Hechos 7:5 - Biblia Mixe de Quetzaltepec

⁵ E kä'äp ojts ja Tios tii tyukumayë ma tääpë itjotmën, oyxyëp jeexyë yi'iyë'ajty ma ja tyeky tpëjkta'akëtyën. Ojts je'eyë tyukwinwanëty ko myo'oja'anyë, ets ko ënäty y'o'knë yë'ë jyä'ä'attëp ja y'u'unk y'okëty. Oy ja Abraham ka'ap ënäty nitu'uk ja y'u'unknëm.

Biblia Dc en Mixe de Quetzaltepec

⁵ E kä'äp ojts ja Dios tii tyukumayë ma tääpë itjotmën, oyxyëp jeexyë yi'iyë'ajty ma ja tyeky tpëjkta'akëtyën. Ojts je'eyë tyukwinwanëty ko myo'oja'anyë, ets ko ënety y'o'knë yë'ë jyä'ä'attëp ja y'u'unk y'okëty. Oy ja Abraham ka'ap ënety nitu'uk ja y'u'unknëm.

Hechos 7:5 ပူးပေါင်းရင်းမြစ်များ

Génesis 17:8

Mijts ets yë'ëjëty nmo'ojantëp yë naaxwiinyëtë jampë Canaán ma mijts tyam mtsëënën ets yë'ë tkuma'ayën'atëty, etsës ëjts nTios'atëty.

Génesis 12:7

Ënät ojts jam yë Tios nyänikëxë'ëky ma Abramkën ets y'ënëmaayë: Ya'atë naaxwiinyëtë yë'ëjës yë m'u'unk m'ok nmo'ojäämpy. Ënät ojts yë Abram pojën t'oytyuny tu'uk ja wintsë'këntyakn, jä'ä ko ënäty jam yë Tios të nyänyikëxë'ëkyë.

Génesis 15:18

Jä'ä xëëw ojts ja Tios tuny tu'uk ja käjpxytyu'unën mëët yë Abram, ets t'ënëmaay: Ya'atë naax kam yë'ëjës nmo'ojäämpy yë m'u'unk m'ok. Jampaatës nmo'oja'any ma ja nëë'aawën Egiptëpë ets jampaat ma ja Éufrates mëjnëë'aawën.

Génesis 13:15

Ëjts mijts nmo'ojäämpy tu'kë'ëyë ya'atë naaxwiinyëtë mëti'ipë m'ijxypyën ets xëmëkyëjxm mijts mjä'ä'atëp ets näjyëtu'un yë m'u'unk m'ok.

Génesis 26:3

E tyam jaakjuuky'ajtkoj ma tampë kajpnën. Ëjtsës mëët mijts nyajpaata'any ets nkënu'kxäämpy. Jä'ä ko mijts ets mëët yë m'u'unk m'ok, yë'ëjës ya'atë it naaxwiinyëtë nmo'ojantëp. Jëtu'unës ëjts npatuna'any ja käjpxytyu'unën mëti'ipës ja mteety Abraham të ntukwinwanën.

Nehemías 9:8

M'ijx ko mijts ënäty mtimtyuk'ijxpäjtëp, paaty tyuuny ja käjpxytyu'unën mëët yë'ë: Ko xy'ënëmaay ko yë'ë nëjkx ja y'u'unk y'ok xymyo'oy ja nyaaxëty ma tsyëënëtën ja Canaán ja'ayëty, Hit ja'ayëty, Amor ja'ayëty, Ferez ja'ayëty, Jebús ja'ayëty ets gergeseos ja'ayëty; e tëëjës ja m'aaw m'ayuk xjyäntykyuuytyuny jä'ä ko mijts mpatuunpy ja mëti'ipë mnikäjpxypën.

Deuteronomio 34:4

Tä ja Wintsën y'ënëmaayë: Ya'atë it ya'atë naaxwiinyëtë jëtu'un ojts ntukwinwanëtës yë Abraham, Isaac ets Jacob ets n'ënëmaaytyës yë y'u'unk y'okëty yë'ë nëjkx ya'atë naaxwiinyëtë tjä'ä'atë. Täätsës të ntuknipëjktaakë, ko mijts oy je'eyë jëkäm xyjyaaknajts'ixëty, jä'ä ko ka'ap nëjkx jam m'ëk ja'ajnë.

Deuteronomio 11:9

Ets jëtu'un'äämpy nëjkx jam jeky mtsëënëtë mjuuky'atë, ma ja it naaxwiinyëtën mëti'ipë ojts ja Wintsën tukwinwanën ja m'ap m'okëty ets ja y'u'unk y'ëna'këty, jam jëtu'un ma ja jë'kxy pëky ka'ap y'ëmaaytyä'äkyën.

Deuteronomio 10:11

Tyaajës ojts xy'ënëëmë: Nëjkx ets tuknipëjktaakë, tääts tääpë kajpn xywyoowtsoonëty wä'än tniwa'aktë ja it naaxwiinyëtë mëti'ipës ja y'ap y'okëty ojts ntukwinwanëtën.

Deuteronomio 9:5

E paaty ka'ap yë'ëkyëjxmëty ko miitsëty oy mja'ay'atë ets ko mëtowtë myajmo'otë ja kuma'ayën; yë Wintsën paaty t'ëxwojpta'ay tääpë ja'ay jä'äkyëjxm ko ja tyu'unën kyajpxënëty ka'ap myëtëyëty ets näjyëtu'un mëët ko tniwa'aka'any ja y'ayuk, mëti'ipë tyukwinwa'anëyën ja Abraham, Isaac ets Jacob, miits ja m'ap m'okëty.

Deuteronomio 2:5

Ets këtii nëkoo xykyë'ënitontëty, jä'ä ko yë'ëjëty ka'apës nitu'knu'unën yë nyaax nkë'ëyakanëtë. Tääpë Seir kopk, yë'ë jyä'ä'ajtëp yë Esaú yë y'u'unk y'ok. Ëjts yë kë'ëm të nmo'otë.

Génesis 23:4

Oyës n'ëkjaaypyaat n'ëkjaaypyo'kxëty ma yaa miitsëty yë mnaax mkajpnëtyën, mëpaatës yë naax wäänë xytyukmëtooktë, ma tjëkyäpëtyën yë nto'oxytyëjk nyaaxtëkëtyën.

Génesis 16:2

Ënät t'ënëmaay ja Abram: Ëk'ix, mijts mnija'ap ko yë Tios yë'ëjës xykyamoopy yë u'unk maay. E paaty yam nmënu'kxtä'äky ets xymyëët'atëty yë ntuunpës Agar. Wä'änxyëp yë Tios u'unk maay myo'ojëtëty etsës ëjts n'u'unk'atëty. Ënät ja Abram ojts tkupëky ijxtëm ja Sarai y'ënë'ëmxëtyën.

Ezequiel 33:24

Yë ja'ayëty mëti'ipë jam tsënaaytyëpën ma Israel kajpnën, mëti'ipë xit ko'ow të jyajta'ayën, jëtu'un y'ëna'antë: Yë Abraham nätyu'uk ijty ets ix ojts yë'ë tjä'ä'aty ya'atë naax kajpn; ëëtsajtëm nimay ni'ik nyajpatëmë, paatykyëjxm ni'ik tmëët'ajtëmë ja mëk'ajtën ets ya'atë naax kajpn ëjts njä'ä'ajtmëty.