Hechos 10:9 - Biblia Mixe de Quetzaltepec

⁹ Komjëpom, kujkyxyëëwëjaanpën, tam ënäty ja käjpxynyajxpë tyu'uye'eytyë winkon ma ja Jope kajpnën, ënät ja Pedro pyejty jap tëjkëjxy Tios ëwtajtpë.

Biblia Dc en Mixe de Quetzaltepec

⁹ Komjëpom, kujkyxyëëwëjaanpën, tam ënety ja käjpxynyajxpë tyu'uye'eytyë winkon ma ja Jope kajpnën, ënät ja Pedro pyejty jap tëjkëjxy Dios ëwtajtpë.

Hechos 10:9 ပူးပေါင်းရင်းမြစ်များ

Sofonías 1:5

Nyajkutëkoyäämpyës pënjaty jap tëjkkëjxy päjtëpën mëti'ipë y'ëwtajtëpën yë mëtsa'a, mëti'ipë näkyoxtënaaytyakëtëpën ets tkajpxpaatë yë nxëëwës, näjyëtu'un tkajpxpaatë yë tios Milcom yë xyëëw.

Salmos 55:17

Jopyëp, kujkxyëëw ets uxëp një'ëja'any nya'axa'anyës, ets yë'ë myëtowäämpy.

Hechos 6:4

Ëëtsëty minës yë Tios n'ëkja'amyätstë ets minës n'ëknikajpx n'ëknimëtya'aktë ja Tios ja y'aaw y'ayuk.

Marcos 6:46

Ko nyäjyëkäjpxyë, tääts pya'tëjkëy kopkëjxm Tios mëkajpxpë.

Marcos 1:35

Jopyëp, tsojk ojts ja Jesús myä'äypyëti'iky ets tsyo'ony jam kajpnjotm, Tääts ojts nyijkx Tios mëkajpxpë të'ëts'itjotm,

Mateo 27:45

Ojts kyootsë ja naaxwiinyëtë, kujkxyëëw ënäty, ets jëtu'un y'ijty jënäkyxyëëwpaat.

Mateo 24:17

ets pën ënäty të pyetyën tyëjkëjxm jä'ä xëëw, ka'ap y'ëkjënajknëty ets tii tyajpëtsëma'anëty jap tyëkoty;

Mateo 20:5

Tääts ja kukam ojts tsyo'onkojnëpë kujkxyëëw ets jatëkok mëj jënäkyxyëëw.

Mateo 6:6

Temë ko mijts ja Tios xymyëkajpxëty, tëkë mtëkoty, yaj'ëtuk ja mtëjk ets ja'amyäts ja Tios Teety mëti'ipë ka'ap yaj'ixyën. Ënät ja Tios Teety, mëti'ipë y'ijxypyën tii mtuumpy ayu'utsy, yë'ë mmo'ojëtëp ja kuma'ayën.

Daniel 6:10

Ko yë Daniel tnija'awëy, ko tëë ja ënä'ämën yajtsa'ay, ënätyë ojts nyijkxy ma tyëjkën ets tya'ëwatsy ja tyëjk'aaw ets ja tyëjkwiin ma myä'äyën, mëti'ipë jam najts'ijxëpën maatsow yë Jerusalén kajpn wyi'imyën ets nyäkyoxtënaaytyakë ets t'ëwtajty ja Tios. Tëkëëk ijty tu'kxëëwpë nyu'kxtä'äky, jëtu'unyëm ënäty xëmë tuny.

Jeremias 32:29

Yë Caldeo ja'ayëty mëti'ipë jam nyitëkëjantëpën yë Jerusalén kajpn, ko ënät tnitëkëtëty, tääts tjëënmo'oja'antë ets tnino'kta'aja'antë, näjyëtu'un ja jëën tëjk ma ijty jam tëjkëjxm tmo'otën yë Baal yë wyintsë'kën, ma tukwinjoktën ja poom ets tsatym nyëë tëëpë nyimaanaxyën, mëti'ipës ojts xytyuk'yajjoot'anpëktën.

Jeremias 19:13

Yë jëën tëjk mëti'ipë yajpatëpën jam Jerusalén, ja këmoontëjk ma ja Judá yajkutujkpëtëjk y'ënä'ämtën ets ja tëjk kopk ma ja mëtsa'a twintsë'ëkëtën mëët ja poom, mëët ja uuky, aak ëxëëk nëjkx nyajxta'ay, jëtu'un tä jam jyäjtyën Tofet kajpnjotm.

1 Samuel 9:25

E kom jam tsyo'onëtë ma ja tsajptëjkën ets nyëjkxnëtë ma ja kajpnën, jap ojts tyaj'oyëtë ja Saúl ja myaatakn tëjk'ëjxy.

1 Timoteo 2:8

Ntsojkpyës ets ja ja'ay tja'amyätstëty ja Tios oymyaatsowëty, ets ja kyë'ë tyujkxajtëty ma ja Tiosën mëët ja oyjyot oywyinma'any ets ka'ap myëëtëty ja tsip äkë.

Efesios 6:18

Këtii xy'ëxmatstëty ja Tios ja'amyäjtsën, mënu'kxta'aktë ets amëtowtë pëjktsowtë ja Tios xëmë, wi'ix ja Kënu'kxymyëkajtën mwinma'anymyo'ojëtëty. Jëjp'ixy näyaj'itëtë. Xëmë ninu'kxta'aktë ja Tios ja kyajpn.

2 Samuel 11:2

Jä'ä xëëw, jënäkyxyëëw ënäty ko ja David myä'äypyëti'ky ets jam pyejty këmoon tëjkëjxm, jamts nyäxy tyëkë ko t'ijxpaty jap ëpa'tkë'p tu'uk yë to'oxytyëjk tsyi'iy, janty tsujpë. Ya'atë to'oxytyëjk tëë ënäty je'eyë tyukjënajkta'ayë ja myëjaaw.

Hechos 10:3

Jënäkyxyëëw ënäty, ko ojts t'a'ijxnaxy tu'uk ja Tios ja y'anklës myëwinkonyë ets y'ënëmaayë: Cornelio.