Isaías 10:1 - Biblia Mixe de Quetzaltepec

¹ Janty mon janty tuk miitsëty myajpaatë, ko xyajkojtë ja ënä'ämën mëti'ipë ka'ap myëtëyëtyën ets xynyikajpxtë ko tëë tu'uk ja ënä'ämën xyajpëtsëmtë mëti'ipë ëxëëktuunpën,

Biblia Dc en Mixe de Quetzaltepec

¹ Janty mon janty tuk miitsëty myajpaatë, ko xyajkojtë ja ënä'ämën mëti'ipë ka'ap myëtëyëtyën ets xynyikajpxtë ko tëë tu'uk ja ënä'ämën xyajpëtsëmtë mëti'ipë ëxëëktuunpën,

Isaías 10:1 ပူးပေါင်းရင်းမြစ်များ

Lucas 11:52

Miitsëty tsajptëkotyëtë yaj'ijxpëjkpë mon tuk myajpaatë, mëti'ipë tëë xyjyä'äniwa'antën ja nija'awën; je'eyëp ko ka'ap mtëkëtë tëkoty ets ni xykyayajnaxtë ja wiinkpë.

Mateo 23:23

Mon tuk miitsëty myajpaatë, yaj'ijxpëjkpëtëjkëty, mëti'ipë nyija'awëtëpën ja ënä'ämën tëyajtën, wiinkë'ëy akë'ëypyë oyjyä'äy mnäpyëjkta'akëtën. Mjatukniwë'ëmtëp ja Tios ja jyä'ä ko tii xyajwintëwtë, ijxtëm: ja menta, anis ets cominë; je'eyëp ko ka'ap xymyëjpëjkta'aktë ja ënä'ämën tëyajtën mëti'ipë kopkpëkyën yajpatunëty, ijxtëm: ja nipaye'eyën mëtëypyë, ja pa'ëyo'ow najts'ëyo'owën ets oypyë juukyajtën. Ya'atëtën ijty ni'ik oy ja kopkpëky, oknëm ma ja Tios ja y'ayajk y'ako'onën yajmo'oyën.

Juan 19:6

Ko t'ijxtë ja teety wintsëntëjk ets ja mëjtsajptëjk këwent'ajtpë ets yaxpë jojkpë tyëjkëtyë: Yajkruutspät. Yajkruutspät. Ets ja Pilato y'ënëmaayëtë: Mënëjkxtë ets miits xyajkruutspätëty, ëjts ka'apës tii pyoky të npatë.

Juan 9:22

Jëtu'un ja tyaak tyeety ojts y'ëna'antë jä'ä ko tsyë'ëkëtë, tëë ënäty ja jutiis ja'ayëty tkäjpxy'atë ko ka'ap tkupëka'antë jap tsajptëkoty tu'kë'ëyë mëti'ipë ënantëpën ko Jesús yë'ë Kristë.

Habacuc 2:6

E ja naax kajpn mëti'ipë të yajmëmëta'aktën nëjkxëp tnëxi'ik tukxi'iktë ja kajpn mëti'ipë ënäty të myëmëta'akëtën ets jëtu'un nëjkx tkuuy'ëwtë: Mon tuk mijts myajpaaty ko mnäyajkumeenytyä'äkyë mëët mëti'ipë ka'ap xyjyä'äjëtyën. ¿Jëna'apaat xynyipëjkpäta'any ja wit meeny mëti'ipë nu'kx m'amëtoowën?

Isaías 5:8

Janty mon janty tuk miitsëty myajpaatë, nëkoopë mjëën mtëjk xynyijuuypyätë, nëkoopë mkam mtu'u xypyëjkta'aktë, ka'ap xy'a'ixëtë ets wiinkpë nyaax tpaatëty, ets të mtsënaaytyaknpëktë, jëtu'un tä jeexyë miits nätyu'uk nkajpn'atën.

Judas 1:11

Pyaatantëp ja mëj ëyo'on, jä'ä ko yë'ë tyuuntëp mëti'ipë ja Caín tyuunën. Ko myeeny atsoktë jëtu'un y'ëtë'ëtstë ijxtëm ja Balaamën ets ja Coré ets kë'ëm tku'ookëja'antë ja y'ëxëëk winma'anyëty.

