Hechos 6:2 - Biblia Mixe de Quetzaltepec

² Ënät ja ijxpëjkpëtëjk tyajmujktë ja mëpëjkpëtëjkëty ets t'ënëmaaytyë: Ka'ap y'oyëty ko ja Tios ja y'aaw y'ayuk ka'ap n'ëkkajpxwa'kxënëty, ets yi'iyë ntuunk'ajtënëty ma winë je'eyë wyä'kxyën.

Biblia Dc en Mixe de Quetzaltepec

² Ënet ja ijxpëjkpëtëjk tyajmujktë ja mëpëjkpëtëjkëty ets t'ënëmaaytyë: Ka'ap y'oyëty ko ja Dios ja y'aaw y'ayuk ka'ap n'ëkkajpxwa'kxënëty, ets yi'iyë ntuunk'ajtënëty ma winë je'eyë wyä'kxyën.

Hechos 6:2 ပူးပေါင်းရင်းမြစ်များ

2 Timoteo 2:4

Nitu'uk ja tsiptuunpë tkamëmay tkamëtajy ja wiink winma'any ko jam tsyiptuny, jä'ä ko oy mëët ja wyintsën wyë'ëma'any.

Nehemías 6:3

Ënätës ja ayuk ntuknikejxy koos mëj tuunkës ënäty jap të nixajë ko ka'ap tjëkyapä'äny nëjkxëtyës ma yë'ë xyjyayaxtsowtënës, jä'ä ko pën njëjpwa'ktutypyës ja tuunk jëtu'unyë ja wyë'ëma'any.

Hechos 25:27

Tsuu lokës nmëëjaty koos tu'uk ja tsumyjä'äy nëkoo nkäxëty, ni nkatuk'ëwaanëtyës ja yajkutujkpë kopk tii poky yajktukni'ë'ënëp.

Hechos 21:22

¿Wi'ix yë'ë ntu'unmëty? Nyijawëtëp ënät yë ja'ayëty ko tëë mja'ty.

Hechos 4:19

Tääts ja Pedro ets ja Juan y'ëtsoowtë: Miits kë'ëm yajxon ëkwinmay ëkwintajtë pën paat'ajtëp Tios wyintuuy ko miits myajmëmëtowtëty ets Tios ka'ap.

Hechos 6:1

Näy jä'ä xëës jä'ä jëmëjt, ma ënäty ni'ikyë nyimayëtën mëti'ipë myëpëjktëpën ja Jesús; ja ja'ayëty mëti'ipë ja griego ayuk kyajpxtëpën, ojts tukjoot'anpëktë ja myëku'ukëty mëti'ipë kyajpxtëpën ja hebreo ayuk ets y'ëna'antë ko ja ku'ooky tyo'oxytyëjkëty mëti'ipë griegë ja'ayëtyën ka'ap oy yajputëkëtë ma winë wyä'kxyën.

Hechos 6:3

Mëku'uktëjkëty, tyam ëëts yajxon nikajpxtë ko xynyikajpxpätëty niwëxtujk ja ja'ay, mëti'ipë mtukmë'a'ijxëtëpën wijy kejy yajpaatëty ets mëti'ipë ja Kënu'kxymyëkajtën mooyëpën ja mëk'ajtën ets ja winma'any ets tuntëty tkajpxtëty mëti'ipë ja Tios tsyojkpyën. Yë'ë mtuknipëktëp ets ja näypyutëkë yë'ë tyajwa'kxtëty.