Génesis 8:21 - Biblia Mixe de Quetzaltepec

²¹ Ko jyä'äjty ja xu'kën janty'oy jam Tios wyintum, ënät y'ënäny yë Wintsën: Nijëna'ajës yë naaxwiinyëtë jëtu'un nka'ëkpojknëty mëët ko ënäty yë naaxwiinyëtë ja'ay pyokymyëët'atë. Jä'ä ko yë naaxwiinyëtë ja'ay mutsknëm jëtu'un tmëtso'ontaakëtë tuuntëko'oy kajpxtëko'oyën. Yë jëyujkëty nän ka'apës nëjkx n'ëkyajkutëkooynyë, ijxtëm tyam të jyäty të kyëpetyën.

Biblia Dc en Mixe de Quetzaltepec

²¹ Ko jyä'äjty ja xu'kën janty'oy jam Dios wyintum, ënät y'ënäny yë Wintsën: Nijëna'ajës yë naaxwiinyëtë jëtu'un nka'ëkpojknëty mëët ko ënety yë naaxwiinyëtë ja'ay pyokymyëët'atë. Jä'ä ko yë naaxwiinyëtë ja'ay mutsknëm jëtu'un tmëtso'ontaakëtë tuuntëko'oy kajpxtëko'oyën. Yë jëyujkëty nän ka'apës nëjkx n'ëkyajkutëkooynyë, ijxtëm tyam të jyäty të kyëpetyën.

Génesis 8:21 ပူးပေါင်းရင်းမြစ်များ

Génesis 3:17

Tä ja ye'etyëjk näjyëtu'un t'ënëmaay: Mijts, ko yë mto'oxytyëjk të xymyëmëtoy ets të xymyëpëjkë ja y'aaw y'ayuk ets xyjyë'kxëty ja aaytyëëm ujtstëëm mëti'ipës ka'ap të n'ëwa'atsyën ets xyjyë'kxtëty. Tyam poky yë naax kam wyë'ëmëty mëët mijts mpokykyëjxm. Mëk mnäyajtunëtëty ets mjë'kxy mpëky pyëtsëmëty kamwinm tu'uwinm mapaat yaa mjuuky'ätyën naaxwiiny.

Génesis 4:12

Oy jënu'un mjatun mjaye'eyëty, ka'ap nitii wyintëwëty ma mkam mtu'ujën. Jëtu'unyë m'anëty mpojëty naaxwiiny ets nijëna'a mkapo'kxëty.

Génesis 5:29

Jä'ä ojts txëëwmo'oy Noé ets y'ënäny: Yë Wintsën të tpoky yë naax. Mëk jëtu'un ntu'unmëty täänëm jam winë pyëtsëmëty kamwinm. E ya'atë u'unk maay të jyä'tyën, yë'ë nëjkx yë po'kxën xytyuk'ijxëmë.

Génesis 6:13

Ënät yë Tios t'ënëmaay ja Noé: Tyam tëëjës ntuknipëjktaakë koos yë naaxwiinyëtë ja'ay tu'kë'ëyë nyajkutëkooytya'aja'any. Jä'ä ko yë'ëjëty mëj këjää të pyokytyuntë. Paatykyëjxm ëxëëk yë ja'ayëty nyätyuun nyay'ënëmaayënëtë. Nyajkutëkooytya'ajäämpyës tu'kë'ëyë winë mapaat yë naaxwiinyëtë y'ëwtityën.

Génesis 6:17

Nkäxäämpyës yë mëjkomtuu mëti'ipë nyikoonpatëpën yë naaxwiinyëtë ets tëkokyë winë kyutëkooytya'ajëty, mëti'ipë juukyajtënmëëtën yaa naaxwiiny. Tu'kë'ëyë jënu'un naaxkëjxy winë yajpaatyën o'kta'atëp.

Génesis 6:5

Ko jëtu'un ja Tios t'ijxy ko ja naaxwiinyëtë ja'ay tyëkooynyë ets je'eyë xëmë tmëmaay tmëët'ajnë wi'ix pyokytyunëtyën.

