Hechos 9:4 - Biblia Mixe de Quetzaltepec

⁴ Tääts kyëtääy ets tmëtooy tu'uk ja ja'ay kyäjpxy ets y'ënä'äny: Saulo, Saulo, ¿tii koos xy'ixjëtity xypyajëtiy?

Biblia Dc en Mixe de Quetzaltepec

⁴ Tääts kyëtääy ets tmëtooy tu'uk ja ja'ay kyäjpxy ets y'ënä'äny: Saulo, Saulo, ¿tii koos xy'ixjëtity xypyajëtiy?

Hechos 9:4 ပူးပေါင်းရင်းမြစ်များ

Zacarías 2:8

Yë Wintsën mëti'ipë maaytyääyëpën winë tëëjës yë aaw ayuk xytyukmëkäxë ma ja naax kajpnën mëti'ipë ojts määtsëtën: Pënës yë nkajpn ëxaty tyuunpy, ëjts yë nwintsaa yajtsëtyujtyp, paaty tääpë naax kajpn kë'ëmës mëët ntsiptuna'any etsës nyajkutëkoyä'äny, ëxëëk nëjkx tyunyë mëti'ipë ënäty yaj'ëyoopy yajmëtuumpyën. Jëtu'un yë Wintsën yë myëj'ajt y'oyajtën tyajnikëxë'ëka'any ets xyjyä'äkyukëtëty ko yë'ëjës të xykyexy.

1 Corintios 12:12

Kanaakpëky winë tmëëtëty ja ni'kx kopk, tam ja kë'ë teky ets tam ja wiinkëtypë; je'eyëp ko tu'ukyë yë ni'kx kopk. Tim näjyëtu'un ja Kristë mëët ja jyä'äy.

Romanos 11:22

Ix, wi'ix ja Tios y'oyëtyën ets näjyëtu'un wi'ix tpëjktä'äkyën ja tsaatsytyu'unën; mëk tsaatsytyuny mëti'ipë pokyjotm ka'atëpën, e mijts oy të mmëët'atyë. Je'eyëp ko kopkpëky ko mjuuky'atëty xëmë oy ijxtëm yë'ë t'oy'ixyën; jä'ä ko tsojk näjyëtu'un myajkatspuxëty.

Isaías 63:9

Ma ja y'amay jyotmayëtyën. Ka'ap yë Wintsën kyutëkats tkejxy mëti'ipë të yajtso'okëtën; kë'ëm yë Wintsën të tyimminy ets të tyajtso'oky. Jä'äkyëjxm ko tmëët'aty tsojkën ja'awën ets pa'ëyo'owën najts'ëyo'owën, paaty të tyajtso'oky, kyë'ëkëjxy të tmatsy ets të tyajpëtë'ëky. Jëtu'un xëmë winë tuny.

Génesis 16:8

ets yajtëëwë: Agar, mëti'ipë tuunpë'ajtëpën yë Sarai. ¿Maa jëtu'un mtsoony? ets ¿maa jëtu'un mnëjkxy? Ënät ja Agar y'ëtsooy: Yë'ëjës nkukekpy yë nwintajës Sarai.

Efesios 5:30

jä'ä ko tu'ukyë nyajpatëmë mëët ja Kristë ijxtëm jeexyë tu'ukyë ja ni'kx kopkën.

1 Corintios 4:7

Jä'ä ko ¿Pën ja mëk'ajtën mooyëp ets ja mëku'uk xywyiink'ixëty? ¿Ets tii mijts mmëët'ajtyp mëti'ipë Tios ka'ap të mmo'oyën? ets pën Tios winë të mmo'oyë, ¿Tii ko mnätyukyajmëjnaxyë ijxtëm jeexyë mijts kë'ëm të xypyäätyën?

Juan 21:15

Ko y'ajop'ajtaaytyë ets ja Jesús tyajtëëy ja Simón Pedro: Simón, Juan yë myaank, ¿Xytsyojkpës mijts wäänë ni'ikë këtiinëm ya'atëtyë? Ets ja Pedro y'ëtsooy: Ntsojkpy mijts, Wintsën, mnija'ap mijts ko ntsoky. Ets ja Jesús y'ënëmaayë: Këwent'ajtëkës yë nkupixyny.

Mateo 25:40

Ënät ja yajkutujkpë y'ëtsowa'any: Tëy miits n'ënëëmëtë, ko të xytyuntë tu'kë'ëyë ja oypyë ja tu'unën kajpxën ma ja'ayëtyën mëti'ipë ënäty yajpatëpën ëmaay amutsk, ëjts jëtu'un të xymyëtuntë.

Génesis 3:9

E yë Wintsën ojts tmëkäjpxy ja ye'etyëjk ets t'ënëmaay: ¿Maamës jëtu'un mijts?

Juan 20:16

Ënät ja Jesús y'ënëmaayë: Maria. Tääts ja Maria y'ijxwinpijty ets t'ënëmaay hebreo ayuk'äämpy: Raboni mëti'ipë niwijpën Wintsën.

Juan 18:6

Ko ja Jesús jëtu'un y'ënëmaayëtë: Ëjts jëtu'un ënätyë ojts y'ixtëkëye'eytyë ets kyëtaktaaytyë naaxkëjxy.

Lucas 10:41

E ja Jesús jëtu'un y'ëtsooy: Marta, Marta, yë maypyë tuunk mijts mmëmääpy mmëtäjpy.

Números 16:45

Näjyëpëkëtë ma tääpë ja'ayëtyën, jä'ä ko nyajkutëkoyäämpyës yam ajotkumonë. Tä ja Moisés ets ja Aarón ënätyë nyäkyoxtënaaytyakëtë,

Éxodo 3:4

Ko ja Tios t'ijxy, ko ja Moisés ni'ikyë jam wyinkona'any ets yajxon t'ijxwa'atsa'any, ënät ojts tmëkäjpxy, yë Moisés jëtu'un tmëtooy jam yowë yë ja'ay kyajpxpëtsëmy ma ja zarsa kepy tyoyën ets y'ënä'äny: Moisés. Moisés. Tyaajës, jëtu'un y'ëtsooy yë Moisés.

Hechos 5:10

Tääts ja to'oxytyëjk ooky tyimnakëtäky jam ma ja Pedro tyeky'ëjxën. Ko ja ëna'ktëjk tyëjkëtyë, ooky ja to'oxytyëjk jap tpatë. Tää tyajpëtsëëmtë, ets ojts nän jam tnitajëtë ma ënäty ja nyiye'etyëjk të nyaaxtëkën.

Isaías 6:8

Ënätës tu'uk ja aaw yo'kn të nmëtoowpaaty mëti'ipë ja Wintsën jyä'ä'ajtypyën ets y'ënä'äny: ¿Pënës ënät nkäxëp? Etsës të n'ëtsoy: Tyaajës ëjts, ëjts käjxk.

Hechos 9:5

Tääts ja Saulo tyajtëëy: ¿Mpën mijts, Wintsën? Ets y'ëtsooy: Jesusës ëjts, mëti'ipë m'ixjëtijtyp mpajëtijtypyën.