Hechos 2:5 - Biblia Mixe de Quetzaltepec

⁵ Nimay ënäty ja jutiis ja'ay të myintë Tios ëwtajtpë jam Jerusalén mëti'ipë tso'ontëpën wiink naax wiink kajpn.

Biblia Dc en Mixe de Quetzaltepec

⁵ Nimay ënety ja jutiis ja'ay të myintë Dios ëwtajtpë jam Jerusalén mëti'ipë tso'ontëpën wiink naax wiink kajpn.

Hechos 2:5 ပူးပေါင်းရင်းမြစ်များ

Hechos 8:2

Tam jënaakën mëti'ipë ja Tios myëpëjktëpën, yë'ë yajnaaxtëjkëtyë ja Esteban ets tnijëëy tniyaxtë.

Lucas 2:25

Jam ënäty tu'uk ja ja'ay tsyëënë Jerusalén, Simeónk'ajtp. Oy ets wa'ats jyuuky'äty ma Tiosën, wyintsë'këp ja Tios ets y'owëxijtyp jëna'a ja Israel ja'ay nyitso'oka'antën. Ja Simeón myëët'ajtyp ijty ja Kënu'kxymyëkajtën,

Colosenses 1:23

Je'eyëp ko mëk mëpaat myajpaatë ma mëpëktën, këtii xymyajtstu'utëty mëti'ipë të xymyëpëktën ets mëti'ipë të xymyëtowtën. Yë'ë jëtu'un ya'atë aaw ayuk mëti'ipë të yajkajpxwä'kxyën oy tyimmaajëty ma ja it naaxwiinyëtën, ëjts Pablo je'eyës të nputëkë ets të yajkäjpxywä'kxy.

Hechos 22:12

Jam ënäty tu'uk ja ja'ay mëti'ipë xyëëwajtypyën Ananías, yë'ë ja Moisés ja y'ënä'ämën pyatuunëp ets ni'ëmukë ja jutiis ja'ay mëti'ipë tsënaaytyëpën jam Damaskë oy nyimëtyä'äkyë.

Hechos 13:50

E ja jutiis ja'ayëty ojts t'akajpxëtë ja to'oxytyëjkëty mëti'ipë wintsë'ëkë ijtëpën ets mëti'ipë oy juuky'ajtëpën; näjyëtu'un t'akajpxëtyë ja ye'etyëjkëty mëti'ipë mëj'äämpy ijtëpën ma ja kajpnën ets yë'ëjëty tyajjotma'atëty ja ja'ayëty ets yaj'ëxwojppëtsëmtëty ja Pablo ets ja Bernabé.

Hechos 10:7

Tääts ko ja tsajpjotmëtë kukäjpxy tsyo'ony, ënät ja Cornelio tmëjwooy nimäjtsk ja tyuunpë ets näjyëtu'un tu'uk twoowtsooy ja tsiptuunpë mëti'ipë myëku'ukja'apën ets wyintsë'këp ja Tios.

Hechos 10:2

Xëmë ja Cornelio ijty twintsë'ëkë ja Tios, näjyëtu'un mëti'ipë tsënaaytyëpën jam ma tyëjkën, pyutëjkëp ijty ja ja'ay mëët ja wit meeny ko pën kyaka'ajtxëty ets xëmë tja'amyetsy ja Tios.

Hechos 8:27

Tääts tsyo'ony ets jam tu'u'am tpaty tu'uk ja Etiopíë ja'ay mëti'ipë ënäty ja Tios ojts të t'ëwtatyën jam Jerusalén. Ya'atë ja'ay mëj tuunk ënäty nyëkëjxm'ajtyp, yë'ë tyuunk'ajtyp ja meenykyoonë'k ma ja yajkutujkpën, ja to'oxytyëjk jampë y'ën'emyën Etiopíë.

Hechos 2:1

Ko ja pentecostés xëëw tpaty, jää ënäty ni'ëmukë të ye'eymyujkta'atë ja mëpëjkpëtëjk ma tu'uk ja tëjkën.

Juan 12:20

Ënät ja ja'ayëty mëti'ipë ënäty të nyëjkxtën Tios ëwtajtpë xëëwjoty jam Jerusalén, tam jënaakën ja griego ja'ayëty.

Lucas 24:18

Ënät tu'uk mëti'ipë xyëëwajtypyën Cleofas y'ëtsooy: ¿Mijts nätyu'uk yaa Jerusalén të mja'ajtä'äkyë, paaty xykyanijawë tii të tyuny të jyätyë?

Lucas 17:24

Jä'ä ko jëtu'un ijxtëm ja wëtsukën, ko tyi'kxy, tyukjajëtyääpy yë tsajp, jëtu'un ja naaxwiinyëtë ja'ay ja y'U'unk kyëxë'ëka'any ko ënäty wyimpity.

Mateo 24:14

Ets ya'atë aaw ayuk oypyë ma Tios kyutujkën yajnimëtyä'äkyën, nëjkxëp yajkajpxwä'kxy ma tu'kë'ëyë naaxwiinyëtën ets nëjkx ja ja'ay tnija'awëtya'atë, täänëm ja naaxwiinyëtë kyukëxëty.

Zacarías 8:18

Ënät ja Wintsën mëti'ipë maaytyääyëpën winë ojts xymyëkäjpxyës, etsës xy'ënëmaay:

Deuteronomio 2:25

Ëjts yam jëtu'un ntuknipëjktakëp ets tëkokyë yë naax kajpn mtsë'ëkëtëty. Ko tmëtoy'atëty mwinkontë, jëtu'un tsyëyuuypyëjkta'atëty ets ka'ap jyotkujk'atëty mëët ja tsë'ëkë.

Éxodo 23:16

Mnixëëwtunëp näjyëtu'un yë pëjktä'äky ma ëka'any xyajpëtë'ëka'anyën yë mpëjktä'äky, näjyëtu'un mëti'ipë jää myajpëtë'kpyën ma jajëmëjt kyëjxnën, ma ënäty xyajpëtë'ktaaynyën tëkokyë mëti'ipë të xynyi'ipy të xykyojyën.