Génesis 6:7

ojts y'ënä'äny: Nyajkutëkoyëpës ënät yë ja'ay naaxwiinypë mëti'ipës të nyajkojyën ets näjyëtu'un yë jëyujkëty mëti'ipë jëën ëkë'ëy tëjk ëkë'ëy ijtëpën tsënaaytyëpën; näjyëtu'un yë mëti'ipë myox tyukye'eytyëpën ets joon jëyujk mëti'ipë kääkjëtijtëpën. Mëkës tyam njawë koos ojts kë'ëm nyajkojy.

Job 14:4

Ni pën tkayajpëtsëmëty yë wa'atspë ma mëti'ipë ëxëëkën.

Salmos 51:5

Tyamës yajxon nikäjpxy koos ëxëëkës nja'ay'äty, jëtu'unës ntimmyiiny ntimyjyä'äjty naaxwiiny naaxkëjxy pokyjyä'äy, koos ënäty njap'atynyëm ntaakës jyootjoty.

Salmos 58:3

Yë ëxëëkja'aytyëjk jëtu'un tmëmëxu'unk'atëtë ëxëëk jot ëxëëk winma'any, yë antakpëtëjk ka'anëm myintë naaxwiiny ko yajpaatë jëkäm mëët ja tëyajtën.

Salmos 58:4

Jëtu'un jyä'äy'atë tä tsa'anyën mëti'ipë ëwa'anën, jëtu'un tä xoxën mëti'ipë nat näpyëjktakëpën ujts mëët yë xyëwät, yajxon yë tyatsk t'apääntujkta'ay,

Éxodo 29:18

Tääts ënät ya'atë kupixyny y'ooky xynyino'okëty ma wintsë'këntyaknën, mëti'ipë yë Wintsën mtukmëjjawëpën, yë'ë ya'atë wintsë'kën nino'oky nixämpyë oypyë xyuuky jyokyën.

Éxodo 29:25

Tä ënät ok tu'ukyë xynyino'okëty jam ma wintsë'këntyaknën, mëët ja jëyujk'ooky mëti'ipë yajno'kpën, mëti'ipë ja Tios jä'ä të yajtuknipëjktaakën, jëtu'un tä tu'uk yë wintsë'kënën mëti'ipë oy xu'kp jojkpën. Ya'atë jä'ä yajyäky tä tu'uk yë ayajk ako'onën mëti'ipë nino'oky yë Tios yajtukwintsë'këpën.

Proverbios 20:9

Ni pën tkajëkyepy y'ëna'anëty: Ëjts wa'atsës yë njot nwinma'any ets ka'apës yë nëë poky nmëëtëty.

Eclesiastés 7:20

Je'eyëp ko ka'ap maa naaxwiiny naaxkëjxy ja'ay janty wa'atspë tyimjuuky'ätyën ets aak'oy winë timy tyuunta'ay ets nijëna'a kyapokytyuny.

Isaías 47:12

Tuun'ëtë'ëts ja mpano'k mpanajxën ets ma mkäjpxypyokyën mëti'ipë mpatso'ontakën ko m'ëna'k'ajty, ets kë'ëm xy'ixëty pën mtu'unxëyëp ets pën mtsë'këyëp yë ja'ay.

Isaías 47:15

Jëtu'un të kyëxtë ja mpatooy mpanajxpëty, mëti'ipë janty'oy të xyjyawën ko të mjuuky'äty. Nitu'ukjaty aak këëk tu'u të tpëjknëtë, ets ni pën të kyawë'ëmy mëti'ipë jeexyë myajtsokëpën.

Isaías 48:8

Mijts ka'ap ënäty ni ma jëtu'unpë xymyëtoynyëm ets ka'ap ënäty xynyijawë, jä'ä ko mijts nat xëmë të mnäypyëjktä'äkyë. Ëjts wa'atsës të nijawë ko mijts ka'ap oy të mjuuky'äty, Nija'apës ko je'eyë të mkäjpxykyumëtoownaxy, jä'ä xëmë të myajtijy ko ka'ap mja'akyukë.

Isaías 53:6

Ëëtsajtëm jëtu'unyë ojts axit ako'owë njajta'ayëmë tä kupixynyën, xim yam ja në'ë tu'u ojts npëjkëmë; e yë Wintsën yë'ë ojts tkexy ja tyuunpë ets jam tkëxpëjktaay ma yë'ëjën ja npoky'ajtëmë.

