Isaías 10:34 - Biblia Mixe de Quetzaltepec

³⁴ Mëët ja jatyë të yajpujxkëtaawta'ay ja kepy ets ja yukjot të yajpujxëtijta'ay, tëë pyëtë'kta'atë ja kepy mëti'ipë jamën Líbano.

Biblia Dc en Mixe de Quetzaltepec

³⁴ Mëët ja jatyë të yajpujxkëtaawta'ay ja kepy ets ja yukjot të yajpujxëtijta'ay, tëë pyëtë'kta'atë ja kepy mëti'ipë jamën Líbano.

Isaías 10:34 ပူးပေါင်းရင်းမြစ်များ

Isaías 37:24

Je'eyë mtuunpë të xytyuk'ëne'emy ets të tnëxi'ik të tukxi'iktë yë Wintsën. Jëtu'un ojts m'ëna'any: Ëjts may kepy wintëkäämpë nmëët'atyës, jampaat muum kopkëjxm nja'tyës, jampaatës të nja'ty ma Líbano kyopk kupi'tykyën. Etsës të npujxë'ktaayë ja y'ajë kepy mëjëtypë ets tsiin kepy oyëtypë. Tëës ntukjëtijtëtyääyë tyun kyopk mëjëtypë ets yukjot kepyjyot mëti'ipë jëtu'un këxë'kpën pëjykyamën.

Apocalipsis 18:21

Ënät tu'uk ja tsajpjotmëtë kukäjpxy mëk'ajtënmëëtpë tkoonë'ky ja tsaa mëti'ipë jëtu'un këxë'kpën ijxtëm yë mëj tsaapaanën ets mejyjoty të t'aka'atsë ets të y'ënä'äny: Tim näjyëtu'un jyata'any ja mëj kajpn Babilonyë ets nijëna'a kyayaj'ixëty kyayajpaatëty.

Apocalipsis 10:1

Ënätës n'ijxy wiinkpë ja tsajpjotmëtë kukäjpxy, mëti'ipë maaytyääyëpën winë, ko tsajpjotm tsyo'ony yootsjotm. Tam i'ty tmëëtëty ma kyëpajkën ets ja wyiin jyëjp janty ajajp ijxtëm xëëw'anën ets tyeky ijxtëm yë jëënyä'änkën.

2 Pedro 2:11

Oy ja anklëstëjk wäänëni'ik tjamëët'atë ja mëjaaw ets ja mëk'ajtën, ka'ap ëxëëkjaty tijtë ja kutujkëntëjk mëët ja Wintsën ja myëk'ajtën.

2 Tesalonicenses 1:7

ets miits myajpo'kxëtëty ma tyam m'ëyowtën, näjyëtu'un tä ëëtsëtyën. Jää nëjkx jëtu'un jyäty kyëpety ko ënäty ja Jesús myiny mëët ja y'anklëstëjk kutujkënmëëtpë jam tsajpjotm.

Nahúm 1:12

Paaty yë Wintsën yë nyaax kyajpn të t'ënëëmë: Oy jënu'un yë Asiria ja'ayëty myëk'atë ets oy jënu'un nyimay'atë, nëjkxëp kyutëkooytya'atë ets kyëjxta'atë. Oy të n'ëkyaj'ëyoy ka'ap jëtu'un n'ëktunanë.

Daniel 4:23

Mijts yajkutujkpë nän tëë xy'ixy ko tu'uk yë tsajpjotmëtë kukäjpxy kyëtä'äky ets y'ënä'äny: Yajkëtawtë tääpë kepy ets yajkutëkoytyë, yi'iyë kepy kyopk myajwë'ëmtëp ets tyikts; ets xykyutsumtëty mëët yë pujxntejpxy mëët yë juunpujxn aats, wä'än jam tyajpaaty aayjoty ujtsjoty. Ets nyimaanikëtëty ets jëtu'un jyuuky'atëty tä aayjëyujk ujtsjëyujkën wëxtujk jëmëjt.

Jeremias 48:2

Tëë kyixy nyäxy ma mëj'äämpy të y'ityën yë Moab. Jam Hesbón tam tnipëjktaakëtë wi'ix yë Moab kajpn y'atëkoyëtyën. Mits Madmén näjyëtu'un mkutëkoyä'äny ets ja tsip ka'ap m'ëxmatsa'anyë.

Jeremias 22:7

Ntuknikäxäämpy yë ja'ay mëti'ipë mniminëtëpën mëët ja tyiypyujxn ets mëët ja kyu'umën ets myaj'atëkoyëtëty. Nëjkxëp tjijtë'kta'atë ja mtëjkxeny mëti'ipë ajë kepyën ets tnino'kta'aja'antë.

Isaías 37:36

Ënät ja Wintsën ja kyukäjpxy ojts tsyoony ets ojts nyijkxy jam ma ja Asiria ja'ayëtyën, tääts tyaj'o'ky nimëko'px ja majkta'px mëkoxk mil ja Asiria ja'ay. Komjëpom aak ooky ojts kyuxëënyëtë.

Isaías 31:8

Jää nëjkx ja Asiria ja'ay yajkupujxta'atë, je'eyëp ko ka'ap nyaaxwiinyëtë ja'ayëty jëtu'un tyuna'anëtë. Ja tsip yë'ë yajkä'äkäämpy ja ja'ay ets ja ëna'ktëjk mëti'ipë tsiptuuntëpën mëtuunpë y'awinpita'antë;

Isaías 10:18

Nëjkxëp tyajkutëkooytyä'äy ja tun kopk, oy ënäty oy të jyakëxë'ëky. Jëtu'un tyaj'awinpita'any tä tu'uk pa'amja'ayën mëti'ipë tëë myëjaawkëxyën.

Salmos 103:20

Mëjjaw kënu'kxyjyawëtë yë Wintsën miitsëty Tios kukäjpxy ninu'un myaj'ënä'äm myajmëkajpxtën; ninu'un jëjp'ixy myajpaatën ets xymyëmëtowa'antë.

Isaías 2:13

tu'kë'ëyë ja'ayëty mëti'ipë jëtu'un näjya'awëtëpën tä Líbano kepy tyänëtën, tä Basán xojën.

Isaías 33:9

Jëëytyëp yaxtëp ja ja'ayëty ko ja o'kën tëko'oyën y'ity, anë'ëk tëëtsë'ëk ja Líbano naaxjot yajpatnë, ja Sarón itjot aanë'ëk tëëtsë'ëk të y'awinpijnë, ja Basán kopk ets ja Carmel kopk tëë wyinwatstaaynyë.

Ezequiel 31:3

Jëtu'un tä yë ciprés kepyën ëkë ajë kepyën mëti'ipë jam Líbano, janty'oy xye'enty kyëxë'ëky, mëj nyinikë jam yukjotm, këjxm, jampaat jyëjp jyä'ty ma yootsën.