Isaías 1:1 - Biblia Mixe de Quetzaltepec

¹ Mëti'ipë yë Jeséas y'ijxën myëtoowën, Amós yë myaank, ma ja Jerusalén yajnikäjpxyën ets Judá, ma ënäty yajkutukyën yë Uzías, Jotam, Acaz ets Ezequías, mëti'ipë jam Judá ënä'ämtën.

Biblia Dc en Mixe de Quetzaltepec

¹ Mëti'ipë yë Jeséas y'ijxën myëtoowën, Amós yë myaank, ma ja Jerusalén yajnikäjpxyën ets Judá, ma ënety yajkutukyën yë Uzías, Jotam, Acaz ets Ezequías, mëti'ipë jam Judá ënä'ämtën.

Isaías 1:1 ပူးပေါင်းရင်းမြစ်များ

2 Crónicas 26:1

Ënät ja naax kajpn ojts tnikajpxpety ja Uzías ets yë'ë yajkutukëty, jä'ä ko ja tyeety Amasías tëë ënäty y'o'knë. Uzías jä'ä ënäty jyëmëjt majkmokx tu'uk,

2 Reyes 18:1

Ma ënäty mëtëkëëk jëmëjt yajkutukyën yë Oseas, yë myaank yë Elá, mëti'ipë jam ënä'ämpën Israel, jää ojts tyëkë yajkutujkpë yë Ezequías, yë myaank yë Acaz jam Judá.

Isaías 7:1

Ja yajkutujkpëtëjk mëti'ipë xyëëwajtëpën Resin, Siria ja'ayëty ets ja Pecah, Israel ja'ay, yë myaank yë Remalías; ojts tjanitëkëtë tëkok yë Jerusalén kajpn, je'eyëp ko ka'ap ojts myëta'aktë. Jää ojts jëtu'un tyunyë jyätyë ma ënäty yajkutukyën yë Acaz, yë Jotam yë myaank, yë Ozías y'ok'u'unk, mëti'ipë jam Judá yajkutujkpën.

Isaías 6:1

Jä'ä jëmëjt ma ja yajkutujkpë Ozías y'o'kyën, jääjës ojts yë Wintsën n'ixy kuma'ayjoty; jamtëm y'u'unyë ma ja yajkutujktaknën. Jam këjxm ets janty'oy janty tsuj jam, ja wyit janty yonytyëm, jä'ä wa'ats të tyajnitujkta'ay ja tsajptëjk.

Isaías 2:1

Ya'atë ojts yë Jeséas t'akäjpxy mëti'ipë yajtuk'ijxën, yë'ë nyikäjpxyp wi'ix jyata'anyën yë Judá kajpn ets Jerusalén kajpn. Yë Jeséas, Amós yë myaank.

Salmos 89:19

Ojts tu'kxëëw tu'kjëmëjt xymyëkäjpxy yë mtuunpëtëjk, jëtu'un tä ja'ay tii twin'ixyën, ets ojts xy'ënëëmë yë mja'ay mëti'ipë ënäty oy mëtuunëpën: Tëës tu'uk jotmëkja'ay nwin'ixy maas yë nnaax nkajpnën, mëj'äämpyës të npëjktä'äky ets tëës nputëkë.

Números 24:16

mëti'ipë tu'ukyë yë jyot wyinma'any pyëjktäkpyën ma Tiosën, mëti'ipë wa'ats winë nyija'apën tä yë Tiosën Ni'ik Këjxmëpë, mëti'ipë y'ëxajëpën ja aaw ayuk ets yajxon timy'ixy wi'ix winë tyuna'any jyata'anyën, mëti'ipë Tios tuk'ijxëpën mëti'ipë maaytyääyëpën winë.

