Hechos 2:9 - Biblia Mixe de Quetzaltepec

⁹ Tääts yë ja'ay mëti'ipë tso'ontëpën Partia, Media, Elám, Mesopotamia, Judea, Capadocia, Ponto, Asia,

Biblia Dc en Mixe de Quetzaltepec

⁹ Tääts yë ja'ay mëti'ipë tso'ontëpën Partia, Media, Elám, Mesopotamia, Judea, Capadocia, Ponto, Asia,

Hechos 2:9 ပူးပေါင်းရင်းမြစ်များ

1 Pedro 1:1

Yë Pedro, Wintsën Jesukristë y'ayuk kajpxnajxpë, tyam mtuknikäxëtë kajpxpo'kxën mëti'ipë kujë kääkë yajpatëpën ma Ponto y'itjotm, Galacia, Capadocia ets Bitinia y'itjotmën,

Apocalipsis 1:4

Yë Juan, nnijayë ja niwëxtujkpë ja kajpn ma yajpaatën ja mëpëjkpëtëjk mëti'ipë ye'eymyujktëpën jam Asia y'itjotm. Ëxajëtë ja kënu'kxën ets ja jotkujk'ajtën mëti'ipë yäjkpyën ja tëëyëmpë yajpaatyën ets mëti'ipë tää'ataanpën, näjyëtu'un ja wëxtujkpë ja Tios ja jya'awën myëk'ajtën mëti'ipë ijtëpën ma ja kyutujktaknën,

2 Timoteo 1:15

Tëë xynyijawë ko tëëjës xynyikäkta'atë ja Asia ja'ayëty, ja Figelo ets ja Hermógenes.

Hechos 18:2

Jam mëët nyäpyatë tu'uk ja jutiis ja'ay, Aquilo'ajtp, Ponto kyukajpnëty, Priscila ja tyo'oxytyëjk xyëëwajtyp. Naamnëm ënäty jya'të jam Corinto, jam tsyoontë Italia. Paaty jam Italia tsyo'ontë jä'ä ko tëë ënäty ja yajkutujkpë kopk Claudio tni'ënä'ämë ets ja jutiis ja'ayëty pyëtsëëmta'atëty Roma. Tääts ja Pablo ojts tkukajpxë ja Aquila ets ja Priscila,

Hechos 16:6

Tääts ja Pablo mëët ja myëku'uktëjk tsyo'ontë ets ojts nyëjkxtë Frigia ets Galacia, jä'ä ko ka'ap ja Kënu'kxymyëkajtën ojts tyajkutuky ets ja Tios ja y'aaw y'ayuk tkajpxwa'kxtëty jam Asia.

Hechos 19:10

jëtu'un ojts jam tyuny mäjtsk jëmëjt, paaty ja ja'ay ojts tnija'awëtya'atë ja Wintsën ja y'aaw y'ayuk jam Asia, mëti'ipë jutiis ja'ayën ets mëti'ipë ka'ap jyutiisëty.

Hechos 6:9

E tam ënäty ja ja'ayëty yajpaatë ma ja tsajptëjkën mëti'ipë yajtijpën Najtspëkë Ja'ay Tsyajptëjk, mëti'ipë tso'ontëpën Cirenë, Alejandría, Cilicia ets Asia. Jä'ä ojts ja Esteban mëët nyäy'ojëtë,

Daniel 8:2

Maas ënäty jam nwinkuma'ayën, jamës näywyin'ixë ma ja Susa kajpnën, ma ja kutujktakn yajpaatyën, yë'ë y'itjot yë Elám, Ulai nëëpë'aay.

Isaías 11:11

Jä'ä xëëw jä'ä jëmëjt nëjkx ja Wintsën jatëkok tyaj'ixyë ja myëj'ajtën ko tjä'äpëkëty ja nyaax kyajpn ets tyajtsoonëty jam Sirië Egiptë, Patros, Etiopíë, Elam, Sinar, Hamat ets jam ma ja naax kajpnën mëti'ipë mejy itkujkyën.

2 Reyes 17:6

E ma tyaxtujk jëmëjtpäjtnën ma ja Oseas yajkutukyën, ja Asiria yajkutujkpë jää ojts tmëmëtaknë ja Samaria ja'ay ets ja Israel ja'ayëty ets tyajnëjkxtaay ni'ëmukë jam Halah, ma ja Habor ja y'itjotmën, jam Gozán ma ja mëjnëë jyënäkyën, mëti'ipë nyiwantëpën ja Medos ja'ayëty.

