Isaías 14:3 - Biblia Mixe de Quetzaltepec

³ Mijts Israel kajpn, ko ënäty ja m'ëyo'on mjotmay të kyixy të nyäxy, ko ënäty ka'ap o'ktëy m'ëk yajpatnë ets ko ënäty ka'ap m'ëk mëtuun m'ëk kupëjknë,

Biblia Dc en Mixe de Quetzaltepec

³ Mijts Israel kajpn, ko ënety ja m'ëyo'on mjotmay të kyixy të nyäxy, ko ënety ka'ap o'ktëy m'ëk yajpatnë ets ko ënety ka'ap m'ëk mëtuun m'ëk kupëjknë,

Isaías 14:3 ပူးပေါင်းရင်းမြစ်များ

Jeremias 30:10

Ëjts, mëti'ipë Wintsën'ajtpën, jëtu'unës n'ëna'any: Këtii mtsë'ëkëty mijts, yë Jacob yë kyajpn, mëti'ipës ntuunpë'ajtypyën; këtii mtsë'ëkëty mijts Israel, mijts ets m'u'unk m'ëna'k nyajtso'okantëp ma tääpë naax kajpnën ma ojts tsumy matsy myajmënëjkxtën. Jotkujk jatëkok mjuuky'ata'antë ets oy yajxon, ni pën mka'ëtsë'ëkëja'anëtë.

Isaías 32:18

Jam nëjkx ja nnaax nkajpnës jyuuky'äty ma ja naax kajpnën akujkpë jotkujkpë, jam nëjkx jyuuky'äty oy tsuj ets katii kyajjotmaytyunëtëty ma jyëën tyëjkën,

Zacarías 8:8

etsës nyajmina'any jam Jerusalén ets jam tsyëënëty. Yë'ë nëjkx nkajpn'atës etsës nëjkx xyTyios'atë, mëti'ipë xëmë mëët'atanëtëpën ets mëti'ipë tëyajtënpë tii nyipaye'epyën.

Apocalipsis 18:20

Mijts, tsajpjotmëpë yajpaatën, xoonta'aktë mëët ko jëtu'un të jyäty tääpë kajpn; ets miitsëty wa'ats kajpnëty, ayuk kajpxnajxpëty, käjpxynyajxpëtëjkëty xoonta'aktë jä'ä ko tëë ja Tios tuny ja paye'eyën ko të tyajkutëkoy tääpë kajpn.

Ezequiel 28:24

Yë Israel kajpn ka'ap nëjkx y'ëkyaj'ëyoowënë wiinkëtypë naax kajpn na'ëwtitypë yajpaatën ma yë'ëjën. Ënät nëjkx yajnijawë ko ëjts Wintsën.

Jeremias 50:34

E mëti'ipë yaj'ëwaatsëpëtsëëmpën, mëk yë'ë, jä'ä xyëëwajtyp Wintsën mëti'ipë maaytyääyëpën winë. Yë'ë paye'eyën tyunäämpy; yajminäämpy ja jotkujk'ajtën ma naax kajpnën ets tëytyuna'any ja Babilonyë kajpn.

Isaías 12:1

Jä'ä xëëw, nëjkxëp jää m'ëna'any: Wintsën, tyamës nkukajpxë; oyës wäänë të xytyukjoot'anpëjkojy, tëë ja nyäxy. Tyam tëëjës jatëkok ja jotkujk'ajtën xymyo'oy.

Isaías 11:10

Jä'ä xëëw yë Jesé mëti'ipë jëtu'un tä kepyjyi'tskën, ijxpäjtën nëjkx wyi'imy ma wiinkëtypë naax kajpnën; nëjkxëp nyiminyë wiinkëtypë naax kajpn, ja it naaxwiinyëtë ma tääpë kajpn yajpaatyën, mëj'äämpy nëjkx y'ity.

Deuteronomio 28:48

Yë mmëtsiptëjk yë'ë nëjkx xymyëtuny mëti'ipë ja Wintsën të mtuknikexyën ets ëxëëk mtunëtëty. Nëjkxëp m'ayuu'aty m'axëëw'aty, nëjkxëp ja nëëtëëtsë xymyënaxy xyajnaxy, ni mwit ni mtujkxy nëjkx kyaka'ty, o'ktëy mjat mkëpätëty. Yë Wintsën nëjkx jëtu'un myaj'ëyoyë, koonëm m'ookëty mtëkoyëty.

Zacarías 8:2

Yë'ëjës ya'atë aaw ayuk nikäjpxyp, ëjts Wintsën mëti'ipë maaytyääyëpën winë, jëtu'unës n'ëna'any: Äjkëpës, mëj këjääjës ni'akë'aty yë Sión kajpn, nëkooyës n'äjkënë.

Isaías 40:2

Mëët ja yu'unk aaw yu'unkjot ënëëmëtë ko tëë kyixy nyäxy ma mëtuunpë ëyoopë të y'itën, ko tëë tkumëtoowta'ay ja nyëë pyoky, ko tëë tmënaxy tyajnaxy ja ëyo'on jotmay mëti'ipë ja Wintsën mmooyëtën.

Jeremias 17:4

Kwanë ko xy'ëxmatsëty ja itjot naaxjot mëti'ipë njatukkumaayën ets mmëtun m'ëyowëty ma ja mmëtsipën wiink naax wiink kajpn ma ka'ap xy'ixy'ätyën, jä'ä ko mëkës të xyajjoot'anpëky, jëtu'unës ja ntsip n'äkë xyajtooypyiky jëënën mëti'ipë nyo'ktëkoopyën winë.

Jeremias 30:8

Ëjts Wintsën mëti'ipë maaytyääyëpën winë, ëjts ënaanp: Nyajpëtsëmäämpyës yë nnaax nkajpnës ma y'ëyoy myëtunyën, ka'ap nëjkx y'ëk'ëyoow y'ëkmëtuunë tä tsajpkaa tmëyu'uyën yë kyukë'ë.