Amós 1:1

Ya'atë Amós y'aaw'ajtyp y'ayuk'ajtyp, ja kupixyny këwent'ajtpë, mëti'ipë jam Tecoa kukajpn'ajtpën. Ojts yë Wintsën tyukmëmëtyä'äkyë wi'ix ja Israel kajpn jyata'anyën, ja mäjtsk jëmëjt ënäty tkapaaty ma ja mëk ujx nyaxa'anyën; jää xëëw jää jëmëjt ma ënäty yajkutukyën yë Ozías, Judá yajkutujkpë ets ma yajkutukyën yë Jeroboam, yë Joás yë myaank, Israel yajkutujkpë.

Jeremias 23:16

Yë Wintsën mëti'ipë maaytyääyëpën winë, jëtu'un y'ënä'äny: Miitsëty Israel ja'ayëty, këtii nëkoo xymyëjpëjkta'aktë yë käjpxynyajxpëtëjkëty yë y'aaw y'ayukëty. Aakyë'ë y'ëëwtëp kyajpxtëp mëti'ipë ka'ap myëtëyëtyën, mëti'ipë kë'ëm të tma'kxtën, mëti'ipë ka'ap y'ëjtsëty të nnikäjpxyën.

Isaías 40:9

Jam mpätëty Sión, tunkëjxm ets jam mëk mkukajpxnaxëty, jam xynyikajpxëty ja oykyäjpxy oymyëtyä'äky. Këtii mtsë'ëkë mijts Jerusalén, amëk jotmëk timkajpx, tukmëtoowta'a ja Judá y'itjot nyaaxjot: Tyaa ja Tios mëti'ipë miits mTiosajtëpën.

Isaías 21:2

Mëk oy yajmëtoy mëti'ipës ja Wintsën të xytyuk'ëwaanën: Mëti'ipë ja myëku'uk kyë'ëyäjkpyën, tëë ja jëtu'un tuny; mëti'ipë yajkutëkoopyën winë, të ja jëtu'un tuny. Pëtë'ëk mijts Elám ets mijts Medë ja'ayëty, nëjkx mtsiptuntë. Ëjts ka'apës n'ëkupëkanë ets pën je'eyë nyikajpx nyimëtya'akëty.

Isaías 13:1

Ma yajnikäjpxy yajnimëtyä'äkyën wi'ix ja Babilonyë ja'ay nëjkx jyatën kyëpätën, mëti'ipë ja Jeséas, ja Amós ja myaank, ojts ja Wintsën tyuk'ëne'emyën ets nikajpx nimëtya'akëty.

2 Reyes 15:32

Ma ënäty myëmäjtsk jëmëjtpetyën, ma yajkutukyën yë Peka, myaank yë Remalías, jää ojts tyëkë yajkutujkpë jam Judá yë Jotam, myaank yë Uzías.

2 Reyes 15:7

Ko yë Azarías y'o'ky, jam tyajnaaxtëjkëtyë ma ja David ja kyajpnën, ma nyaaxtëjkëtyën mëti'ipë yajkutujktën. Yë'ë kutëjkëyë ja myaank Jotam.

2 Reyes 15:1

Ma ënäty y'i'px wëxtujk jëmëjtpetyën, ma ja Jeroboam yajkutukyën, jampë Israel y'ëne'emyën, jää jëmëjt ojts yë Azarías, yë myaank yë Amasías tyëkë yajkutujkpë jam Judá.

Hechos 26:19

Mijts, yajkutujkpë Agripa, koos ja Jesús ojts jëtu'un xymyëkäjpxy tsajpjotm, ojtsës jëtu'un npatuny.

Hechos 10:17

Tam ënäty ja Pedro je'eyë tmëmay tmëtajy wi'ix nyiwijyën mëti'ipë y'a'ijxnajxypyën ko ja Cornelio ja kyäjpxynyajxpë jyajtë jam tëjk'ëkë'ëm, jä'ä ënäty yajnitë'ëwëtëp ja Simón ja tyëjk.

Mateo 17:9

Tam ënäty kyëta'aktë Kopkwinm ko ja Jesús ojts y'ënë'ëmxëtë: Ka'ap pën xytyuk'ëwaanëtëty ko jëtu'un të xy'ixtë, jäänëm koos njuukpyëkëty, ëjts, naaxwiinyëtë ja'ay y'U'unk.