Génesis 24:10

Tä ja Abraham ja tyuunpë nyänyipëjktakëyë. Jä'ä wyin'ijx ja oyëtypë näynyamo'ojë, mëti'ipë ënäty ja Abraham myëët'ajtypyën ets näjyëtu'un tmënëjkxy majk yë jëyujk jëku'ux ma ja nyaax kyajpnën ja Nahor, mëti'ipë jam yajpatpën Mesopotamia.

Génesis 14:1

Jä'ä xëëw jä'ä jëmëjt yë Amrafel mëti'ipë yajkutujkpën jam Sinar, yë Arioc jampë yajkutukyën Elásar, Quedorlaomer jampë yajkutukyën Elám ets Tidal jampë yajkutukyën Goím.

Apocalipsis 1:11

mëti'ipës xynyëmaayën: Kuja'a nokyjoty tiijaty m'ijxypyën ets tuknikäx ja mëpëjkpëtëjk mëti'ipë yajpatëpën ma ja niwëxtujkpë ja kajpnën jam Asia y'itjotm: jam Éfeso, Esmirna, Pérgamo, Tiatira, Sardis, Filadelfia ets Laodicea.

2 Corintios 1:8

Mëku'uktëjkëty, yë'ë miits ntuk'ëwaanëjantëp wi'ixës ja jotmay të ntuknaxtën jam Asia y'itjotm. Mëk ëëts ja ëyo'on të npaat të n'ixtë, ka'ap myëtënaaynyëty; ka'apës n'ëkjëjp'ijxnëtë ënäty ets jam npëtsëmtëtyës juuky.

1 Corintios 16:19

Mkajpxpo'kxëtëp ja mëpëjkpëtëjkëty mëti'ipë tsënaaytyëpën jam Asia. Aquila ets ja Prisca mëët ja mëpëjkpëtëjkëty mëti'ipë ye'eymyujktëpën jam ma tyëjkën, yë'ë mtuknikäjxëtëp ja kajpxpo'kxën Wintsën xyëëwkëjxm.

Romanos 16:5

Kajpxpo'kxtë näjyëtu'un ja mëpëjkpëtëjkëty mëti'ipë niye'eypyäjtëpën ma ja Priscila ets Aquila ja tyëjkën. Kajpxpo'kxtë ja Epeneto, mëti'ipës nmëku'ukja'apën, yë'ë ojts tmëpëky ja Kristë jëyëjp jam Asia y'itjotm.

Hechos 20:18

Ko jyajtë, tää ja Pablo t'ënëmaay: Miitsëty mnija'awëtëp wa'ats wi'ixës winë oy të ntunyën koos yaa më''ëka'any nmiiny, ma ja Asia kajpn tnitänën ja wiinkëtypë ja kajpn.

Hechos 20:16

Ka'ap ja Pablo ënäty pyo'oxa'any Asia, paaty kä'äp ojts nyijkx Éfeso, jä'ä ko tsojk jya'ta'any jam Jerusalén ets ja pentecostés xëëw jam tyajnaxa'any.

Hechos 19:31

Ma ja kutuunktëjkëtyën jampë Asia yajpaatën, tam ënäty jënaakën ja ja'ayëty mëti'ipë ja Pablo mëët oy nyäjyawëtyën, mëti'ipë tyuknikäjxtën ja aaw ayuk ja Pablo këtiipë nëkoo tyëkëty mayjyä'äyjoty.

Hechos 19:27

Kutsë'ëkës ya'atë, jä'ä ko ja ntuunk'ajtëm tsojk ja kyutëkoyëty, näjyëtu'un, tsojk nëjkx pën tka'ëkmëjpëjktaknë yë nwintaj'ajtëmë Artemisa tsyajptëjk; ets ntaak'ajtëm nëjkx kyutëkooynyë yë myëj'ajtën jyääntyajtën, mëti'ipë Tyios'ajtëpën ja Asia ja'ayëty ets ma tu'kë'ëyë ja it naaxwiinyëtën.

Hechos 7:2

Tääts ja Esteban y'ëtsooy: Mëku'uktëjkëty, mëjja'aytyëjkëty, amëtoow'ijtëkës. Ko ja nteety'ajt n'ap'ajtëmë Abraham tsyënaay jam Mesopotamia, ka'anëm ënäty nyijkx tsënääpyë ma ja it txëëwatyën Harán, ko ja Tios mëjpë jaantypë ojts nyänyikëxë'ëkyë ma yë'ëjën.

Daniel 8:20

Yë tsajppax mëti'ipë të yaj'ijxpën ko mäjtsk yë wyaj yë'ë y'antijpy yë yajkutujkpëtëjk mëti'ipë Media ja'ayën ets Persë ja'ayën.

