Hechos 13:2 - Biblia Mixe de Quetzaltepec

² Tëkok, ja Wintsën ënäty jam wyintsë'këtëp ets ayuu'ajtëp ënäty jam ko ja Kënu'kxymyëkajtën ojts y'ënä'äny: Ëpëky yë Bernabé ets Saulo pëjkta'aktë ets tuntëty mëti'ipës të ntukniwoowtsowëtën.

Biblia Dc en Mixe de Quetzaltepec

² Tëkok, ja Wintsën ënety jam wyintsë'këtëp ets ayuu'ajtëp ënety jam ko ja Kënu'kxymyëkajtën ojts y'ënä'äny: Ëpëky yë Bernabé ets Saulo pëjkta'aktë ets tuntëty mëti'ipës të ntukniwoowtsowëtën.

Hechos 13:2 ပူးပေါင်းရင်းမြစ်များ

Gálatas 1:15

E tëëtëm ënäty ja Tios xywyin'ixyës naamka'anëm nmëxu'unk'atynyëmës ets tëëtëm ënäty myëyajtën mëët xyaxtsoyës,

Hechos 9:15

Tää ja Wintsën y'ënäny: Nëjkx, tëëjës ntuknipëky. Nyajtunäämpyës yë'ë ets nyëjkxëty ma ja ja'ay mëti'ipë ka'ap jyutiisëty. Jamts tnikäjpxy tnimëtya'akëty ja n'aaw n'ayukës ma ja mëti'ipë tsënaaytyëpën wiink it wiink naax ets ja yajkutujkpë mëti'ipë ënä'ämtëpën, näjyëtu'un ja Israel ja'ayëty.

2 Timoteo 1:11

Tios të xytyuknipëkyës ets ya'atë y'aaw y'ayuk nkajpxwa'kxëtyës, tëëjës xykyexy ayukkajpxwa'kxpë ets nyaj'ijxpëkëtyës ja ja'ay.

1 Corintios 12:11

E ya'atë, tu'ukyë ja Kënu'kxymyëkajtën mëti'ipë tyuunpyën winë ets tmo'oy ja ja'ay nitu'ukjaty mëti'ipë y'oyjya'apën.

Romanos 1:1

Ëjts Pablo, Kristë Jesús myëtuunpë. Tiosës të xywoowtsoy etsës nmëtunëty, të xytyuknipëkyës ets nkajpxwa'kxëtyës ja y'aaw y'ayuk oypyë.

1 Timoteo 2:7

Paatyës të nyajpëjktä'äky ayuk käjpxynyajxpë etsës yë ja'ay ntuk'ijxpëkëty yë mëpëjkën ets tëyajtën mëti'ipë ka'ap jyutiis'atën. Tëyës n'ëna'any, ka'apës n'antä'äky.

Hechos 22:21

Täätsës ja Wintsën xynyëmaay: Nëjkx, jam mijts nkäxa'any jëkäm ma ja ja'ay ka'apë jyutiis'atën.

Hechos 14:26

Jam ja kepy nëëwinye'epyë tuktëjkëtë ets jyajtë Antioquía, ma Tios ja tsyojkën jya'awën ënäty të kyäxëtën tuunpë ets tëë ënäty tyajwintu'upëktë.

Daniel 9:3

Ënät ja Wintsën të nmënu'kxtä'äkyës, tëëjës n'ayuu'aty ets tëëjës ja nwit mpëjktä'äky mëti'ipë u'kxpën ets tëëjës jaamjoty n'u'unyë.

Colosenses 4:17

Tukmëmëtya'aktë ya'atë yë Arquipo: Kä'pxy xypyatunëty ja mtuunk ijxtëm ja Wintsën të mtuknipëkyën.

Lucas 2:37

mëmajkta'px jëmëjt ënäty ku'ooky të y'ijnë. Xëmë ja Tios twintsë'ëkë ma ja mëjtsajptëjkën xëëny koots; ayuu'ajtp näjyëtu'un ets ja Tios tja'amyetsy.

