Génesis 9:5 - Biblia Mixe de Quetzaltepec

⁵ Ëjts nyajtëwäämpyës yë jyot nye'pyny yë ja'ayëty ets jëyujkëty nitu'ukjaty. Ko ënäty pën yë myëku'uk täämë tjä'tsë yë jyot nye'pyny nipaye'eyäämpyës yë'ë.

Biblia Dc en Mixe de Quetzaltepec

⁵ Ëjts nyajtëwäämpyës yë jyot nye'pyny yë ja'ayëty ets jëyujkëty nitu'ukjaty. Ko ënety pën yë myëku'uk täämë tjä'tsë yë jyot nye'pyny nipaye'eyäämpyës yë'ë.

Génesis 9:5 ပူးပေါင်းရင်းမြစ်များ

Génesis 42:22

Ënät yë Rubén t'ëtsooy ja myëkä'äxtëjk: Ëjts ojtsës nja'ëna'any ets jeexyë ka'ap wi'ix ntu'unëmë, e miitsëty ka'apës ojts xykyäjpxymyëmëtowtë, e ëëtsajtëm kwanë ënät n'ëtsoowinpijtmëty yë y'o'kën tyëko'oyën.

2 Samuel 4:11

E mëët yë tyampë xynyikajpxtën, nän timjëtu'un ënät mjatëty mkëpätëty, miits ëxëëk ja'ay ka'oyjyä'äyëty, yaja'ay'o'kpë, ix pën të xyaj'ooktë ja ja'ay ka'apë tii poky tmëëtëtyën, japë ënäty oy mëk myä'äy pyo'kxyën ma jyëën tyëjkën. Paaty miitsëty kopkpëky ets ënät xykyumëtowtëty mëët ja mëti'ipë të xytyuntën. Oy wi'ix mja'ënanëtë, kopkpëky ko m'ooktëty mtëkoytyëty.

1 Reyes 2:6

Paaty yam mijts n'ënëëmë ko mëk ja mjot mkëpajk xyajtunëty këtiipë yë'ë y'akujk'at jyotkujk'atëty ets jëtu'un y'ënaanpëty ko jotkujk y'ookëty.

2 Reyes 11:1

Ko yë Atalía, ja Ocozías ja tyaak, tnija'awëy ko tëë ja myaank y'ooky, ënät ojts nyijkxy jam ma ja yajkutujkpë ja jyiiky myëku'ukën ets tyaj'o'ktaay jënu'un tpatyën.

2 Crónicas 24:22

Ja Joás ojts tja'atyëkooynyë ja oypyë ja tu'unën kajpxën mëti'ipë ënäty ja teety Joiadá të tnajtstunën, ja Zacarías ja tyeety, mëti'ipë ojts kyäjpxyën ko y'o'këtäky ets y'ënäny: Yë Wintsën yë'ë yam y'ijxyp winë ets yë'ë nyija'ap wi'ix winë tnipaye'ey.

2 Crónicas 33:24

Ja tyuunpë ojts kë'ëm nyikäjpxytyunëty ets yaj'o'kë jap ma kyutujktaknën.

2 Crónicas 33:25

E ja naax kajpn ojts näjyëtu'un tyaj'ooky ja ja'ayëty mëti'ipë ënäty të tyaj'ooktën ja yajkutujkpë Manasés ets nikajpxpäjtë ja Manasés ja myaank ets yë'ë yajkutukëty, Josías xyëëwajtyp.

Salmos 9:12

Tios jyä'ämyejtsyp yë ja'ay mëti'ipë yuujoty pa'amjoty yajpatpën ets ka'ap tja'atyëkoy ja jyi'iyën yaxën; tyiytyuunpy mëti'ipë ëxëëk ëtëtsp ënaanpën.

Éxodo 20:13

Këtii myajja'ay'ookëty.

Éxodo 21:12

Pën yë myëku'uk yajtsëtyujtyp yajwintëkoopy ets tyaj'ookëty, kopkpëky ko näjyëtu'un y'ookëty.

