëti'ipë jap tsënaaytyëpën.

Jeremias 48:35

Jëtu'un yë Wintsën y'ënä'äny: Ëjts nyajkutëkoyäämpyës yë Moab ja'ayëty mëti'ipë tunkëjxm kopkëjxm tsënaaytyëpën, ma ja wiink tios ja tsyajptëjk yajpaatyën, mëti'ipë tyukwinjojktëpën ja poom jok.

Ezequiel 27:31

Mëët ko ënäty o'ktëy mjaty mkëpety nëjkxëp nyäkyutë'kxn kä'pta'ajëtë, nëjkxëp tuktëkëtë wit tujkxy monpë tukpë ets nëjkx jyë'ëtë ya'axtë mëët ja pëjkën ato'onën.

Ezequiel 30:2

Mijts ye'etyëjk ja'ay, kajpx mëtya'ak ëjts nxëëwkyëjxmës ets m'ëna'anëty: Jëtu'un yë Wintsën y'ënä'äny: jë'ë ya'axtë ko myiny ja xëëw jëmëjt tsipë

Amós 8:10

Ma ënäty ja xëëw tyunyën jää nëjkx ja'ay tyëkëtë yaxpë mëët ko ënäty t'ixtë may ja ja'ay y'o'knëtë, ja mëti'ipë ënäty ëëwtëpën nän nëjkxëp tyëjkënëtë yaxpë mëët ko ënäty may ja o'kpë; nëjkxëp ja wit xytyuktëkëtë monpë tukpë ets nëjkxëp ja mkuwaay xynyëkääptë mëët ko ënäty ja ëyo'on jotmay të y'ity. Jëtu'un nëjkx mya'axtë tä ja'ay yä'äxyën mëti'ipë ja y'u'unk të y'ookyën tu'kpajkpë t'u'unk'atyën ets jëtu'un nëjkx jyëjpkukëxë mëët ja monyëtukyë.

1 Crónicas 19:4

Ënät ja Hanún ni'ënä'ämëy ets ja David ja jyä'äy yatsumtëty, tääts t'ënëmaay ja tyuunpëtëjk ets ja y'awaay tjäjpëtëty ets tkë'tsëtëty ja wyit jampaat tkë'tskëtakëtëty ma ja y'ixtuuntyën. Tääts jatëkok t'ëxmajtsy.

Jeremias 49:3

Jë'ë ya'ax mijts Hesbón kajpn, ko tëë ja Aí kajpn kyutëkoy. Nasyaaxëtë miitsëty to'oxytyëjkëty mëti'ipë jam Rabá kukajpnajtëpën. Tuktëkëtë ja mwit mtujkxyëty mëti'ipë kuump u'kxpën ets mnäkyätykyupëtëty. Jëtu'un mpëyë'knax mpëyë'ktëkëtëty tä jeexyë mpojëtën, yajtsëtyutë mjot mnini'kxëty. Jä'ä ko ja Milcom mëti'ipë m'ëwtajtëpën, wiink naax wiink kajpn të yajmënëjkxy tsumy matsy mëët ja teetytyëjkëty ets ja ja'ayëty mëj'äämpyë y'itën.