Habacuc 2:2

Tëës yë Wintsën xy'ëtsoy ets të xy'ënëëmës: Jam këxjaaytya'a mëti'ipë yam ntuk'ënëëmëjäämpyën ma naaxmajën tëëpë tyëkäjkë'ëkyën ets jyëkyäpëp yajwinpakajpxëty.

Nahúm 1:1

Ya'atë noky yë'ë jyääy yë Nahúm, mëti'ipë jam Elcos kukajpn'ajtpën, mëti'ipë ojts yajtuk'ëwaanën ma wyinkumaayën. Nínive ja'ay yajtuknija'ayëtyë ya'atë aaw ayuk.

Miqueas 1:1

Ya'atë aaw'ajtp ayuk'ajtp, mëti'ipë ojts yë Wintsën tuknikexyën yë Miqueas mëti'ipë jam Moréset kukajpn'ajtpën ets mëti'ipë ojts tuknijawën kuma'ayjoty wi'ix jyata'any kyëpäta'anyën yë Samaria kajpn ets Jerusalén kajpn, ma ënäty yajkutuktë ja Jotam, Ahaz ets Ezequías jam Judá.

Oseas 1:1

Ya'atë ja Wintsën y'aaw'ajtyp y'ayuk'ajtyp mëti'ipë yajmooyën ja Oseas, yë Beerí yë myaank, ma ënäty yajkutuktë yë Ozías, Jotam, Ahaz ets Ezequías jam Judá ets ma ënäty yajkutukyën yë Jeroboam, yë Joás yë myaank, jam Israel.

Números 24:4

Ko tu'ukyë yë jyot wyinma'any jam tpëjktä'äky ma Tiosën, wa'ats winë tnijawë, myëtoopy ja aaw ayuk, ets yajxon timy y'ixy wi'ix winë tyuna'any jyata'anyë. Yë'ë mëti'ipë yë Tios yaj'ijxëpën, mëti'ipë winë maaytyääyëpën.

2 Pedro 1:21

Jä'ä ko ka'ap ja kyäjpxynyajxpëtëjk ojts yë'ë tnikajpxtë mëti'ipë kë'ëm myääytyëp tyajtëpën, kënu'kxymyëk'ajtën ojts winma'any myo'ojëtë.

2 Corintios 12:1

Ni pën tkatuk'oy'äty ko pën kë'ëm nyämyëjpëjktä'äkyë. Oy jyajëtu'unëty, tyamës nnikajpxa'any wi'ixës ojts ja Wintsën xytyuk'ixyën winë.

Números 12:6

Ënät ja Tios y'ënëmaayëtë: Mëtoow'itë mëti'ipë yam ntuk'ënëëmëjantëpën: Ko tu'uk yë nkäjpxynyajxpës yajpaaty ma miitsëtyën, ëjts mëtyakpës mëët kuma'ayjoty ets ntuk'ijxypyës oytyiijëty tä ja'ay y'ijxën myä'ätyën.

2 Reyes 15:13

Yë Salum, yë myaank yë Jabés, jää ojts jyëmëjtëkë, ma ënäty i'px majkmokx majktaxk jëmëjt yajkutujknën yë Uzías, jam Judá. Je'eyëp ko yë'ë je'eyë ojts tu'kpo'o jam Samaria yajkutuky,

2 Reyes 19:2

Tääts tkejxy ja Eliaquim mëti'ipë kutujkëntëjk kyëwent'ajtypyën, ja Sebná mëti'ipë ja noky myëët'ajtypyën ma jap winë këxja'ay myinyën ets ja teetytyëjkëty mëti'ipë mëjja'ayëtyën ets ja wyit tuktëjkëtyë ja këëtsëtypë ets ja xa'kwit ets ojts tninëjkxtë ja Jeséas käjpxynyajxpë, yë Amós yë myaank,

2 Crónicas 26:22

Yë Uzías yë nyikäjpxy nyimëtyä'äky, jap myiny kuja'ay ma ja nokyën mëti'ipë jyääyën ja Jeséas, ja Wintsën ja myëtuunpë, yë Amós yë myaank.