1 Samuel 2:11

Ënät ja Elcana ojts wyimpijnë, nyëjkxnë jam Ramá ma ja jyëën tyëjk tmëët'atyën, e ja myaank Samuel ojts jam wyë'ëmnë Siló ma ja tsajptëjkën ets ja Wintsën je'eyë tu'ukyë timmyëtunanë, yë'ë ojts kyë'ëwë'ëmëty yë Eli.

2 Timoteo 2:2

Ja aaw ayuk mëti'ipë të xymyëtoyën maajës ja mayjyä'äy nyaj'ijxpëkyën, yë'ë mtuknipëkëp ja ja'ay ets jëtu'un ja myëku'uk tyaj'ijxpëktëty.

Efesios 3:7

Tios të tuny ja mëyajtën ma ëjtsën mëët ja y'oy jot y'oy winma'any ets pya'ëyo'ow nyajts'ëyo'owën, tëëjës xytyuk'ixy ja myëk'ajtën.

Hechos 13:3

Tëë ënäty ja Tios tja'amyäjta'atë ets y'ayuu'ajta'atë, ënät ojts tkë'ënixajtë ja Bernabé ets ja Saulo ets mëët nyäjyëkajpxëtë.

Hechos 10:30

Tääts ja Cornelio y'ëtsooy: Tyam mëmajktaxk xëëw ma ya'atpë horë yaa n'ayuu'atyës maas ntëjkën. Tiosës nja'amyejtsyp jënäkyxyëëw, ko ojts ajotkumonë n'ijxpaatyës tu'uk ja ye'etyëjk xywyintänës. Atë'kxp ajajp ja wyit kyëxë'ëky.

Hechos 10:19

Tam ënäty ja Pedro tmëmay tmëtajynyëm mëti'ipë të yajktuk'ixyën, ko ja Kënu'kxymyëkajtën y'ënëmaayë: Simón, tää ja'ay nitëkëëk m'ixta'ayë.

Hechos 8:29

Ënät ja Kënu'kxymyëkajtën ja Felipe y'ënëmaayë: Ninëjkx ya'atë kepy wintëkäämpë winkon.

Mateo 9:38

Paaty miitsëty amëtowtë ja mëti'ipë nyiWintsën'ajtypyën ja pëjktä'äky ets tkäxëty may ja tuunpë mëti'ipë ja pëjktä'äky yajpëtë'ëktëpën.

Mateo 6:16

Ko miits m'ayuu'atëty, ka'ap ja mwiin mjëjp xypyëjkta'aktëty yaj'ëyow yaj'ama'at, ijxtëm y'ëtë'ëtstën mëti'ipë oyjyä'äy nätyijëtëp ets ja ja'ay y'ixëtëty ko y'ayuu'atë. Tëy miits n'ënëëmëtë ko yi'iyë kyuma'ayën'atantëp.

Deuteronomio 10:8

Ënät ojts yë Wintsën twin'ixy yë Leví y'u'unk y'ëna'k ets yë'ë tkë'ëtëty ja kaaxë mëti'ipë myë'ijtypyën ja käjpxytyu'unën ets tukwinkukëyëtëty ja Wintsën, ko tii wintsë'kën yajmo'oja'anëty, ijxtëm tyampaat tuntën.

Hebreos 5:4

Ni pën kë'ëm kyanäpyëjktä'äkyë ets y'itëty wintsë'ëkë ko ënäty y'ity teety wintsën. Tios wyin'ijxyp pën pyëjkta'akäämpyën teety wintsën, jëtu'un ja Aarón ojts yajwinwitsy.

2 Timoteo 4:11

Lucas yam nätyu'uk të jyaak wë'ëmy. Ixta'a ja Marcos ets mëët mminëty, jä'ä ko xytyukputëjkëpës yë'ë ja Wintsën ja tyuunk.

2 Timoteo 4:5

E mijts, niwijy nikejy mja'ay'atëty, mëtanë ja ëyo'on, kajpxwa'kx xëmë yë aaw ayuk oypyë, patun oy yë mtuunk.

2 Corintios 11:27

Tëës nmënaxy nyajnaxy ja tuunk mëkpë tsaatsypë ets ja amay jotmay, ma nkama'ay nkapo'kxyës, ma ayuu nëëtëëtsë të n'ityësën ets ma ja potmjot näjyëtu'un të nyajnaxyës ets ko ja nwit nxoxës të kyaka'ty.

