Isaías 13:6 - Biblia Mixe de Quetzaltepec

⁶ Jë'ëtë ya'axtë, jä'ä ko miimp wiinkoonp ja ëyo'on jotmay, jëtu'un myiny tä kyoxy tsyiikyën ja Wintsën mëti'ipë maaytyääyëpën winë.

Biblia Dc en Mixe de Quetzaltepec

⁶ Jë'ëtë ya'axtë, jä'ä ko miimp wiinkoonp ja ëyo'on jotmay, jëtu'un myiny tä kyoxy tsyiikyën ja Wintsën mëti'ipë maaytyääyëpën winë.

Isaías 13:6 ပူးပေါင်းရင်းမြစ်များ

Joel 1:15

Janty mon janty tuk nyajpatëmë, jä'ä ko tää myiny wyinkony ja Wintsën ja xyëëw. Ma Wintsën xyajkutëkoya'anëmën mëti'ipë maaytyääyëpën winë.

Sofonías 1:7

Amonyë m'itëty Wintsën wyintum, jä'ä ko tää ja Wintsën ja xyëëw wyinkony. Yë Wintsën tëë tuknipëjktaakë tu'uk yë wintsë'kën ets tëë tkënu'kxta'ay mëti'ipë të twoy të twitsyën.

Amós 5:18

Mon tuk yë ja'ay yajpaatë mëti'ipë tsyojkën'ajtëpën ets Wintsën myinëty. ¿Mnija'awëtyëp wi'ix nëjkx jyäty kyëpetyën ko ënäty yë Wintsën myinyë? Nëjkxëp jää kyootsë ets ka'ap tyë'kxa'any jyaja'any.

Isaías 13:9

Miimp wiinkoonp ja Wintsën ja xyëëw ma ja ëyo'on y'ita'anyën, ma ja tsyip y'äkë tyajnaxa'anyën, mëti'ipë ja naaxwiinyëtë yaj'awinpitäämpyën anë'ëk tëëtsë'ëk, yajkutëkooytya'ajäämpy ja pokyjyä'äytyëjk mëti'ipë yajpatëpën naaxwiiny naaxkëjxy.

Apocalipsis 18:10

Tsë'ëkë jawë nëjkx tjaak'a'ijxtuktë jëkäm, yë'ë tsyë'këtëp ko nëjkx näjyëtu'un jyatë ets y'ëna'ana'antë: Mëj Babilonyë kajpn ix m'ëkjaty m'ëkkëpety, mëj Babilonyë kajpn ix m'ëkjaty m'ëkkëpety, mëk ja mëk'ajtën ijty xymyëëtëty ets ajotkumonë të mtukja'tyë ja ëyo'on.

Joel 2:11

Yë Wintsën, jëyëjp nyijkxy ma tsyiptuunpëtëjkën, jëtu'un ja y'aaw y'ayuk tyaj'ëna'any; tä ënääwën. May yë tsyiptuunpëtëjk; ka'ap tjëkyepy wi'ix yajmëtyowëtyën mëti'ipë mëmëtoowëpën. Nëkooyë myëj'ajt kyëjää'ajnë yë Wintsën yë xyëëw.

Jeremias 51:8

Ajotkumonë yë Babilonyë kajpn të y'ëkëtykyuka'anaxy ets xit ko'ow të jyajta'ay. Nijë'ë niya'axtë tääpë kajpn. Mëmintë yë nyi'aay nyitsooy yë tsyëtyut ets yaj'ixëty pën tsokp.

Isaías 34:8

Jëtu'un nëjkx ja Wintsën ja tsyip y'äkë tyajnaxy, jää jëmëjt nëjkx tyaj'ity ja tëytyu'unën, mëët ko ënäty ja Sión kajpn o'ktëy të jyäty të kyëpety.

Isaías 2:12

jä'ä xëëw ma ënäty winë tunyën yë Wintsën mëti'ipë maaytyääyëpën winë, o'ktëy nëjkx jyatë kyëpätë mëti'ipë nämyëjja'aw näjyääntyja'awëtëpën, ets tëkokyë ja'ay mëti'ipë ënäty mëj jaanty të nyäyajnaxëtën, pa'tkë'p nëjkx kyëtakta'atë,

Santiago 5:1

Mëtowtë miits, kumeenyjyä'äyëty. Mëjë'ë mëya'axtë ja m'ëyo'on mjotmayëty mëti'ipë mpaatantëpën.

Malaquías 4:5

Ëk'ixtë: Ëjts yë'ëjës yam nkäxäämpy yë Elías yajkutujkpë, ma ka'anëm tpaatyën ja xëëw po'o ma ëyo'on jotmay y'ita'anyën.

