Hechos 10:3 - Biblia Mixe de Quetzaltepec

³ Jënäkyxyëëw ënäty, ko ojts t'a'ijxnaxy tu'uk ja Tios ja y'anklës myëwinkonyë ets y'ënëmaayë: Cornelio.

Biblia Dc en Mixe de Quetzaltepec

³ Jënäkyxyëëw ënety, ko ojts t'a'ijxnaxy tu'uk ja Dios ja y'anklës myëwinkonyë ets y'ënëmaayë: Cornelio.

Hechos 10:3 ပူးပေါင်းရင်းမြစ်များ

Salmos 55:17

Jopyëp, kujkxyëëw ets uxëp një'ëja'any nya'axa'anyës, ets yë'ë myëtowäämpy.

Éxodo 33:17

Ya'atë mëti'ipë yam të xynyikäjpxyën ntunäämpyës yam, jä'ä ko mijts ntuk'ijxpejtyp ets ntukjotkëtäkpy, jëtu'un ja Tios t'ëtsooy ja Moisés.

Isaías 45:4

Mëët koos ijty mëk ntsoky njawë yë Jacob, ja Israel kajpn mëti'ipës nwin'ijxën, mxëëw të ntukmëkäjpxy ets tëë mëk'ajtën nmo'oy ets mëj'äämpy mnaxëty.

Mateo 27:46

Jä'ä xëëw ojts ja Jesús mëk yujkyä'äxy: Eli, Eli, ¿lamá sabactani? jä'ä yajja'akyukë: Tios, Tios, ¿tiijës ko xy'ëxmatsy?

Lucas 1:11

Ënät ja Zacarías ojts ja Tios ja y'anklës t'ijxpaaty, jap tyänë aka'any'äämpy ma ja wintsë'këntyaknën, ma poom tyoyën.

Lucas 2:13

Tääts pyëtsëëmtë nimay ja tsajpjotmëtë kukäjpxy tsajpjotmëpë tsyoontën ets jam nyäpyëjktakëtë ma ja myëku'ukëtyën, mëti'ipë Tios myëja'aw jyääntyjya'awëtëpën ets y'ëna'antë:

Hechos 10:17

Tam ënäty ja Pedro je'eyë tmëmay tmëtajy wi'ix nyiwijyën mëti'ipë y'a'ijxnajxypyën ko ja Cornelio ja kyäjpxynyajxpë jyajtë jam tëjk'ëkë'ëm, jä'ä ënäty yajnitë'ëwëtëp ja Simón ja tyëjk.

Hechos 10:19

Tam ënäty ja Pedro tmëmay tmëtajynyëm mëti'ipë të yajktuk'ixyën, ko ja Kënu'kxymyëkajtën y'ënëmaayë: Simón, tää ja'ay nitëkëëk m'ixta'ayë.

Hechos 10:30

Tääts ja Cornelio y'ëtsooy: Tyam mëmajktaxk xëëw ma ya'atpë horë yaa n'ayuu'atyës maas ntëjkën. Tiosës nja'amyejtsyp jënäkyxyëëw, ko ojts ajotkumonë n'ijxpaatyës tu'uk ja ye'etyëjk xywyintänës. Atë'kxp ajajp ja wyit kyëxë'ëky.

Hechos 10:9

Komjëpom, kujkyxyëëwëjaanpën, tam ënäty ja käjpxynyajxpë tyu'uye'eytyë winkon ma ja Jope kajpnën, ënät ja Pedro pyejty jap tëjkëjxy Tios ëwtajtpë.

Hechos 11:13

ets xytyukwinkumëtyakëtyës wi'ix ënäty të t'ixyën ja tsajpjotmëtë kukäjpxy ets wi'ix y'ënëmaayën: Käx tu'uk yë mkukäjpxy ets nyëjkxëty jam Jope. Wä'än ja Simón nëjkx twoy mëti'ipë yajtijpën Pedro.

Hechos 27:23

Ja Tios, mëti'ipës nmëtuumpyën ets xyjyä'ä''ajtpën, äämkyoots tu'uk ja y'anklës të nwin'ixyës.

Hechos 3:1

Tëkok ja Pedro ojts nyijkxy mëët ja Juan ma ja mëjtsajptëjkën, jënäkyxyëëw ënäty, jää ma ja ja'ay ijty nyiye'eypyätën Tios mëkajpxpë.

Hechos 5:19

Tu'uk ojts ja Wintsën ja y'anklës myiny ets ja pujxntëjk tyaj'ëwatsy ets pyëtsëëmtë. Tääts y'ënëmaayëtë:

Hechos 9:10

Näy jam Damaskë tu'uk ja ye'etyëjk mëti'ipë ja Jesús myëpëjkpyën, Ananías xyëëwajtyp. Ënät ja Wintsën ojts tyuk'a'ijxnaxyë ja Ananías ets y'ënëmaayë: Ananías. Tää ja Ananías y'ëtsooy: Tyamës, Wintsën.

Hechos 9:4

Tääts kyëtääy ets tmëtooy tu'uk ja ja'ay kyäjpxy ets y'ënä'äny: Saulo, Saulo, ¿tii koos xy'ixjëtity xypyajëtiy?

Hebreos 1:14

Jä'ä ko ja tsajpjotmëtë kukäjpxy aak poj yë'ëjëty mëti'ipë Tios myëtuuntëpën ets yë'ë yajkäjxtëp ets nëjkx tputëkëtë mëti'ipë ja nitsokën të yajtukumaytyën.

Hebreos 1:4

Wäänë mëj ja Tios U'unk të nyäxy këtiinëm ja anklëstëjk, jä'ä ko tëë yajtukumay wäänë mëjpë ja kutujkën këtiinëm ja anklëstëjkëty.