Mateo 26:24

Jëtu'unës nja'ata'any ijxtëm kuja'ay myinyën. Temë tääpë ja'ay mëti'ipës xykyë'ëyakaanpën, oyxyëp të kyaminy naaxwiinyëtë.

Mateo 23:29

Mon tuk miitsëty myajpaatë, yaj'ijxpëjkpëtëjkëty, mëti'ipë nyija'awëtëpën ja ënä'ämën tëyajtën, wiinkë'ëy akë'ëypyë oyjyä'äy mnäpyëjkta'akëtën. Miits ja o'kpë jut myaj'o'oyëtëp ma ja Tios ja kyäjpxynyajxpëtëjk nyaaxtëjkëtën ets oy të xyaj'ijxëntëkëtë ja potsy ma të xynyipotsëtën ja wa'ats ja'aytyëjkëty,

Mateo 23:27

Mon tuk miitsëty myajpaatë, yaj'ijxpëjkpëtëjkëty, mëti'ipë nyija'awëtëpën ja ënä'ämën tëyajtën, wiinkë'ëy akë'ëypyë oyjyä'äy mnäpyëjkta'akëtën. Jëtu'un miitsëty ijxtëm ja o'kpëjutën, tëëpë yajjaamnikoyën, nëkëjxypyë y'oytyunyëtyën, je'eyëp ko jap jootjoty aak o'kpëpajk ets ak tok jap.

Habacuc 2:12

Janty mon janty tuk mijts myajpaaty jä'ä ko yë'ë mëët ja mnaax mkajpn të xykyojy ja ëxëëkajtën ets ma ka'ap tii mëtëy të xypyaye'eyën.

Habacuc 2:9

Janty mon janty tuk mijts myajpaaty, ko ja mjëën mtëjk të xyaj'uty mëët yë mëti'ipë të xymyeetsyën ets mjanäyajtso'oka'anyë ma atsë'ëkëtuuy m'ityën.

Miqueas 6:16

Jä'ä ko mijts yë'ë të xypyanëjkxy ets të xytyuny ja Omri ja y'ënä'ämën ets ja Ahab ja jyiiky myëku'uk; jëtu'un winë të xytyuny tä yë'ëjëtyën. Paaty mijts ets mnaax mkajpn atsë'ëk ajawë jyata'antë ets je'eyë nëjkx yajnëxi'ik yajtukxi'iktë, ja nnaax nkajpnës ja tsyëtsyu'un jam nëjkx kyëtakta'ay ma mijtsën.

Mateo 11:21

Mon tuk myajpaatë miitsëty Corazín ja'ayëty ets Petsayëtë ja'ayëty, mëët ko të mkamëpëktë ets ko të xykyayaj'oyëtë mjot mwinma'anyëty. Ko jeexyë ja Tios ja myëj'ajtën të tyuny të jyätyë jam Tirë ets Sidón ijxtëm të tyuny të jyätyën ma miitsëtyën, tëëyëp ja nyajjootwinpijnëtë ets tëëyëp ja u'kxypyë wit natuktëjkënëtë, ets ja kuyjaam nyanätyukniwëjënëtë.

Habacuc 2:19

Janty mon janty tuk mijts myajpaaty, jä'ä ko yë'ë awinax m'ënëmääpy ets wyijëty, tsaa m'ënëmääpy ets wya'kukëty. ¿Wä'än jëtää tii xy'ëktuk'ëwa'anëmëtyë? ¿Ka'ap tii xytyuk'ëwa'anëmëty jä'ä ko ka'ap jyuukyëtyë? oy jënu'un pu'ts pujxn ëkë poop pujxn tjaniwits'aty.

Habacuc 2:15

Janty mon janty tuk mijts myajpaaty, jä'ä ko yë'ë mtuk'a'ukëp yë mëj jëën mëtëjk yë nëë mëti'ipë xëpinyën mëët yë tsooy mëti'ipë yajwinma'anytyëkoopyën ets xynyëxi'ika'any xytyukxi'ika'any ko ënäty niwa'ats ëxwa'ats yajpaaty.

Jeremias 22:13

Janty mon janty tuk mijts myajpaaty, jä'ä ko ka'ap tii mëtëy xynyipaye'ey, yë mkëmoon tëjk yë'ë të xytyukkojy ja ëxëëk winma'any, ko ja ja'ay nëkoo të xytyätyyajtuny ets ka'ap të xymyëjuy ijxtëm pyäätyën.