Sofonías 1:14

Tëë tyimwiinkony yë Wintsën yë xyëëw. Tim winkon, pe'tym wyinkony. Ta'amëm nëjkx yë ja'ay tjawëtë ko ënäty ja Wintsën ja ëyo'on tyaj'ity: Yë'ëpaat yë ja'ayëty mëti'ipë jotmëkëtyën nëjkxëp y'ayaxtu'utë.

Joel 2:31

Pi'itsäämpy yë xëëw ets po'o, ne'pnyën jyajta'aja'any; ka'anëm ënäty yë Wintsën yë xyëëw tpaaty mëti'ipë mëj'äämpy ets kutsë'ëkë itaanpën.

Joel 1:13

Miitsëty teetytyëjkëty, mëti'ipë wintsë'kën myajktëpën ma wintsë'këntyaknën, tuktëkëtë mwitëty mëti'ipë kuumpën u'kxpën ets mjë'ëtëty mya'axtëty mëët ja pëjkën ato'onën, jä'ä ko jap ma tsajptëjkën ka'ap jap tiinë yë tsajpmok ets tsatym nyëë mëti'ipë wintsë'kën'ajtpën.

Joel 1:5

Miitsëty, ëmu'ukyëjyä'äytyëjkëty, ëkwijtë. Jë'ëtë ya'axtë mëti'ipë tyukjajtëpën y'uuktëty myu'ukëtëty, miimp ja xëëw jëmëjt jëna'a nëjkx myajpëjkëtë yë tsatym nyëë tëëpë nyimaanaxyën.

Isaías 14:31

Jë'ëtë ya'axtë miitsëty filistejë ja'ayëty, më''ëna'antë yë mpëjk m'ato'onënëty, tsëtyuytyë mëët mëktsë'ëkë, jä'ä ko tam anëkëjxmtsow ja mmëtsip mniminyë tä yoots nëma'ajën, tä naaxwayën mëti'ipë myajkutëkoyanëpën ets ni pën kyajëjpkuwa'akëja'anyë.

Job 31:23

Ëjts tëëjës ntsë'ëkë Tios yë tyiytyu'unën; ka'apës ijty nmëmëta'aka'any yë myëj'ajt y'oyajtën.

Joel 1:11

Miitsëty mëti'ipë naaxtuuntëpën, mëti'ipë nyipëjktakëtyëpën yë tsatsymkyam, jë'ëtë ya'axtë mon tuk, jä'ä ko ma'ta'ajaanp yë mëti'ipë ënäty të xyjyakoj të xyjyani'iptën ets tsajpmok ets cebadë mya'ata'aja'any.

Ezequiel 21:12

Mijts ye'etyëjk, ya'ax jok, jë'ë ya'ax, jä'ä ko tëë kajpn nyitukë ets ja ja'ay y'o'kta'atëty, tëkokyë Israel yajkutujkpëtëjk. Tëë nyitujkëtya'atë ets y'o'kta'atëty mëët tu'kë'ëyë yë naax nkajpnës, paaty jotëkoy ets näkyätsykyoxët.

Jeremias 49:3

Jë'ë ya'ax mijts Hesbón kajpn, ko tëë ja Aí kajpn kyutëkoy. Nasyaaxëtë miitsëty to'oxytyëjkëty mëti'ipë jam Rabá kukajpnajtëpën. Tuktëkëtë ja mwit mtujkxyëty mëti'ipë kuump u'kxpën ets mnäkyätykyupëtëty. Jëtu'un mpëyë'knax mpëyë'ktëkëtëty tä jeexyë mpojëtën, yajtsëtyutë mjot mnini'kxëty. Jä'ä ko ja Milcom mëti'ipë m'ëwtajtëpën, wiink naax wiink kajpn të yajmënëjkxy tsumy matsy mëët ja teetytyëjkëty ets ja ja'ayëty mëj'äämpyë y'itën.

Isaías 65:14

Ëjts ja ntuunpëtëjk akujk jotkujk y'ëwa'an xyoonta'aka'antë, e miitsëty je'eyë ja mon tuk mjë'ëja'an mya'axa'antë.

Isaías 52:5

E tyam, ¿tiijës n'ijxyp? Nanëkookyëjxm yë nnaax nkajpnës të tyajnëjkxtë tsumy matsy jap Babilonyë. Mëti'ipë ëxëëktuun tsaatyuuntëpën amëj akëjxm, xyontë y'itë ets janaam jatsojkës xyajjoot'anpëktë.