2 Crónicas 27:1

I'px tu'uk ënäty Jotam jyëmëjt ko tyëjkëy yajkutujkpë jam Jerusalén, majkmokx tu'uk jëmëjt ojts y'ëne'emy. Jä'ä ijty yë tyaak xyëëwajtyp Jerusá, Sadoc yë nyëëx.

2 Crónicas 28:1

I'px ënäty yë Ahaz jyëmëjt ko tyëjkëy yajkutujkpë ets majkmokx tu'uk jëmëjt ojts yajkutuky jam Jerusalén; je'eyëp ko yë'ë ka'ap ojts oy ja Wintsën tmëtuny, jëtu'un tä David mëti'ipë y'apäjtën.

2 Crónicas 29:33

Jä'ä wyinë'ajty ja tsajpkaa, nitëtujk mëko'px ets tëkëëk mil ja tsajpkaa ëna'k.

Isaías 20:2

Jä'ä jëmëjt ojts yë Wintsën tmëkäjpxy yë Jeséas, Amós yë myaank ets t'ënëmaay: Jän tääpë wit mëti'ipë kuumpën u'kxpën, jän näjyëtu'un yë mkë'ëk. Ënät yë Jeséas tjantyjyeeny yë wyit ets nyätyuktekyjyääntutë yë kyë'ëk.

Isaías 37:2

Tä tkejxy ja Eliaquim mëti'ipë wiinkëëpy kujkëëpyën ma ja kutujkëntëjkën, ja Sebná mëti'ipë kujääpyën ets ja teetytyëjkëty, mëjja'aytyëjkëty ojts ja wyit tuktëjkëtya'atë mëti'ipë kuumpën u'kxpën mëët ja amay jotmay ets ojts ninëjkxtë ja käjpxynyajxpë Jeséas, yë Amós yë myaank,

Isaías 38:1

Ënät ojts yë Ezequías mëk pa'am pyäätyë. Tääts yë Jeséas käjpxynyajxpë nyimiinë ets y'ixa'anyë wi'ix ënäty yajpaatyën, ënät y'ënëmaayë: Jëtu'un yë Wintsën y'ënä'äny: Oy y'oyëty ko xyakëty ja m'aaw m'ayuk naamka'anëm m'ookynyëm, jëtu'un nijawëtëty ja m'u'unk mto'oxytyëjk tii mtsojkën'ajtypën, jä'ä ko m'ookaanp tsojk, ka'ap mtso'oka'any.

Ezequiel 1:1

Ëjts, yë teety Ezequiel, yë Buzí myaank; tëkok ojts nwin'ixyës, jamës näjyawëty ntänë ma Quebar mëjnëëjën, jam Babilonyë; ma ënäty yajpaatën ja ja'ayëty mëti'ipë tsumy matsy të yajmënëjkxtën. Ënät ja tsajp y'ëwatsy ets nwin'ijxyës yë Tios. Jää ma myëmëkoxk anyën yë mëmajktaxk po'opë, ma y'apetyën ja më'i'px majk jëmëjtpë, tëë ënäty mëkoxk jëmëjt nyajxnë ma ja Joaquín yajkutujkpë yajmënëjkxyën tsumy matsy. Ënät ja Wintsën ojts xykyë'ë nnixajyës.

Amós 4:5

Yaktë nino'oky nixämy yë mtsajpkääkyëty ma ja kukajpx ja'awëkyëtakën xyajnaxtën; xiitsow yaatsow nikajpx nimëtya'aktë ko m'ayak m'akonëtë kë'ëmtsojkën, jä'ä ko yë'ë jëtu'unpë oy mja'awëtyëp. Yë Wintsën jëtu'un ënaanp.