Isaías 65:6

E tyaapë tyunyë jyätyën aak këxja'ay myiny maas ëjtsën, ëjts ka'apës jëtu'unyë nyajninaxa'any ëkë je'eyë nnäkyë'ëmëkitanënës. Ëjts ëxëëkës yam ntuna'any tääpë ja'ayëty,

Jeremias 17:9

Nitii jëtu'un kyawin'ëëny ets nitii jëtu'un kyayajtsojkën'aty tä yë jot winma'anyën. ¿Pën y'ëkja'akyukëp wi'ix ko jyëtu'unëty?

Jeremias 18:12

Yë'ëjëty jëtu'un m'ëtsowa'anëtë: Këtii nëkoo mxëëw mpo'o xyajtëkoy, ëëtsëty oyës jëtu'un njuuky'atë, yë'ëjës ntsojkën'ajtëp ëxëëk juukyajtën, oyës näjyawëtë koos jëtu'un winë ntuntë tääjës kë'ëm nmaytyën ntajtën.

Jeremias 8:6

Yajxonës yë ntatsk xii yaa njatuk'akëyë, nimaajës të nkamëtoy pën jyotwinpity ets nimaajës nkamëtoy pën y'ënä'äny: ¿Tiijës të ntuny? Aak pe'tym je'eyë ye'eytyë tä yë kwaay pëyi'ikyë nyäxy tyëkën tsipjoty.

Ezequiel 20:41

Ko ënäty nwoowmujkta'atës ets nyatso'onta'atës maajaty tyam yajpaatën wiink kë'ëy wiink kajpn, nëjkxëpës nyajnikëxë'ëkëty wi'ixës mëtëy tii ntunyën ma miitsëtyën ets ma wiinkëtypë naax kajpnën, ënät nkupëkëtyës ja mwintsë'kënëty oypyë xyuuky jyokyën.

Levitico 1:13

Ja teety mëti'ipë yäjkpyën ja wintsë'kën, jëyëjp tpujëty ja jëyujk tiinty ets ja jëyujk puuy ets tnino'okëty jam ma ja wintsë'këntyaknën mëti'ipë ja Tios tyukwintsë'ëkëpën, tä tu'uk yë ayajk ako'onën mëti'ipë oy xu'kp jojkpën.

Levitico 1:17

Tääts tsujkwa'kxëty këëkujkm ja muuxy ëkë ja kuuk, jäätsow tmatsëty ma kyäknën. Ka'ap timyajjënakëty ja kyäkn, tä tnino'okëty ma wintsë'këntyaknënën, jam ma ja ja'axy tyoyën ets jëtu'un ja Tios yajtukwintsë'ëkëty, tä tu'uk yë wintsë'kënën oypyë xyuuky jyokyën.

Levitico 1:9

Pën ja jëyujk'ooky ënäty nino'oky yäjkpyën, yajxon tpujëty ja tyiinty ets ja y'ixpajk. Ja teety yë'ë nëjkx tnino'kta'ay ma ja wintsë'këntyaknën ets ja Tios yajtukwintsë'ëkëty tä tu'uk yë wintsë'kën oypyë xyuukyën.

Levitico 26:31

Nëjkxëpës njijta'ay ja mnaax mkajpnëty ets ka'apës nëjkx oy nxuuk'aty ja npa'akxu'k npa'akjojkënëty ets ja on mëti'ipë oy jaxu'kp jajojkpën.

Levitico 4:31

Näyjyëtu'un nëjkx yë y'on yajnëtsujkta'ay, tä ja mëti'ipë wintsë'kën'ajtpën ko ja nay'ëëw'oy näykyajpx'oyë y'ity. Jam tnino'okëty ma ja wintsë'këntyaknën mëti'ipë ja Tios yajtukwino'kp yajtukwinxaanpën ets oy xyuuky jyoky. Jëtu'un'äämpy ja teety ja pokymyä'kxën tpaatëty mëti'ipë tääpë ja ja'ay jyä'ä'atëpën.