Isaías 23:1

Ma yaj'akäjpxyën wi'ix yë Tirë kajpn jyata'any kyëpäta'anyën: Je'eyë jyaak mu'uy jyaak niitsy ja kepy nëëwinye'epyë mëti'ipë jam Tarsis tso'onpën, jä'ä ko tëë ja mëtsip tyajma'ta'ay ma jyajta'aktën. Tëë mya'ta'ay ma jya'tën mëti'ipë tso'onpën jam Chipre.

Jeremias 25:34

Ya'axtë kupixyny këwent'ajtpë, ya'axtë joktë mëët ja pëjkën ijxën. Jä'ä ko tëë tpaaty ja nyixëëw ma ja o'kën tëko'oyën y'ita'anyën ets miitsëty jëtu'un mmëtsip myaj'ooka'anëtë tä ja'ay tyaj'ookyën yë kupixyny.

Isaías 10:3

¿Tii mtuunta'akantëp ko ënäty pën myajtëwëtë mëti'ipë mtuuntëkooytyëpën, ets ko ënäty mtukmin mtukja'tëtë ja tëytyuunpë? ¿Pën ja näypyutëkë m'amëtowantëp? ¿Maa ja maywyit maymyeeny xypyëjkta'aka'antë?

Isaías 10:25

Jä'ä ko wiinkoonp ja xëëw jëmëjt ma ja ëyo'on jotmay t'ixa'antën yë ntsip n'äkës yë'ë yajkutëkoyanëtëp.

Isaías 14:23

Nëë mo'ontsjot nyaj'awinpita'anyës, ju'k, wääk'oo, nëjkx jam tsyëënëtë. Jëtu'unës nyajkutëkoyä'äny tä ja'ay pyätë'ëkyën. Yë Wintsën mëti'ipë maaytyääyëpën winë, yë'ë kë'ëm jëtu'un ënaanp.

Isaías 34:2

Jä'ä ko yë Wintsën tëë tukjoot'anpëjkta'ay ja naax kajpn ets tëkokyë ja ja'ay, jëtu'un të y'ënä'äny ko tyajkutëkootya'aja'any ets tyaj'o'kta'aja'any wä'än timpyënëty.

Isaías 47:11

Je'eyëp ko minaanp ja ëyo'on jotmay ma mijtsën, oy jënu'un tii xyjyatunëty ma mpatoy mpano'okyën, ka'ap tii xytyunëty. Ja ëyo'on jotmay mëti'ipë mtukëtakëpën, ka'ap tjëkyepy xykyukä'äkëty; ka'ap ënäty tii xy'aawëty xyjyotëty ko ja amay jotmay mtukja'tëtëty.

Isaías 61:2

ets nikajpxa'any nimëtya'aka'anyës ja xëëw jëmëjt ma ja ja'ay jotkujk y'itëtyën, ja xëëw po'o ma ja nWintsën'ajtëm tyajkutëkoyä'änyën ja nmëtsip'ajtëmë mëti'ipë ëxëëk të xytyu'un të xy'ënëma'ayëmën. Të xykyexyës etsës nyajjotkujkëtya'aja'any tëkokyë ja'ayëty mëti'ipë moontëp tujktëpën.

Ezequiel 13:5

Nitii të tkatuntë ets Israel kajpn tkuwa'antëty ets jeexyë nyäkyuwa'anyë jä'ä xëëw ma ja Wintsën ja tsip tyaj'ita'anyën.

Daniel 5:9

Ni'ikyë jyänty tsyë'këtyäky ja Belsasar yajkutujkpë, tsuxkëm ja wyiin jyëjp jya'ajtaay. Ja wintsëntëjkëty mëti'ipë ënäty jam yajpatëpën ka'ap t'ëknija'awënëtë tii tyuunta'aktëpën,

Daniel 5:26

mëti'ipë niwijpën: MENÉ: Tios mëtyoy tyaj'ijnë yë xëëw jënu'un myajkutuka'anyën ets tëë t'awitsy mapaat jyëjpkëxëtyën;

Zacarías 14:1

Miimp wiinkoonp ja xëëw mëti'ipë ja Wintsën xyëëwajtypyën, ma yajpëjkwa'kxa'anyën tëkokyë mëti'ipë të yajmeetsyën ma mijtsën Jerusalén.

Isaías 63:4

Ënätës të ntuknipëjktaakë etsës nipaye'eyä'äny ja nnaax nkajpnës; ets nyaj'ëwaatsëpëtsëma'anyës ma o'ktëy yajpaatën.

Joel 2:1

Yajxu'uxtë yë pujxnxuxn jam ma Sión kopkën; yaktë ja mëto'owën jam ma Wintsën yë kyopkën. Wä'än tyajxijtyu'kxtë ja mëti'ipë jam Judá tsënaaytyëpën, jä'ä ko tim wiinkoonp ja Wintsën ja xyëëw,