Hechos 8:3 - Biblia Mixe de Quetzaltepec

³ Tääts ja Saulo tpajëtijtäky ja mëpëjkpëtëjk winjëën wintëjk ets atsip tyajpëtsëëmy tyëkoty, wä'än ye'etyëjk to'oxytyëjkëty ets pujxn tëkoty tpëjktaktaaytyë.

Biblia Dc en Mixe de Quetzaltepec

³ Tääts ja Saulo tpajëtijtäky ja mëpëjkpëtëjk winjëën wintëjk ets atsip tyajpëtsëëmy tyëkoty, wä'än ye'etyëjk to'oxytyëjkëty ets pujxn tëkoty tpëjktaktaaytyë.

Hechos 8:3 ပူးပေါင်းရင်းမြစ်များ

1 Timoteo 1:13

oyës ënäty ëxëëkjaty nnikäjpxy nimëtyä'äky ja Tios etsës n'ixjëtity npajëtity ja Jesús ja myëpëjkpëtëjk. E ojtsës ja Tios xypya'ëyoy, jä'ä ko ka'anëm ënäty nmëpekyës ets ka'anëmës ënäty nnijawë tiis ntuunpy.

Filipenses 3:6

Mëkës ijty näjyawëty tii nmëpëky, yë'ëpaat ijty n'ëxëëk'ixyës ets n'ixjëtity npajëtiyës mëti'ipë ja Jesús myëpëjktëpën. Ka'ap ijty ëjts nyajmëyätyës ets pën ja Moisés ja y'ënä'ämën xytyukmëmëtya'akëtyës koos nkapatuny.

Gálatas 1:13

Tëë miits xymyëtoy'atë wi'ix ijty ëjts nja'ay'ätyën koos npatuny ja jutiis winma'any. Tëës mëk n'ëxëëk'ixy ja mëpëjkpëtëjk ets wi'ix ijty nyajkutëkoyä'änyës.

1 Corintios 15:9

Ëjts këjääjës nkujënäkyëty ma ja ijxpëjkpëtëjkëtyën ets ka'ap xyjyapaatyës nyajtijëtyës ayuk käjpxynyajxpë, jä'ä ko n'ëxëëk'ijxypyës ijty ja Tios ja myëpëjkpëtëjk.

Hechos 22:19

Täätsës n'ënëmaay: Wintsën, nyija'awëtëp yë'ëjëty koos ijty ëjts nnëjkxy ma ja tsajptëjkën etsës nyajnëjkxy pujxn tëkoty mëti'ipëjaty mijts mmëpëjkëpën etsës nyajwopy nyajka'atsyë.

Hechos 9:21

Ets ja ja'ayëty mëjmëtoy ojts tjawëtë mëti'ipë jam myëtoow'ijtëpën ets xim yam nyäy'ënanëtë: ¿Këtii yë'ëjëty ya'atë ja'ay mëti'ipë ijty y'ëxëëk'ijxypyën ja Jesús ja myëpëjkpëtëjk jampë Jerusalén kyukajpnëtyënë? ¿Këtii yë'ëjëty yaa të tniminy ets tmajtsmujkta'aja'any mëti'ipë ja Jesús ja xyëëw yajmëjnajxëtëpën ets tkë'ëtsuma'any tekytsyuma'any tääts tkë'ëyaka'any ma ja teety wintsëntëjkëtyënë?

Hechos 7:58

Ënät tyajpëtsëëmtë jam kajpnjotm ets tkuka'tstë; mëti'ipë ja Esteban nyi''ë'ënëtëpën yë'ë ja wyit tyukmëwë'ëmtë ja Saulo ets jam tkëwent'atëty.

Santiago 2:6

miitsëty jëtu'un ja'ay mtimy'ixëtë ka'ap yowë nitii xykyëjxm'atë. ¿Këtii yë'ëjëty kumeenyjyä'äytyëjk je'eyë mëk myajtunëtë ets ka'ap kä'pxy mëjuyëtë, ni'ikyënëm mwitsëtë mjëtutëtë ets mni'ëën mnipëjktsowëtë?

Hechos 8:2

Tam jënaakën mëti'ipë ja Tios myëpëjktëpën, yë'ë yajnaaxtëjkëtyë ja Esteban ets tnijëëy tniyaxtë.

Hechos 16:19

Ko ja to'oxy'ëna'k ja wyintsën t'ijxtë ko ka'ap y'ëkmeenypyatnëtë, ënät tmajtstë ja Pablo ets ja Silas, ets ojts tyajnëjkxtë ma ja kutuunkën, jap kajpn'ikujky.