Génesis 9:15 - Biblia Mixe de Quetzaltepec

¹⁵ Ënätës yë'ë ntukja'amyätsëty koos ënäty ëjts ja käjpxytyu'unën të ntuny mëët miitsëty ets mëët ja jëyujkëty ets ka'ap y'ëkjää'ajtnëty ja nëë tuu mëti'ipë yajkutëkoyëpën ja naaxwiinyëtë.

Biblia Dc en Mixe de Quetzaltepec

¹⁵ Ënätës yë'ë ntukja'amyätsëty koos ënety ëjts ja käjpxytyu'unën të ntuny mëët miitsëty ets mëët ja jëyujkëty ets ka'ap y'ëkjää'ajtnëty ja nëë tuu mëti'ipë yajkutëkoyëpën ja naaxwiinyëtë.

Génesis 9:15 ပူးပေါင်းရင်းမြစ်များ

Deuteronomio 7:9

E paaty ja'amyätstë, këtii xyjyä'äytyëkoytyëty ko yë Wintsën mëti'ipë mTiosajtëpën, yë'ë tëy jaanty, mëti'ipë kyuuytyuunpyën ja y'aaw y'ayuk oy kanaak yë xëëw jëmëjt tyimnaxëty, ma ja mëti'ipë tsojkëyëpën ja'awëyëpën ja y'ënä'ämën tyiyajtën.

Ezequiel 16:60

Ëjts tëy wa'atsës nja'amyätsa'any ja käjpxytyu'unën mëti'ipës ntuunën mëët mijts ma m'ëna'k'ajtyën ets ntunäämpyës yë käjpxytyu'unën mëti'ipë xëmë ijtëwaanpën.

Salmos 106:45

ënäty ojts tja'amyetsy ja käjpxytyu'unën mëti'ipë ënäty mëët të tunyën, tää tyajtëkajtsy ja jyot wyinma'any, jä'ä ko yë tsyojkën jya'awën ni'ik myëj kyëjääjëty.

1 Reyes 8:23

ets y'ënäny: Wintsën mëti'ipë yë Israel ja'ayëty y'ëwtajtëpën, kamaa Wintsën jëtu'unpë kyayajpaaty tsajpkëjxm ets naaxkëjxy tä mijtsën, mëët ko mijts mpatuunpy ja m'aaw m'ayuk ets myaj'ijxëp ja m'oyjot m'oywyinma'any ma ja'ayën mëti'ipë ëmuumtu'ukjot mëmëtoowëpën.

Éxodo 28:12

ets jam xykyëxpëjkta'ajëty ma ja kejky yä'äp ja nyitëëyë'ëkën yë'ë ya'atë tsaa jyä'ämyätstëp yë Israel ja'ayëty. Yë Aarón xëmë tmënëjkxëty yë Israel yë xyëëw, ko jam nyäwya'këxë'ëkëtëty ma Tiosën ets jëtu'un jyä'ämyätsëtëty.

Lucas 1:72

ko tpa'ëyowa'any ja n'ap'ajtëmë, ets ko ka'ap tja'atyëkoyä'äny ja käjpxytyu'unën.

Jeremias 14:21

Yajmëjnax mxëëw, këtiis xy'ixtijtë; këtii xy'ëxëëktijy yë mnaax mkajpn ma y'ityën oypyë tsujpë ja m'ënyääytyakn ma myajkutukyën. Ja'amyäts ja käjpxytyu'unën mëti'ipë mtuunën mëët ëëtsëty, këtii xyjyä'äytyëkoyëty.

Nehemías 9:32

Paaty ënät yam myaj'ënëëmë mijts Wintsën, ma myajTeety'äty myajTios'atyën, mëti'ipë mëjën, mëti'ipë maaytyääyëpën winë ets kutsë'ëkë; ma mijts xykyuuytyunyën ja m'aaw m'ayuk ets mtsojkën mja'awën, ja'atyëkoy ja nyëë pyokyëty ëëts ja n'ap n'okëty, ëëts ja nyajkutujkpëty, ja nkopktëjkëty, ja nteetyëjkëty ets ja nwinkajpxpëtëjkëty ets tëkokyë ja naax kajpn mëti'ipë ijty ënä'ämëtëpën Asiria ja'ayëty ets mëti'ipë tyampaatën.

Génesis 8:21

Ko jyä'äjty ja xu'kën janty'oy jam Tios wyintum, ënät y'ënäny yë Wintsën: Nijëna'ajës yë naaxwiinyëtë jëtu'un nka'ëkpojknëty mëët ko ënäty yë naaxwiinyëtë ja'ay pyokymyëët'atë. Jä'ä ko yë naaxwiinyëtë ja'ay mutsknëm jëtu'un tmëtso'ontaakëtë tuuntëko'oy kajpxtëko'oyën. Yë jëyujkëty nän ka'apës nëjkx n'ëkyajkutëkooynyë, ijxtëm tyam të jyäty të kyëpetyën.

Génesis 9:11

Yë nkäjpxytyu'unënës mëti'ipës yam ntuunpyën mëët miitsëty, kajëna'a kyatëkatsëty. Ka'apës n'ëkyajkutëkoyanë yë naaxwiinyëtë ja'ayëty ets jëyujkëty mëët yë komtuu. Ka'ap jëtu'un y'ëkomtuunëty ets naaxwiinyëtë jatëkok nyikoompätëty.

Génesis 9:14

Koos yë poj yoots nyajminëty, yë n'ityës yë'ë jam ënätyë nänyikëxë'ëkëtëp.

Génesis 9:10

ets jëyujkëty mëti'ipë të mpapëtsëmëtën jap kepy nëëwinye'epyëjoty: joon, jëyujkëty mëti'ipë yujyëtyën ets mëti'ipë ëwa'anëtyën ets jëyujkëty jënu'un naaxwiiny naaxkëjxy y'itën.