Hechos 5:3 - Biblia Mixe de Quetzaltepec

³ Tääts ja Pedro t'ënëmaay ja Ananías: Ananías, ¿tii ko ja mëjku'u të mnätyuk'ëne'emyë ets xywyin'ëënëty ja kënu'kxymyëk'ajtën ko të xymyëwë'ëmy tu'kpëky ja naaxtsow?

Biblia Dc en Mixe de Quetzaltepec

³ Tääts ja Pedro t'ënëmaay ja Ananías: Ananías, ¿tii ko ja mëjku'u të mnätyuk'ëne'emyë ets xywyin'ëënëty ja kënu'kxymyëk'ajtën ko të xymyëwë'ëmy tu'kpëky ja naaxtsow?

Hechos 5:3 ပူးပေါင်းရင်းမြစ်များ

Jeremias 23:24

¿Pën ëkmayëtëp nyäyu'utsëtëty maajës winë n'ixyën? Ëjts tamës nyajpaaty tsajpkëjxm ets naaxwiiny. Ëjts Wintsën, ëjts ënaanp.

Isaías 29:15

Janty mon janty tuk yajpaatë ja'ayëty mëti'ipë yu'tstëpën ja tyëko'oyënëty ma Wintsënën, mëti'ipë koots tuuntëkooytyëpën ets y'ëna'antë: Ka'ap pën xy'ijxëmë, ka'ap pën nijawë.

1 Pedro 5:8

Näy'ijx'itëtë ets wijy kejy näyaj'itëtë. Jëtu'un miits ja mëjku'u ix'am mpajëtitëtë ijxtëm ja kaa muup ni'tsp ja jyi'kxy t'ixta'ayën.

Hechos 5:9

Tääts ja Pedro t'ënëmaay: ¿Tii ko të xykyäjpxy'atë nimäjtsk ets ja Wintsën ja kyënu'kxymyëk'ajtën xywyinma'any'ixa'antë? Tää ja ja'ay myintë tëjk ëkë'ëy mëti'ipë ja mniye'etyëjk ojts të tyajnaaxtëkëtën, mijts näjyëtu'un ënät nëjkx mnaaxtëkë.

Juan 13:27

Je'eyë ja Judas tna'ëxajëy ja tsajpkääky ets ja mëjku'u ojts tyuktëkëty ets ja Jesús y'ënëmaayë: Pën tii mtunäämpy, tun tyämyë.

Juan 13:2

Ja mëjku'u tëë ënäty tuktëkë ja Judas Iscariote, Simón yë myaank ets ja Jesús tkë'ëyaka'any. Nyija'ap ja Jesús ko tsyoony ma Tiosën ets ko jatëkok nyëjkxa'any ma Tiosën ets ko ja Tyeety ënäty tu'kë'ëyë kutujkën ets mëk'ajtën të myooytyä'äyë; paatykyëjxm pyëti'ky, tam ënäty y'a'ux'atë, ets ja nyijän ojts tjeny ets nyätyukwë'ënë tu'uk ja wit myoxkëjxy.

Santiago 4:7

Näkyë'ëyakëtë ëmuumtu'ukjot ma Tiosën. Ka'ap xykyupëktëty ja mëjku'u, ënät mkukä'äkëtëty.

Eclesiastés 5:4

Ko tii xywaanta'akëty ma Tiosën, ënätyë xykyuuytyunëty, jä'ä ko yë'ë ka'ap t'oy'ixy ko tii je'eyë yajwinwanë. Mtunëp jëtu'un mëti'ipë ënäty të xy'ëwaanën,

Job 22:13

Mijts jëtu'un të m'ëna'any, ko yë Tios ka'ap tii t'ixy, yë'ë yëkyoots ëtujkëp. Jëtu'un të m'ëna'any ko yë Tios ka'ap tii t'ixy jä'ä ko jämyë nyäxy tyëkë tsajpjotm.

Hechos 5:4

¿Tii këtii mijts xyjyä'äjëty ja naaxë? ets ko të xytyooky, ¿këtii myijtsëty xyjyä'äjëty ja nyimeenyë? ¿Tii ko jëtu'un të mwinma'anypyääty? ka'ap nyaaxwiinyëtë ja'ayëty xywyin'ëëny, Tios jëtu'un të xywyin'ëëny.

Hechos 5:2

Tääts ja Ananías ja nyaax tsow ojts tyajwë'ëmy tu'pëky ets ojts jatu'kpëky tmo'oy ja ijxpëjkpëtëjk. Wa'ats ja tyo'oxytyëjk tnijawë ko jëtu'un ja Ananías të tuknipëjktaakë.

Lucas 22:3

Tääts ja Judas mëti'ipë ijty tyijtëpën Iscariote, tu'uk mëti'ipë mëët nyimajkmäjtskëtën ja Jesús ja y'ijxpëjkpëtëjk, yë'ë ja mëjku'u ojts tyuktëkëty.

Deuteronomio 23:21

Ko yë Wintsën tii xytyukwinwanëtëty, këtii nëkoo jeky xyajpo'oxtëty, ëkë m'ëna'antëty ets ka'ap xy'ëkyakanëtë mëti'ipë ënäty të xywyaanta'aktën. Jä'ä ko yë Wintsën tsojk ka'ap t'oyjyawëty ets nëjkx mtukpoky'atëtë ko ënaty xykyatuntë mëti'ipë të xywyaanta'aktën.

Números 30:2

Ko tii ja'ay twaanta'akëty ets Tios tuknijawëty ko winë tyaka'any nëjkxëp tkuuytyuny ets tyakëty mëti'ipë ënäty të twaantä'äkyën.

Mateo 13:19

Ja tëëmt mëti'ipë ojts kyä'äyën tu'ujotm, jëtu'un jä'ä ijxtëm ja ja'ayëtyën mëti'ipë të t'amëtoow'itën ja Tios ja y'aaw y'ayuk ets ka'ap tja'akyukëtë; ënät myiiny ja mëjku'u ets pyëjkxëtë ja Tios ja y'aaw y'ayuk mëti'ipë të jyayajni'ipyën ma jyot wyinma'anyën.

Oseas 11:12

Yë Efraín je'eyës xywin'ëëny; je'eyë y'antä'äky yë Israel kajpn maas ëjtsën. Yë Judá ja'ayëty tëë jyëwa'knëtë maas ëjtsën, tyam yë'ë oy myëtuunëp yë awinax.

Proverbios 20:25

Kutsë'ëkë wäänë ko yë ja'ay tii yë Tios tukwinwanë ets ënät ok tmëkjawë ko ja wyaantakën tyäky.