Isaías 21:2

Mëk oy yajmëtoy mëti'ipës ja Wintsën të xytyuk'ëwaanën: Mëti'ipë ja myëku'uk kyë'ëyäjkpyën, tëë ja jëtu'un tuny; mëti'ipë yajkutëkoopyën winë, të ja jëtu'un tuny. Pëtë'ëk mijts Elám ets mijts Medë ja'ayëty, nëjkx mtsiptuntë. Ëjts ka'apës n'ëkupëkanë ets pën je'eyë nyikajpx nyimëtya'akëty.

Esdras 6:2

e jam ma ja kyutujkëntëjkën ja Ecbatana, ma Media y'itjotmën, jam yajpaty tu'uk ja noky, ma tnimëtyä'äkyën ya'atë ja aaw ayuk:

1 Crónicas 19:6

Jëtu'un'äämpy ja Amón ja'ayëty ojts mëtsip y'awinpitë mëët ja David, ko ënäty ëxëëk ja jyä'äy të tuunëtë, paaty ja Hanún ets ja Amón ja'ayëty may tyajmujktë ja poop pujxn ets tjuuytyë pujxnwintëkäämpë mëti'ipë myëtsiptuunantëpën ets tmëjuuytyë näjyëtu'un may ja tsiptuunpë mëti'ipë tso'ontëpën jam Mesopotamia, Sirië, Maacá ets Sobá,

Jueces 3:8

Paatykyëjxm yë Wintsën ojts tyukjoot'anpëkëtë ets kyë'ëyajkëtë ma ja Cusan-risataim, ja yajkutujkpë mëti'ipë jam ënä'ämpën Mesopotamia. Yë Israel ja'ayëty wëxtujk jëmëjt tmëtuuntë yë yajkutujkpë Cusan-risataim.

Deuteronomio 23:4

Jä'ä ko jam mnajxtë ma nyaaxjotëtyën, ko jap mtso'ontë Egiptë, ni tu'ktsunyën wäänë ojts mkamo'ojëtë nëë ets nitu'ktukyën yë kääky ëkë tojkx. Ni'ikyë yë Balaam tmeenymyooytyë, yë Beor yë myaank, mëti'ipë jam tso'onën Petor, ma ja Mesopotamia naaxwiinyëtën ets jeexyë mpojkëtë.

Génesis 10:22

Ya'atë ojts t'u'unk'aty yë Sem, Elám, Asur, Arfaxad, Lud ets Aram.

Daniel 5:28

PARSÍN: Yë yajkutujkpë kyutujkën tëë mäjtskpëky nyäwyä'kxyë, tu'kpëky yë'ë jyä'ä'atantëp yë Medos ja'ayëty ets Persas ja'ayës.

Hechos 2:8

¿Wi'ixën ya'atë ja'ayëty jëtu'un kyajpxnëtë ijxtëm ëëtsajtëmën?

Hechos 20:4

Sópatro, Pirro y'u'unk, Berea kyukajpnëty, yë'ë ojts jyämyëët'atyë mëët ja Aristarco ets Segundo, mëti'ipë Tesalónica kukajpnajtëpën; ja Gayo, mëti'ipë Derbe kukajpn'ajtpën; Timoteo, Tiquico ets ja Trofimo, mëti'ipë Asia kukajpnajtëpën.

Hechos 21:27

Ko ënäty wëxtujk xëëw kya'pxanë, ënät ja jutiis ja'ayëty mëti'ipë tso'ontëpën Asia ojts t'ijxpaatë ja Pablo ma ja mëjtsajptëjkën ets t'akajpxëtë ja ja'ay. Ni'ëmukë ojts ninëjkxtë ja Pablo ets tmajtstë,

Hechos 24:18

Yë'ës ënäty jam ntuunpy ma ja mëjtsajptëjkën, koos ja wa'atsajtën npaata'any, oy ka'ap jyam'ajtë nëkooyë ja mayjyä'äy ets ka'ap pën nëkooyë yäxy jyojky; ko ja Jutiis ja'ayëty mëti'ipë tso'ontëpën Asia jyajtë ets ja ja'ay tyajjoot'anpëjktë mëët ëjts. Yë'ë tyam japatëtëp jeexyë të myintë etsës jeexyë yë'ë xynyi'ëënëtë, ets jeexyë tnikajpxtë tiis xytyukmëtsip'ajtëp.

Hechos 27:2

Täätsës ntuktëjkëtyë ja kepy nëëwinye'epyë jam Adramitio mëti'ipë ënäty nëjkxaanpën Asia y'itjotm ma ja kajpn ja mejypyë'ampën. Tam ënäty ja Aristarco mëët ëëtsëty yajpaaty, Tesalónica kyukajpnëty, Macedonia y'itjotm.