Génesis 9:3 - Biblia Mixe de Quetzaltepec

³ Jyëkyejpy mijts xytsyu'utstëty xyjyë'kxtëty oymyëti'ipë jëyujkëty ets oymyëti'ipë aay myëti'ipë ujtsëty, mëti'ipë ënäty mtsojkën'ajtëpën. Ëjts nyäjkpyës yam.

Biblia Dc en Mixe de Quetzaltepec

³ Jyëkyejpy mijts xytsyu'utstëty xyjyë'kxtëty oymyëti'ipë jëyujkëty ets oymyëti'ipë aay myëti'ipë ujtsëty, mëti'ipë ënety mtsojkën'ajtëpën. Ëjts nyäjkpyës yam.

Génesis 9:3 ပူးပေါင်းရင်းမြစ်များ

Romanos 14:14

Ëjts njanija'apës ko aak'oy aak wa'ats winë; ets yë'ëkyëjxmës jëtu'un n'ëna'anyës koos ja Jesús nmëpëky. E pën winmääpy ko tää ja jë'kxy pëky mëti'ipë ka'ap y'oyëtyën, jëtu'un ja myäy tyäjy ko ka'ap y'oyëty.

Deuteronomio 12:15

E pën miits mtsu'utsan mjë'kxantëp yë mjëyujk mtsajpkaajëty, jyëkyejpy xyaj'ooktëty oyjyëna'ajëty jam ma mnaax mkajpnëtyën. Jyëkyejpy jëtu'unyë xytsyu'utstëty oy ënäty ja Tios jëyëjp të xykyamo'otë.

1 Corintios 10:31

Jëtu'unës yam n'ëna'any, pën mkaaytyëp m'uktëp, ëkë pën tii mtuuntëp mkajpxtëp, jëtu'un winë tuntë ijxtëm ja Tios yajtukmëjjawëtyën.

Colosenses 2:16

Këtii xymyëjpëjkta'aktëty ko ja'ay mnikajpx mnimëtya'akëtëty pën tii mkaaytyëp mjë'kxtëp, mëti'ipë xëëw m'ëmaay'ajtëp mka'ëmaay'ajtëp, pën yë'ë jempyo'o ëkë po'kxënxëëw.

1 Corintios 10:23

Jëtu'un ja ayuk y'ënä'äny: Najtspëkë ja ja'ay y'ity oy tii tuna'anëty. Tëy jëtu'un, je'eyëp ko ka'ap tjëkyepy oytyiijëty tunëty. Najtspëkë ja ja'ay y'ity ets tuny mëti'ipë tyunäämpyën, je'eyëp ko ka'ap aak'oy wyimpëtsëmy ets yajwinpätëtëty ma myëpëkyën.

Romanos 14:3

Pën jyi'kxyp oytyiijëty, ka'ap tpäxëty mëti'ipë ka'ap oytyiijëty tjë'kxyën; ets pën ka'ap oytyiijëty tjë'kxyën, ka'ap tpäxëty pën jyi'kxyp oytyiijëty, jä'ä ko tëë ja Tios kyupëkyë.

Levitico 22:8

Ka'ap mëpaat tsu'utsy yë jëyujk tsajpkaa yë nyitsu'uty, mëti'ipë jëtu'unyë muum të y'ookyën, ëkë mëti'ipë yë jëyujk të yaj'ookyën. Këtiipë yë'ë mëët nyäyaj'ëxëëkëtëty. Ëjts jëtu'un Wintsën.

Romanos 14:20

Ka'ap mëpaat ja Tios ja tyuunk kyutëkoy ko tii yajjë'kxy yajpëky. Tëy ko aak wa'ats yë kääky uuky. Yë'ë tëy ka'ap y'oyëty ko jä'ä një'kxmëty mëti'ipë ja nmëku'uk'ajtëm ja myëpëjkën tukyajtëkooyëtëpën.

Romanos 14:17

Ka'ap yë'ëkyëjxmëty jam m'itë ma Tios ja kyutujktaknën ko tii xykyäytyë xy'uuktë, jä'äkyëjxm jam m'itë ko xytyuntë xykyajpxtë mëti'ipë paat'ajtëpën, wi'ix xymyëët'attëty ja jotkujk'ajtën ets ja xoontakën mëët ja Kënukxymyëkajtën.

Génesis 9:2

Tu'kë'ëyë jëyujk naaxwiinypë jyuuky'atën nëjkxëp mtsë'ëkëtë. Tu'kë'ëyë jëyujkëty mëti'ipë pojotm kääkjëtijtëpën, naaxkëjxypyë ets nëëjotypë y'itën, jam yajpata'atë ma kyutujkënën.