Hechos 10:4 - Biblia Mixe de Quetzaltepec

⁴ Tääts ja Cornelio tsë'ëkë tsë'ëkë twin'ijxpejty ja tsajpjotmëtë kukäjpxy ets t'ëtsooy: ¿Tii?, Wintsën. Tää ja tsajpjotmëtë kukäjpxy y'ënëmaayë: Y'ijxyp nyija'ap yë Tios ko xyjyä'äymyetsy ets wi'ix xypyutëkën ja ëyoopëja'aytyëjkëty.

Biblia Dc en Mixe de Quetzaltepec

⁴ Tääts ja Cornelio tsë'ëkë tsë'ëkë twin'ijxpejty ja tsajpjotmëtë kukäjpxy ets t'ëtsooy: ¿Tii?, Wintsën. Tää ja tsajpjotmëtë kukäjpxy y'ënëmaayë: Y'ijxyp nyija'ap yë Dios ko xyjyä'äymyetsy ets wi'ix xypyutëkën ja ëyoopëja'aytyëjkëty.

Hechos 10:4 ပူးပေါင်းရင်းမြစ်များ

Filipenses 4:6

Këtii tii je'eyë xymyëmon xymyëtuktëty, yë'ë Tios tukë'ëtëkëtë tii jam mjotmay'ajtëp, amëtowtë pëjktsowtë ets kukajpxën näjyëtu'un.

Hebreos 6:10

Jä'ä ko yë Tios mëtëy nyipaye'ey, ka'ap tja'atyëkoyä'äny mëti'ipë të xytyuntën ets wi'ix të xypyutëkëtën ja Tios ja nyaax kyajpn ijxtëm tyampaat xytyuun'ëtë'ëtstën.

Malaquías 3:16

Ja ja'ayëty mëti'ipë myëtuuntëpën yë Tios ojts oy myäytyë tyajtë ets ja Wintsën ojts tmëtoy mëti'ipë ënäty pyëjktsoowtëpën. E jam ma ja Wintsënën jam tu'uk noky yajjaay, mëti'ipë yajtukja'amyätstëpën ko yë Tios twintsë'ëkëtëty.

Hechos 10:31

Ënätës xynyëmaay: Cornelio, tëë ja Tios ja m'aaw m'ayuk tmëtoy, y'ijxyp nyija'ap ko të xyjyä'äymyetsy ets wi'ix ja mëyajtën xytyunyën ma ja ja'ayëtyën xypyutëkën.

Apocalipsis 8:4

Jap tsajpjotmëtë kukäjpxy kyë'ëjoty tsyoony ja poom jok ets jyä'ty Tios wyintum, mëët ja käjpxy mëtyä'äky ma Tios'ëwtatën ja naax kajpn tëëpë oy jyuuky'atën.

Salmos 141:2

Wä'änës yë ntsajpkäjpxy jam tja'ty ma mijtsën tä poom jyokyën, koos yë nkë'ë nxajë'ëkëty jëtu'un nyaxëty tä jeexyë wintsë'kën myajmo'oyën ko jyënäkyxyëëw'aty.

Filipenses 4:18

Tëës may winë n'ëxajë ets njaaktimmyëët'ajtypës ja natëkë, jä'ä ko nmëët'ajtypyës mëti'ipë ja Epafrodito ojts xytyukmëkäxëtën. Jëtu'un ya'atë putëjkën ijxtëm ja pa'akxu'kpën mëti'ipë yajyojxpën ets yajtukwintsë'këpën ja Tios ets tukjotkëta'akëty.

Hebreos 13:16

Ka'ap xyjyä'ätyëkoytyëty ets xytyuntëty ja oypyë ets tu'knax xyajtuntëty mëti'ipë mmëët'ajtëpën, jä'ä ko ya'atë jëtu'unpë wintsë'kën Tios tyukjotkëtäkpy.

Lucas 1:29

Ko ja Maria tmëtooy ko ja tsajpjotmëtë kukäjpxy jëtu'un y'ënë'ëmxëty, mëjmëtoy ojts tpëjktä'äky ets twinmaay twintajy wi'ix nyiwijy ja kajpxpo'kxën.

