Hechos 22:3 - Biblia Mixe de Quetzaltepec

³ Jutiis ja'ayës ëjts, Tarsis nmëxu'unk'ajty, Cilicia y'itjotm. Yaas Jerusalén të nyeeky, Gamalielës xyaj'ijxpëjk; wa'atsës xytyuk'ijxpëjky ja aptëjk ja y'ënä'ämën, etsës ja Tios ja jyä'ä npatuunëty ijxtëm miits xytyuunk'atën.

Biblia Dc en Mixe de Quetzaltepec

³ Jutiis ja'ayës ëjts, Tarsis nmëxu'unk'ajty, Cilicia y'itjotm. Yaas Jerusalén të nyeeky, Gamalielës xyaj'ijxpëjk; wa'atsës xytyuk'ijxpëjky ja aptëjk ja y'ënä'ämën, etsës ja Dios ja jyä'ä npatuunëty ijxtëm miits xytyuunk'atën.

Hechos 22:3 ပူးပေါင်းရင်းမြစ်များ

Hechos 26:5

Pën nyikajpxantëp, oy tnikajpxtëty, nyija'wëtëpts yë'ëty koos mutsknëm mpatso'ontä'äky yë fariseë ja'ay y'ijxpëjkën, ja ijxpëjkën tsipë ets mëkpë.

Hechos 9:11

Tääts y'ënëmaayë: Nëjkx ma ja tu'u txëëwatyën Tëytyu'u. Ko mja'tëty ma ja Judas ja tyëjkën, jam xyajnitëwëty ja Tarsëtë ja'ay mëti'ipë xyëëwajtypyën Saulo. Yë'ë tam ja Tios tja'amyetsy.

Hechos 5:34

Jamts ënäty tu'uk ja fariseë ja'ay, Gamaliel xyëëwajtyp ets tyuk'ijxpëjkpy ja jutiis ja'ay ja ënä'ämën ets wintsë'ëkë ja ja'ay yaj'ityë. Yë'ë ojts wya'kukë ets t'ënëmaay ja mayjyä'äy ets tuktsojk yajkäjxpëtsëmtëty ja ijxpëjkpëtëjk.

Hechos 21:39

Tääts ja Pablo y'ëtsooy: Jutiis ja'ayës ëjts, Tarsis nmëxu'unk'ajty, mëti'ipë yajpatpën ma ja Cilicia y'itjotmën. Tun mëyajtën, minës yë ja'ay n'ëkmëkäjpxy.

Hechos 21:20

Ko jëtu'un tmëtoowtë, tää ja Tios tmëjja'aw tjaantyjya'awëtyë ets ja Pablo t'ënëmaaytyë: Mëku'uk, tää xy'ixy ko yë jutiis ja'ayëty nimay tmëpëktë yë Jesús, e yë'ëty jëtu'un y'ëna'antë ko kopkpëky ko ja Moisés ja y'ënä'ämën yajpatunëty.

2 Corintios 11:22

¿Hebreo ja'ay yë'ëjëtyë? Ëjts näjyëtu'un. ¿Israel ja'ay yë'ëjëtyë? Ëjts näjyëtu'un. ¿Abraham yë'ë y'u'unk y'okëtyë? Ëjts näjyëtu'un.

Lucas 10:39

Ets ja myëkä'äx tu'uk, Maria xyëëwajtyp; yë'ë ojts Jesús wyintum nyaaxweetsy ets tmëtoow'ity wi'ix y'ënä'änyën.

2 Reyes 4:38

Ko ya'atë jëtu'unpë ja mëj'ajtën tyuuntaay jyajtaayë, tä ja Elisejë ojts nyëjkxnë jam Guilgal. Tu'kxëëw tu'kjëmëjt, ma jampë ja itjotmën yuu ënäty jam mëk jëtijtp, e jamts ënäty yajpaatë aakyë'ë yë Wintsën yë tyuunpëtëjkëty, ko t'ënëmaay yë Elisejë ja tyuunpë Guehazí: Tun mëyajtën jam wäänë yë tu'ts xykyëxwitsëty jëënkëjxm ets tojkx xyaj'oyëty wä'än ya'atë Wintsën yë tyuunpëtëjk tkaytyë.

Deuteronomio 33:3

Jä'ä ko Wintsën tsyojkpy jya'ap yë nyaax kyajpn, xëmë tkëwent'aty mëti'ipë nakyuwanëpën jam ma yë'ëjën tu'ukyë. Mëti'ipë jëjp'ijxp tim ijtëpën, oy tii yajtuk'ënä'ämtë.

