Hechos 7:8 - Biblia Mixe de Quetzaltepec

⁸ Ets ja Tios ja kyajpxtyu'unën ojts tyajwë'ëmy mëët ja Abraham wi'ix ijxwë'ëmy y'ita'anyën, wi'ix ja Abraham mëët ja y'u'unk y'ok yajnatsujk'ëwëtitëtyën ja ye'etyëjkajtën. Paaty ko ja Abraham ja y'u'unk myiiny mëti'ipë xyëëwajtën Isaac, kom tuktujk xëëw ojts tyajnatsujk'ëwtityë ja ye'etyëjkajtën. Näyjyëtu'un ja Isaac ja y'u'unk tuuny mëti'ipë xyëëwajtën Jacob ets ja Jacob näjyëtu'un tuuny ja y'u'unk y'ëna'këty nimajkmäjtskpë.

Biblia Dc en Mixe de Quetzaltepec

⁸ Ets ja Dios ja kyajpxtyu'unën ojts tyajwë'ëmy mëët ja Abraham wi'ix ijxwë'ëmy y'ita'anyën, wi'ix ja Abraham mëët ja y'u'unk y'ok yajnatsujk'ëwëtitëtyën ja ye'etyëjkajtën. Paaty ko ja Abraham ja y'u'unk myiiny mëti'ipë xyëëwajtën Isaac, kom tuktujk xëëw ojts tyajnatsujk'ëwtityë ja ye'etyëjkajtën. Näyjyëtu'un ja Isaac ja y'u'unk tuuny mëti'ipë xyëëwajtën Jacob ets ja Jacob näjyëtu'un tuuny ja y'u'unk y'ëna'këty nimajkmäjtskpë.

Hechos 7:8 ပူးပေါင်းရင်းမြစ်များ

Hechos 2:29

Mëku'uktëjkëty, ëmuumtu'ukjot yam nëëmëtë ko ojts y'ooky ja n'ap'ajt nteety'ajtëmë David ets ojts nyaaxtëkë. Tää ja yaa yajpaaty ma ëëtsajtëmën ja it naaxwiinyëtë ma nyaaxtëjkëyën.

Génesis 35:16

Ënät ojts nyëjkxtë ma it naaxwiinyëtë txëëwatyën Betel, jëkäm wäänjaty wyi'imy yë Betel mëët yë Efrata, ko ojts yë Raquel yë u'unk maay tyajminy naaxwiiny, tsip ojts tyajmëxu'unk'aty.

Hebreos 7:4

Tsojk nja'akyujkëmë ko ja Melquisedec mëj ojts y'ity, yë'ëpaat ja n'ap'ajtëm Abraham ojts tpuyäky tu'kpëky ja majk pëkpyë mëti'ipë ënäty të tpëkyën ko myëtäky jam tsipjotm ets ojts tmo'oy tu'kpëky ja Melquisedec.

Gálatas 3:17

Ya'atës jëtu'un ntijpy: Tios ojts tuny ja käjpxytyu'unën mëët ja Abraham ets ojts nikajpxë. Paatykyëjxm ja Moisés ja y'ënä'ämën mëti'ipë ojts myinyën kom taxk mëko'px ja i'px majk jëmëjt, ka'ap tjëkyepy tyëkoyëty ets nyatëkë'atëty mëti'ipë ja Tios wyaantakën.

Gálatas 3:15

Mëku'uktëjkëty, tyam miits ntuknijawëja'antë wi'ix ja ja'ay tii tmëtyä'äkyën. Ko tu'uk ja ja'ay tkäjpxy'äty tii ets tyajkojy tu'uk ja noky ets tsa'ay, ka'ap pën myäyëtëty tyajma'atëty ëkë tyajkojtëkatsëty.

Romanos 4:10

¿E jëna'a jëtää ojts oy wyi'im mëët ja Tios, ko ja Abraham ojts yajnatsujk'ëwtity ja ye'etyëjkajtën, ëkë ko ënäty ka'anëm yajnatsujk'ëwtityë? ka'anëm ënäty yajnatsujk'ëwtity ja ye'etyëjkajtën ko ojts oy wyi'im mëët ja Tios.

Juan 7:22

Oy jyapo'kxënxëëwëty, mnatsujk'ëwtijtëp ja mye'etyëjk'ajtënëty, ijxtëm ja Moisés ja y'ënä'ämën myinyën. Oy yë'ëjëty ja Moisés tkayajtso'ontäky, aptëjk ojts tyajtso'onta'aktë.

Mateo 1:2

Abraham yë'ë teety'ajtë Isaac, Isaac yë'ë teety'ajtë Jacob, Jacob yë'ë teety'ajtë Judá mëët yë myëkä'äxtëjk.

1 Crónicas 1:34

Abraham jä'ä ijty yë y'u'unk xyëëwajtyp Isaac. E yë Isaac mäjtsk yë y'u'unk y'ijty: Esaú ets Israel.

Génesis 35:18

Yë Raquel tim o'këtaknëp ënäty jamnë, ko ojts jyaak mëkxejy, ënät tjaakxëëwmooy ja u'unk Ben-oni, e yë tyeety jä'ä xyëëwmooyë Benjamín.

Génesis 29:31

Ko yë Tios t'ijxy, ko yë Jacob ka'ap ënäty nëkooyë tsyoky yë Lea. Ënät ojts tyajkutuky ets ja Lea ni'ik ja u'unk maay tmëët'atëty, këtiinëm jyëtu'unëty ja Raquel. Ja Raquel nitu'uk ënäty ja u'unk maay tkamëëtëty.

Génesis 30:5

tä ojts tu'uk ja Jacob ja y'u'unk tyajmiinë naaxwiiny.