Isaías 5:18

Janty mon janty tuk miitsëty myajpaatë, jä'ä ko mëët ja näywyin'ëënë mtuuntëkoytyë, jëtu'un ja nëë poky xypyajëtitë tä kepy wintëkäämpë yajpajëtutyën.

Isaías 3:11

Janty mon janty tuk yajpaaty ja ëxëëk ja'ay, jä'ä ko ëxëëk jyata'any. Jëtu'un nëjkx ja Wintsën tyukumëtoyë tä ënäty ja nyëë pyoky kyëjääjëtyën.

Salmos 58:2

Aak tëkatsy miitsëty winë xytyuntë, jëën tsip je'eyë m'ixkujkëtyëp ma ja naax kajpnën.

Isaías 5:11

Janty mon janty tuk miitsëty myajpaatë, tsojk mpëtë'kojtë ko m'uuktë mmu'ukëtë, ets jëtu'un mkutsu'ujëtë.

1 Reyes 21:13

Tä myiintë nimäjtsk ja ja'ayëty mëti'ipë win'ëënantëpën ets tpokynyitija'antë ja Nabot, tukmëtoowtë ja mayjyä'äy; ko ja Nabot ëxëëkjaty ënäty ja Wintsën të tijy ets näjyëtu'un ja yajkutujkpë. Ënätyë tju'të ja Nabot jam ma ja mayjyä'äyën ets jam kajpnpë'am ojts tyajnëjkxtë, jam tkuka'tstë.

Isaías 3:14

Yë Wintsën tyukwinmëtowäämpy ja mëjja'aytyëjk ets ja kopktëjk ja nyëë pyokyëty, ets t'ënëëmëja'any: Miits të xypyëjkëtë ja ëyoopëja'ay ja kyä'äyën y'ukën, tëë xymyäätstë ja mëti'ipë ënäty ja y'u'unk y'ëna'k tyuk'ixäämpyën, ja mëti'ipë të xymyäätstën jam ma mtëjkën të xymyënëjkxta'atë.

Isaías 5:23

Mnimeenypyëjktëp ets ja ëxëëk ja'ay ka'ap pyokytyëkëty, ets ka'ap xypyaye'eytyë ja wa'ats ja'ay ijxtëm pyäätyën.

Isaías 29:21

mëti'ipë wiink ja'ay tyuknipëjktëpën ko yajja'ay'ooktë, mëti'ipë myeenymyooytyëpën ja yajkutujkpë ets wa'ats ja'ay nyäyajnaxëtë ets yajtëytyuny ja mëti'ipë ka'ap tii poky tmëëtëtyën.

Isaías 59:4

Ni pën mëtëy kyani'ëënë ets ka'ap nitii oy yajnipaye'ey. Jä'ä ni'ik myëjpëjktaktëp mëti'ipë win'ë'ënpën ets mëti'ipë ka'ap tii mëtëy tnikäjpxyën; ujts ja myoxëty mëët ja ëxëëkpë, koonëm ja jyiiky myëku'uk tyaj'ooktë.

Isaías 59:13

Tëës yë Wintsën nkäjpxykyumëtoownaxtë ets ka'ap të nmëj'ixtës, ka'apës të ntsoktë mpanëjkxtëty; ja tsiptu'unën jä'äs të n'akajpxtë ets ja njëëky nmëku'ukëtyës të nkë'ëyaktë, yë'ë të yajmay të yajtajy wi'ix nwin'ëëntëtyës ja nmëku'ukëtyës.

Éxodo 23:3

Këtii xytyimmëpëjkta'ajëty ja y'aaw y'ayuk ja ëyoopëja'ay.

Éxodo 23:6

Këtii m'ënaanpëty ko ja ëyoopëja'ay ka'ap xynyipaye'eyä'äny mëti'ipë paat'ajtëpën.

Amós 2:7

Tyiytyuuntëp ets ka'ap tmëj'ixtë yë ëyoopëja'aytyëjk, ko jya''amëtoyë ja ëyoopëja'ay ets jeexyë tpaye'ey, ka'ap tpaye'ey. Yë u'unkteety ets myaank tu'ukyë ja to'oxytyëjk tukmujknëtë ets tmëët tsëënëtë, tyajnipäxëtëkëtë jëtu'un ja nxëëwës.