Romanos 11:1

Yë'ës tyam nyajtëëpy: ¿Tëë jëtää ja Tios t'ëxmajtsnë ja nyaax kyajpnë? Niwi'ix'äämpy. Ëjts nän Israel ja'ayës ëjts, Abrahamës nteety'äjtyp n'ap'ajtyp, Benjamínkës ja y'u'unk y'ok ëjts.

Hechos 23:6

Nyija'awëy ja Pablo ko mäjtskpëky ja ja'ay të nyäwya'kxëtë, tam mëti'ipë ja saduceos ja y'ijxpëjkën pyatuuntëpën ets tam mëti'ipë ja fariseë ja'ayëty mëët y'itën. Paaty ja Pablo ojts janty mëk kyäjpxy ma ja tsajptëkotyëtë yajjuntë'ajtpën: Miits, mëku'uktëjkëty, fariseë ëjts, nän fariseë ja'ayës ëjts nteety'äjtyp. Paaty miits xypyaye'eytyës koos nmëpëky ko ja o'kpë jyuukpyëka'any.

Hechos 6:9

E tam ënäty ja ja'ayëty yajpaatë ma ja tsajptëjkën mëti'ipë yajtijpën Najtspëkë Ja'ay Tsyajptëjk, mëti'ipë tso'ontëpën Cirenë, Alejandría, Cilicia ets Asia. Jä'ä ojts ja Esteban mëët nyäy'ojëtë,

2 Samuel 21:2

Ënät ja David tyaxtsooy ja Gabaón ja'ayëty ets mëët myëtyäky. Yë Gabaón ja'ayëty ka'ap y'israel ja'ay'atë, yë'ë Amor y'u'unk y'ok mëti'ipë ojts wyë'ëmtën juuky; ojts mëët yë käjpxytyu'unën tuntë yë Israel ja'ayëty. E ko yë Saúl tyëjkëy yajkutujkpë, mëët ko ënäty yi'iyë tsyojkpy yë Israel ja'ayëty ets jam y'itëty, paaty tjayaj'o'kta'ajany ja Gabaón ja'ayëty.

Gálatas 1:21

Oknëm ojts nnëjkxyës jam Sirië y'itjotm ets Cilicia y'itjotm.

Gálatas 1:14

Ëjts ijty wäänëni'ik npatuumpy ja jutiis ja'ayëty ja y'ijxpëjkënëty këtiinëm ja nmëtu'knaxës; ni'ik ijty ëjts npatuna'anyës ja aptëjk ja wyinma'anyëty.

Hechos 23:34

Ja yajkutujkpë Félix ojts tkäjpxy ja noky. Tääts tyajtëëy ja Pablo'ajtp maa tsyoony; ko tnija'awëy ko Cilicia y'itjotm tsyoony.

Hechos 15:41

jam nyëjkxtë Sirië ets Cilicia, tyajjotkujkta'aktë ja mëpëjkpëtëjk maajëty ye'eymyuktën.

Hechos 15:23

Yë'ëts ojts ja noky tmënëjkxtë mëti'ipë ënaanpën: Ëëts, ijxpëjkpëtëjkëty ets ja mëjja'aytyëjk, miits yë mmëku'uktëjkëty. Nkajpxpo'kxtë miitsëty mëti'ipë ka'ap jyutiisëty, mëti'ipë tsënaaytyëpën jam Antioquía, Sirië ets Cilicia.

Hechos 11:25

Ënät ja Bernabé ojts nyijkx Tarso ets ojts t'ixta'ay ja Saulo.

Hechos 9:30

Ko ja mëpëjkpëtëjk tnija'awëtyë ko ja Saulo ja ja'ay yaj'ooka'anyë, tää ojts twoownëjkxtë jam Cesarea, jam ojts tsyoony ets tkäjxtë Tarso.

Lucas 8:35

Ojts ja ja'ay tnitsoontë ets t'ixa'antë tii të tyuny të jyätyë; ko jyajtë ma ja Jesús jamën ets t'ijxpatë ko tam ja ja'ay y'u'unyë mëti'ipë ënäty ja maykyu'oypyë të tmëët'atyën, wijy kejy, xoxy pëky; ënät ojts tsyë'ëkëtë.

Lucas 2:46

Kom tëkëëk xëëw tpatë ma ja mëjtsajptëjkën, jap ënäty y'u'unyë akujk ma ja yaj'ijxpëjkpëtëjkëtyën; ja yaj'ixpëjkpëtëjk yë'ë myëtoow'ijtëp wi'ix ja Jesús myëtyä'äkyën.

Hechos 9:1

Ja Saulo tyim yaj'ookäämpy ënäty ja mëpëjkpëtëjk, paaty ojts tninëjkxy ja teety wintsën,

Hechos 26:9

Ëjtspaat ijty jëtu'un nwinmay ets nyajkutëkoyä'änyës ja Jesús Nazaretëtë ja y'oyajtën.