Mateo 26:13

Tëy miits n'ënëëmëtë ko oy tyimmaajëty ma ënäty yajkajpxwä'kxyën ja oy aaw oy'ayuk, nëjkxëp yajnimëtyä'äky ya'atë to'oxytyëjk mëët mëti'ipë të tunyën.

Daniel 10:11

Täätsës të xy'ënëëmë: Taniel, mëti'ipë yë Tios tsojkëpën, mëtoow'it yajxon mëti'ipë yam ntuk'ënëëmëjäämpyën: Pëtë'ëk, ëjts tëëjës mijts nyajtuknikexy. Je'eyë kyajpxtaay täätsës tsë'ëkë nwa'kujkëy.

Isaías 43:26

Pën mijts jam tii xynyijawë, mëti'ipës ka'ap oy të ntunyën, wä'än tyajpaye'ey. Nikajpxta'a yajxon wi'ixjatyës muum ntëkoyën, ets yaj'ixëty pën mijts ka'ap tii muum xytyuuntëkoy.

2 Crónicas 32:24

Ojts Ezequías jatëkok mëk pya'ampety, je'eyëp ko yë'ë, ënätyë Wintsën tmëpëjktsooy ets y'ëtsoowinpijtë mëët ja mëj'ajtën.

2 Crónicas 6:33

mijts mëtoow'itëp jam tsajpjotm, ma mtsëënën. Mo'ojëp tukë'ëyë mëti'ipë y'amëtoowtëpën, jëtu'un tëkokyë ja naax kajpn nijawëtëty ets mkënu'kxyjyawëtëty jëtu'un tä Israel ja'ayëtyën ets tja'akyukëtëty ko mxëëw yaa yaj'ëwtaty ma ya'atë tsajptëjkën mëti'ipës të nkojyën.

1 Samuel 3:10

Ënät jatëkok ja Wintsën myiiny ets ojts tmëkäjpxy ja Samuel. Samuel, Samuel. Kajpx, Wintsën, tyamës nmëtoow'ity. Jëtu'un y'ëtsooy yë Samuel.

Hechos 22:10

Täätsës nyajtëëy: ¿Tiijës ntunëp, Wintsën? Tääts ja Wintsën y'ëtsooy: Pëtë'ëk, ye'ey yë mtu'u, nëjkx jam Damaskë. Jam tu'kë'ëyë myajtuk'ëwaanëja'any mëti'ipë mtunëpën.

Lucas 24:5

Tsë'këtë ja to'oxytyëjk, ënät je'eyë nyaaxkoowtë; ets ja ye'etyëjk nimäjtsk y'ënëmaayëtë: ¿Tii ko xy'ixta'atë ma ja o'kpëjutën mëti'ipë juukyajtpën?

Isaías 45:19

Këtii ame'tsyë mkajpxëty muum akootstuuy naaxwiiny naaxkëjxy. Ëjts ka'apës n'ënëëmë yë Jacob y'u'unk y'ok: Jamës xy'ixta'ajëty ma ka'ap tiijën. Ëjts, mëti'ipë Wintsën'ajtpën, mëtëyës nkäjpxy ets aakjä'ä mëti'ipë mëpaat'ajtpën.

Levitico 2:2

Ënät tukninëjkxëty ja Aarón ja y'u'unk y'ëna'k mëti'ipë teety'ajtëpën ets nitu'uk tu'kkë'ëjaaxy tja'axpëtsëmëty ja tsajpmokway mëët ja nyi'on ets ja nyipoom, jam tkëxpëkëty ma ja wintsë'këntyaknën ets jam tnino'okëty, mëët ko ja ja'amyäjtsën tuny ets ja Tios jä'ä tukwintsë'ëkëty ja oypyë ja xyu'kën jyojkën.

Salmos 20:3

Wä'än tja'amyäjtsta'ay mëti'ipë të xyyoxyën, ets oy tkupëkëty ja wintsë'kën mëti'ipë mo'ojäämpyën.

Hechos 3:4

Ënät ja Pedro ets ja Juan twin'ijxë'ktë ja tekymya'at, ja Pedro jä'ä ënan: Win'të'kxtëkës.

Hechos 14:9

ets tmëtoow'ity mëti'ipë ja Pablo kyäjpxyp myëtyäkpyën, ënät ja Pablo y'ijxë ko mëk ja Tios tmëpëky ets jyëkyejpy tsyo'okëty.