Génesis 9:6 - Biblia Mixe de Quetzaltepec

⁶ Pën yë myëku'uk yaj'o'kpy, nän ja'ay nëjkx yaj'ookyë. Jä'ä ko yë naaxwiinyëtë ja'ay jëtu'un yë të kyojy ijxtëm yë Tios kë'ëm y'ixëtyën.

Biblia Dc en Mixe de Quetzaltepec

⁶ Pën yë myëku'uk yaj'o'kpy, nän ja'ay nëjkx yaj'ookyë. Jä'ä ko yë naaxwiinyëtë ja'ay jëtu'un yë të kyojy ijxtëm yë Dios kë'ëm y'ixëtyën.

Génesis 9:6 ပူးပေါင်းရင်းမြစ်များ

Génesis 4:14

Tyamës mijts xy'ëxkexy yaa naaxwiiny. Kopkpëky ko ëjts ënät jëtu'unyë n'anëty npojëty ets nmëjëkäm'atëty. Ets po'kxën nijëna'ajës nka'ixëty. E koos muum pën xypyaatëty tääjës xyaj'ook xyajtëkoyëty.

Génesis 42:22

Ënät yë Rubén t'ëtsooy ja myëkä'äxtëjk: Ëjts ojtsës nja'ëna'any ets jeexyë ka'ap wi'ix ntu'unëmë, e miitsëty ka'apës ojts xykyäjpxymyëmëtowtë, e ëëtsajtëm kwanë ënät n'ëtsoowinpijtmëty yë y'o'kën tyëko'oyën.

Génesis 5:1

Yaa jëtu'un kuja'ay myiny ja y'u'unk y'okëty yë Adán. Ko yë Tios ojts tyajkojy yë naaxwiinyëtë ja'ay. Jëtu'un ojts tyajkojy ijxtëm yë Tios kë'ëm y'ixëtyën.

2 Samuel 4:11

E mëët yë tyampë xynyikajpxtën, nän timjëtu'un ënät mjatëty mkëpätëty, miits ëxëëk ja'ay ka'oyjyä'äyëty, yaja'ay'o'kpë, ix pën të xyaj'ooktë ja ja'ay ka'apë tii poky tmëëtëtyën, japë ënäty oy mëk myä'äy pyo'kxyën ma jyëën tyëjkën. Paaty miitsëty kopkpëky ets ënät xykyumëtowtëty mëët ja mëti'ipë të xytyuntën. Oy wi'ix mja'ënanëtë, kopkpëky ko m'ooktëty mtëkoytyëty.

1 Reyes 2:9

Mijts këtii xypyokymyä'kxëty, mijts ntuknipëjkyp tii mëpaat xytyuny, je'eyëp ko m'ixëp yajxon wi'ix mëpaat ëxëëk jyäty kyëpetyën ets jëtu'un oywyi'ix y'ookëty.

2 Reyes 11:1

Ko yë Atalía, ja Ocozías ja tyaak, tnija'awëy ko tëë ja myaank y'ooky, ënät ojts nyijkxy jam ma ja yajkutujkpë ja jyiiky myëku'ukën ets tyaj'o'ktaay jënu'un tpatyën.

2 Reyes 11:16

tä je'eyë tmajtstë ets tju'të, jap ojts tmënëjkxtë tëjk'ëkë'p, ma ja kwaay tyëjkëntyaknën ets jap tyaj'o'ktë.

2 Reyes 11:20

tëkokyë ja naax kajpn jotkujk nyäjya'awëtyë, jä'ä ko tëë ënäty y'o'knë ja Atalía, mëti'ipë ijty jam ënä'ämpën ma ja kutujkëntëjkën.

2 Crónicas 33:24

Ja tyuunpë ojts kë'ëm nyikäjpxytyunëty ets yaj'o'kë jap ma kyutujktaknën.

Salmos 51:4

Mijts të nmëtëkoy, koos të ntuny ja ëxëëkpë mëti'ipë ka'ap xy'oy'ixyën. Paatykyëjxm ja mtëytyu'unën xypyaat'ajtpës; e ëjts ka'apës mëpaat njëjpmëwa'akë mëti'ipë mijts mtëy'ajtën'ajtypyën.

Éxodo 20:13

Këtii myajja'ay'ookëty.

Proverbios 28:17

Yë ja'ay mëti'ipë të yaja'ay'ookyën, xëmë je'eyë kyä'äka'any koonëm y'ookëty. Wä'än tnëjkx, ka'ap pën t'ëtukëty.

Eclesiastés 3:3

Nyixëëw nyijëmëjt pyätyp ko pën yaja'ay'ooky ets ko pën yajtsooypyetsy. Ko pën tii tyaj'oyë ets ko pën tii tyajma'aty.

