Génesis 9:22 - Biblia Mixe de Quetzaltepec

²² Ko jëtu'un ja Cam t'ijxy ja Canaán ja tyeety, ko ja Noé niwa'ats ëxwa'ats jap kyo'knë tëjk'itkujky, ënät ojts ja myëkä'äx tukmëmëtyä'äky ja nimäjtskpë.

Biblia Dc en Mixe de Quetzaltepec

²² Ko jëtu'un ja Cam t'ijxy ja Canaán ja tyeety, ko ja Noé niwa'ats ëxwa'ats jap kyo'knë tëjk'itkujky, ënät ojts ja myëkä'äx tukmëmëtyä'äky ja nimäjtskpë.

Génesis 9:22 ပူးပေါင်းရင်းမြစ်များ

Génesis 10:6

Ja y'u'unk y'ëna'k ja Cam jä'ä ojts txëëwatë Cus, Misraim, Fut ets Canaán.

Génesis 9:23

Ënät ja Sem ets ja Jafed t'ijxtë tu'uk ja wit ets nyätyukejkyjyëpijpëtë ets ja tyeety ojts jä'ä tuknipä'äntë. Ënät ojts jatëkok wyimpitë ets wiinktsow nyajts'ixëtë, këtiipë ja tyeety t'ixtëty niwa'ats ëxwa'ats.

Génesis 9:25

ets y'ënäny: Poky y'itëty yë Canaán Tuumpë je'eyë wya'anëty ma ja nimäjtskpë y'äjtyën.

1 Crónicas 1:8

Jä'ä Cam y'u'unk y'ëna'k xyëëwajtë: Cus, Misraim, Fut ets Canaán.

Salmos 40:15

Wä'än tkä'äktë tsëtyu'unmëët mëti'ipës xynyëxik xytyukxiktëpën.

Salmos 70:3

Wä'än tkä'äktë wintsëtyu'un jëjptsëtyu'un mëti'ipës xynyëxik xytyukxiktëpën.

Proverbios 25:9

Mnäkyukajpxëtëp yajxon ko pën tii poky mtuknipëkëtëty, je'eyëp ko këtii xyajnitë'kxëty mëti'ipë ënäty yu'utsy mnija'apën,

Proverbios 30:17

Mëti'ipë ja'ay ja tyeety y'ëxëëk'ijxypyën ets je'eyë ja tyaak tnëxi'iky tukxi'iky ko myëjja'ayënë, tääpë jëtu'unpë ja'ay nitëjkëyëp ets lut tsyu'tspëtsë'ëmxëtëty yë wyiin ets witsn y'awoon y'apotëtëty.

Habacuc 2:15

Janty mon janty tuk mijts myajpaaty, jä'ä ko yë'ë mtuk'a'ukëp yë mëj jëën mëtëjk yë nëë mëti'ipë xëpinyën mëët yë tsooy mëti'ipë yajwinma'anytyëkoopyën ets xynyëxi'ika'any xytyukxi'ika'any ko ënäty niwa'ats ëxwa'ats yajpaaty.

Mateo 18:15

Pën tëë mmëtëkoyë ja mmëku'uk, mëmëtya'ak ets tuk'ënëëmë wi'ix të mmëtëkoyën. Ko tja'akyukëty wi'ix xy'ënëëmën, tëë ënäty jatëkok xymyëku'ukpëky.

1 Corintios 13:6

Ka'ap tukxoontä'äky ko ja ja'ay o'ktëy jyäty kyëpety, yë'ë tyukxoontäkpy ja tëyajtën.

Gálatas 6:1

Miits mëku'uktëjkëty, ko pën xy'ixtëty tëë pokyjotm kyä'äy, miitsëty mëti'ipë näyaj'ijtëtëp mëët ja Kënu'kxymyëkajtën putëkëtë ets kajpxwijtë mëët ja nätsyokë näjyawë ets näkyëwent'atëtë këtiipë mka'atëty näjyëtu'un pokyjotm.