Levitico 19:16

Këtii je'eyë yë pi'tskä'pxy xymyëjëtitëty ma mjëëky mëku'ukën. Këtii xymyëjwa'kpätëty yë ja'ay mëti'ipë yajja'ay'o'kpën. Ëjts jëtu'un Wintsën.

Levitico 24:17

Pën ënäty yë myëku'uk të tyaj'ooky, nän nëjkxëp näjyëtu'un y'ooky.

Levitico 24:21

Pën tu'uk ja jëyujk yaj'o'kpyën, kwanë ko nëjkx yë wiinkpë tyajtëkatsy. Pën yë myëku'uk yaj'o'kpyën, nëjkxëp näjyëtu'un y'ooky.

Números 35:16

Jëtu'un, ko pën yë myëku'uk tyajtsëtyut tyajwintëkoyëty mëët tu'uk yë pujxn ets ok ja myëku'uk y'ookëty. Tääpë ja'ay, jä'ä nëjkx yajtijy yaja'ay'o'kpë ets nëjkxëp yajni'ënä'ämënë ets y'ookëty näjyëtu'un.

Números 35:17

Pën yë myëku'uk tyuka'tsyp yë tsaa amëjaaw ets ja ja'ay tsyëtyutëty wyintëkoyëty ets y'ookëty. Tääpë ja'ay jä'ä nëjkx yajtijy yaja'ay'o'kpë. E ja mëti'ipë ënäty ja myëku'uk të tyaj'ooky, nëjkxëp näjyëtu'un y'ooky.

Números 35:18

Pën yë myëku'uk tyukwojpy yë kepy ets tyajtsëtyutëty ets ja tsëtyutja'ay y'o'knëty tyëkooynyëty. Tääpë ja'ay yaja'ay'o'kpë nëjkx yajtijy ets nëjkxëp näjyëtu'un y'ooky.

Números 35:21

ëkë pën kyojxyp tsyi'kpy ja myëku'uk mëët ko ënäty ka'ap oy mëët nyäjyëkyepyë ets ja myëku'uk tkukoxëty. Ja ja'ay mëti'ipë ënäty ja myëku'uk të tkukoxyën, jä'ä nëjkx pokymyëët wyi'imy. Jä'ä ko yaja'ay'o'kpë ënäty nyajxkojnë. Ja ja'ay ja myëku'uk mëti'ipë ënäty të y'ookyën, jä'ä nëjkx tyaj'o'okwinpity ja yaja'ay'o'kpë, ko muum tpaatëty.

Mateo 23:35

Jëtu'unts miits mtuka'ajëtëty ja poky ko ënäty të y'ooktë ni'ëmukë ja oyjyä'äytyëjk, Abel tyuktso'ontäkpy ets ja Zacarías tukjëjpkëxy, ja Berequías ja myaank, mëti'ipë myaj'o'ktën jap tsajptëkoty ma ja wa'atspë ja tsajptëkotën, ma y'ityën ja wintsë'këntyakn.

Hechos 17:26

Tios pyëjktak ja ye'etyëjk mëti'ipë ja naaxwiinyëtë ja'ay tyeety'at tyaak'atëpën, jëtu'unts tyajwintukëty tu'kë'ëyë ja naaxwiinyëtë, ets tëë tmo'oy ja xëëw jëmëjt mapaat tyajjuuky'ata'anyën,

Deuteronomio 19:11

E pën ja ja'ay jëtu'unyëm ja myëku'uk tmëtsip'ajtpë, ko muum të twinkuye'eyë, tääts ënätyë të tyaj'ooky ets ënätyë jam kyäktso'okëty ma ja tsoktakn kajpnën.

Deuteronomio 19:12

Ja mëjja'aytyëjkëty yë'ë nëjkx tni'ënä'ämëtë ets tääpë ja'ay yajtsum yajmatsëty. Tääts tkë'ëyaktëty ma ja ja'ay ja myëku'uktëjkën mëti'ipë ënäty të y'ookyën ets nëjkx näjyëtu'un y'ooky.

Jueces 9:56

Jëtu'un'äämpy ojts yë Tios tukëpety yë Abimélec ja pyoky, mëët ko ënäty ja tyeety të tmëtëkoy ko tyaj'o'ktaay ja myëkä'äx ja nitëkë'px majkpë.