Levitico 17:4

ets ka'ap jam tmënëjkxëty ma ja wit tëjkën ma ja näpyaatë y'ityën ets jeexyë yë'ë tukwintsë'ëkë. Pokytyuunp jëtu'un ënäty, mëët ko ja ne'pny temy tje'etsy, kopkpëky ko nëjkx yajjo'otsy ma ja myëkunaax myëkukajpnën.

Levitico 24:17

Pën ënäty yë myëku'uk të tyaj'ooky, nän nëjkxëp näjyëtu'un y'ooky.

Números 35:16

Jëtu'un, ko pën yë myëku'uk tyajtsëtyut tyajwintëkoyëty mëët tu'uk yë pujxn ets ok ja myëku'uk y'ookëty. Tääpë ja'ay, jä'ä nëjkx yajtijy yaja'ay'o'kpë ets nëjkxëp yajni'ënä'ämënë ets y'ookëty näjyëtu'un.

Números 35:25

Ja kajpn yë'ë ka'ap t'ëwa'atsëty ets ja ja'ay mëti'ipë ënäty ja myëku'uk të y'ookyën tyaj'o'kwinpitëty ja yaja'ay'o'kpë. Nëjkxëp tmo'otë ja ëwaatsëtuuy'ajtën ets jam nyëjkxëty ma ja naax kajpnën mëti'ipë tsoktaknën. Ja yaja'ay'o'kpë jam jëtu'un jyuuky'atëty koonëm y'ookëty ja teety kyopk, mëti'ipë ënäty ja Tios myëtuumpyën jä'ä xëëw jä'ä jëmëjt.

Números 35:33

Këtii yë it naaxwiinyëtë xyaj'ëxëëktëkëtëty mëët yë yaja'ay'o'kpë. Jä'ä ko yë yaja'ay'o'kpë yajnipäxëtëjkëtyëp yë naax kajpn. Yë yaja'ay'o'kpë ka'ap tjëkyepy yajuuypyëtsëmëty, koonëm y'ookëty pën të tyuuntëkoyën.

Mateo 26:52

Ets ja Jesús y'ënëmaayë: Pëjkë'ëk yë mtëypyujxn ma tyëjkën. Jä'ä ko pën tsiptuump mëët ja tëypyujxn, nän yë'ë nëjkx tku'ookë.

Romanos 13:4

Tios yë'ë të tyuknipëjktaakëtë ets miits jotkujk myajpaattëty. E pën mijts ëxëëk m'ëtë'ëtsy m'ëna'any kopkpëky ko mtsë'ëkëty; jä'ä ko ka'ap ja kutuunktëjk nëkoo ja mëk'ajtën të yajmo'otë, yë'ë ets ja Tios tmëtuntëty ets tëytyuntëty ja ja'ay mëti'ipë ëxëëk ëtëtstëp ënantëpën.

1 Corintios 11:7

Ye'eytyëjk ka'ap mëpaat nyäkyupe'enyë, jä'ä ko yë'ë ja Tios myëj'ajtën jyääntyajtën yajwinkëxë'këp ets ko nän yë'ë Tios yajmëjnajxyp. Ja to'oxytyëjk yë'ë ye'etyëjk myëj'ajtën jyääntyajtën yajwinkëxë'këp.

Deuteronomio 19:11

E pën ja ja'ay jëtu'unyëm ja myëku'uk tmëtsip'ajtpë, ko muum të twinkuye'eyë, tääts ënätyë të tyaj'ooky ets ënätyë jam kyäktso'okëty ma ja tsoktakn kajpnën.

Deuteronomio 5:17

Ka'ap myajja'ay'ookëty.

Santiago 3:9

Näy yë'ë n'aaw'ajt nyä'än'ajtëm mëët nmëjja'aw njaantyja'awëmëty ja Tios, ets nän yë'ë n'aaw'ajt nyä'än'ajtëm mëët nkajpxpojkmëty ja nmëku'uk'ajtëm mëti'ipë Tios të pyëjktä'äkyën tä yë'ë kë'ëmën.

Apocalipsis 13:10

Mëti'ipë nitëjkëyëpën yajtsumëty, nëjkxëp ja yajtsumy; pën nitëjkëyëp yajkupuxëty, nëjkxëp ja yajkupuxy. Yaa yaj'ixa'any pën jotmëkën ets pën mëpëjkpën ma ja Tios ja nyaax kyajpnën.

Jueces 9:56

Jëtu'un'äämpy ojts yë Tios tukëpety yë Abimélec ja pyoky, mëët ko ënäty ja tyeety të tmëtëkoy ko tyaj'o'ktaay ja myëkä'äx ja nitëkë'px majkpë.

1 Samuel 15:33

E ja Samuel tyaa y'ënäny: Mëët yë mtëypyujxn may yë u'unktaak yë y'u'unk myääy xytyukyajni'o'ktuty. E timjëtu'un tä tääpë u'unktaak jyajtën, nän timjëtu'un tyam yë mtaak jyata'any. Tä ja Samuel t'apujx tukpujxëy ja Agag jam Guilgal, ma ja Wintsënën.