2 Corintios 6:5

ja näywyop näkya'atsë, ja pujxntëjk, ja nëëmujk tukmujkën; ja mëktuunk, ja yuu nëëtëëtsë ets ko ja tsuu ma'ay kyaminy.

1 Corintios 7:5

Paaty n'ënëëmëtë, këtii mnäy'ëxmatsëtëty, nätyookëtë nimäjtskëty; ënät tëy pën mkäjpxy'ajtëp ko mnäy'ëxmatsa'anëtë jä'ä ko ja Tios mëkajpxantëp. Ok jatëkok mnäpyuwa'akëtëty, këtiipë ja mëjku'u mëmëta'akëtëty ets myajpokytyunëtëty.

Romanos 15:16

etsës nmëtunëty ja Jesukristë ets ja ja'ay tuk'oy'atëty mëti'ipë ka'ap jyutiis'atën. Yë'ës ntukmëtuumpy ja Jesukristë etsës nkajpxwa'kxëty ja oy aaw oy ayuk mëti'ipë tso'onën ma ja Tiosën. Jëtu'untsës ntuny ets y'itëty mëti'ipë ka'ap jyutiisëty ijxtëm ja wintsë'kën mëti'ipë Tios y'oyjya'apën, mëti'ipë Kënu'kxymyëkajtën të tyajwa'atsyën.

Romanos 10:15

¿E wi'ix tkajpxwa'kxtëty pën ka'ap pën kyäxëtë? Ijxtëm ja kuja'ay myinyën: Janty'oy yaj'ixy ko jya'të mëti'ipë yajmiintëpën ja oy aaw oy ayuk.

Hechos 20:28

Jëtu'un yam n'ënëëmëtë, jëjp'ixy m'ittëty ets näkyëwent'atëtë; näjyëtu'un ja mëpëjkpëtëjk këwent'atë, jä'ä ko ja Tios yë myëjaaw myëk'ajtën të tpëjktä'äky ma miitsëtyën ets xykyëwent'atëty mëti'ipë ja Tios jyä'äy'äjtypyën mëti'ipë të tku'ookën.

Hechos 6:4

Ëëtsëty minës yë Tios n'ëkja'amyätstë ets minës n'ëknikajpx n'ëknimëtya'aktë ja Tios ja y'aaw y'ayuk.

1 Crónicas 16:4

David ojts näjyëtu'un tnikajpxpety ja Leví ja'ayëty mëti'ipë y'ijx'itëpën ja Wintsën ja kyaaxë, mëti'ipë xëmë jam kajpxta'aktëpën ets yajnaxtëpën ja kukajpxën ja'awëkyëtakën ma ja Wintsën Tiosën mëti'ipë y'ëwtajtëpën ja Israel ja'ayëty.

Lucas 10:1

Ko jëtu'un y'ëkjajty y'ëkëpejty, ënät ja Wintsën Jesús twinwijtsy nitëkë'px majkmäjtsk ja ja'ay ets tkejxy nimäjtskjaty kajpn kajpn.

Hechos 4:36

Jam ijty tu'uk ja Israel ja'ay mëti'ipë ja Leví y'u'unk'ajtyp y'ok'ajtypyën; Josee'ajtp, Chipre kyukajpnëty, mëti'ipë ojts ja ijxpëjkpëtëjk yajxëëwpetyën Bernabé jä'ä nyiwijy Yajotkujk'ajtpë.

Hechos 13:4

Ko ja Saulo ets ja Bernabé ja Kënu'kxymyëkajtën yajtso'onëtë, jamtsow ojts nyëjkxtë Seleucia ets jam tuktëjkëtyë ja kepy nëëwinye'epyë, jam nyëjkxtë Chipre, tu'uk ja it mëti'ipë mejy itkujkyën.

Mateo 17:21

Yë ku'oypyë jëwa'kp näjyëtu'un ko ja'ay Tios tja'amyetsy ets ko ja'ay y'ayuu'aty.