Hechos 3:2 - Biblia Mixe de Quetzaltepec

² Jamts ënäty tu'uk ja ja'ay tekymya'atpë, mëti'ipë ënäty jëtu'un të myëxu'unk'atyën. Xëmë ijty yajwijtsnëjkxy jam tsajptëjk'ëkë'ëm ma ja tëjk'aawën mëti'ipë xyëëwajtypyën Tsujpë. Jamts ja näypyutëkë t'amëtoy ma tu'uktu'uk ja ja'ay tyëkëtën jap mëjtsajptëkoty.

Biblia Dc en Mixe de Quetzaltepec

² Jamts ënety tu'uk ja ja'ay tekymya'atpë, mëti'ipë ënety jëtu'un të myëxu'unk'atyën. Xëmë ijty yajwijtsnëjkxy jam tsajptëjk'ëkë'ëm ma ja tëjk'aawën mëti'ipë xyëëwajtypyën Tsujpë. Jamts ja näypyutëkë t'amëtoy ma tu'uktu'uk ja ja'ay tyëkëtën jap mëjtsajptëkoty.

Hechos 3:2 ပူးပေါင်းရင်းမြစ်များ

Hechos 14:8

Jam Listra, jam ijty tsyëënë tu'uk ja ye'etyëjk tekymya'atpë. Nijëna'a ënäty të kyaye'ey. Jëtu'un tyimmëxu'unk'ajty. Ya'atë ye'etyëjk u'unyääpy ënäty jam,

Juan 9:8

Ja myëjëën myëtëjk ets mëti'ipë ënäty të t'ixtën ko t'amëtoy ja ayajk ako'onën, jä'ä näyajtëëwëtë: ¿Këtiijën yë'ëjëty ya'atë ja'ay mëti'ipë ijty ja ayajk ako'onën y'amëtoopyënë?

Lucas 16:20

Jamts ja ja'ay wiinkpë mëti'ipë xyëëwajtypyën Lázaro, ëyoopëja'ay ets pu'utspëjkëp, jam y'u'unyë winjëpom ma ja kumeenyjyä'äy ja tyëjkën.

Hechos 10:31

Ënätës xynyëmaay: Cornelio, tëë ja Tios ja m'aaw m'ayuk tmëtoy, y'ijxyp nyija'ap ko të xyjyä'äymyetsy ets wi'ix ja mëyajtën xytyunyën ma ja ja'ayëtyën xypyutëkën.

Lucas 18:35

Ko ja Jesús ënäty jam jya'tanë Jericó, jam tu'uk ja ja'ay wiintspë y'u'unyë tu'ujotm meeny y'ametoopë.

Hechos 10:4

Tääts ja Cornelio tsë'ëkë tsë'ëkë twin'ijxpejty ja tsajpjotmëtë kukäjpxy ets t'ëtsooy: ¿Tii?, Wintsën. Tää ja tsajpjotmëtë kukäjpxy y'ënëmaayë: Y'ijxyp nyija'ap yë Tios ko xyjyä'äymyetsy ets wi'ix xypyutëkën ja ëyoopëja'aytyëjkëty.

Hechos 4:22

Wëxytyikxy jëmëjt naxy ënäty ja ja'ay ja jyëmëjt mëti'ipë tsokën mëët ja Tios ja myëj'ajtën.

Hechos 3:10

mëj'ixy t'ijxtë ets tmëmoon tmëtujktë ko jëtu'un të tyuny të jyätyë, jä'ä ko y'ixy'ajtëp ënäty ja ja'ay mëti'ipë tekymya'at të y'ityën ets ko jä'ä mëti'ipë ijty y'amëtoopyën ja näypyutëkë ma ja mëjtsajptëjkën, ma ja tëjk'aawën ja Tsujpë.