Levitico 8:28

Ënät ja Moisés ojts jatëkok t'ëxajë tëkokyë ya'atë ets ojts tnino'oky jam ma ja wintsë'këntyaknën, winkon ma ënäty jam ja jëyujk yajnino'okanyën ets yë'ë yajmo'oy yë Tios, tä tu'uk yë ayajk ako'onën mëti'ipë oy xu'kp jojkpën ma ja näkyënu'kxë y'ityën mëti'ipë yajtukwino'kp yajtukwinxaanpën.

Números 15:3

Koos xymyo'oja'antëty tu'uk yë tsajpkaa ëkë tsajppax etsës xytyukwintsë'ëkëja'antëty nino'oky ets oy xyuukëty jyokëty nwintuuyës. Mëët ko ënäty ja wyaantakën tyaj'ëtuka'antë, ëkë ko jëtu'un ja tsyojkën tpëjkta'aktë.

Mateo 15:19

Jä'ä ko jootjoty tsyoony ja ëxëëk winma'any, ënät ja ja'ay yaja'ay ooktë, tyajma'atë ja pëjkën ukën, nyämyëëttsëënëtë nixim niyam, myäätstë, y'anta'aktë ets nixim niyam nyäwyinkajpx nyäjyëjpkajpxëtë.

Juan 3:6

Ja ja'ay jëtu'un myëxu'unk'atë ijxtëm yaa naaxwiinyëtën, ni'kx kopkën je'eyë; pën jatëkok mëxu'unjk'ajtp mëët ja Tios ja Myëjaaw myëk'ajtën, ka'ap ja kyëxë'ëky.

Romanos 1:21

Oy ja Tios të tja'ixtë, ka'ap të tmëjjaw të tjaantyjyawëtë ijxtëm ja Tios mëpaat yajmëjpëjktä'äkyën, ni të tkamo'otë ja kukajpxën. Ni'ikyë jëëmpit winë të tuntë, aakjä'ä të tmëmay të tmëtajtë ka'apë tyuunëtyën, jëtu'un ja tsyuuwinma'any të yajwë'ëmëtë ijxtëm ja ja'ay kupi'its kukoots y'ityën.

Romanos 3:23

ni'ëmukë ja'ay të pyokytyunta'atë paaty tmëjëkäm'atë ja Tios ja myëj'ajt y'oyajtën.

2 Corintios 2:15

Jä'ä ko jëtu'un ja Tios xyajnajxëmë ma ja Kristën ijxtëm ja pa'akxu'kpë nëëjën ma ja mëti'ipë mëpëjktëpën ets mëti'ipë ka'ap myëpëktën.

Efesios 5:2

Nätsyokëtë nixim niyam ijxtëm ja Kristë të xytsyojkëmën ets të nyäkyë'ëyäkyë ma të wyintsë'kën'atëtyën ëëts'ajtëmkyëjxm, jëtu'un tä ja wintsë'kënën mëti'ipë oy xu'kp jojkpën Tios wintum.

Filipenses 4:18

Tëës may winë n'ëxajë ets njaaktimmyëët'ajtypës ja natëkë, jä'ä ko nmëët'ajtypyës mëti'ipë ja Epafrodito ojts xytyukmëkäxëtën. Jëtu'un ya'atë putëjkën ijxtëm ja pa'akxu'kpën mëti'ipë yajyojxpën ets yajtukwintsë'këpën ja Tios ets tukjotkëta'akëty.

1 Juan 5:19

Nnija'awëm ko ëëtsajtëm Tios xyjyä'ä''ajtëm, tu'kë'ëyë ja naaxwiinyëtë atsojkën ku'oypyë jä'ä'ajtëp.

1 Samuel 26:19

Mëyajtënës yam npëjktsoopy yë mëj'ënä'ämpë ets tmëtowëty mëti'ipës yam nkajpxäämpyën. Pën yë'ë jëtu'un yë Wintsën të tyajkutuky etsës yë mëj'ënä'ämpë xy'ixjëtit xypyajëtitëty, yë'ë y'ëxajëp ko ënäty ja wyintsë'kën myo'oyë. E pën kë'ëmts jëtu'un twinma'any'äty, yë Wintsën pokëtëp yë'ë. Jä'ä ko tëëjës nyaj'ëxwojp nyaj'ixkäjxnë ma ya'atë it naaxwiinyëtën mëti'ipë yë Wintsën jyä'ä'ajtypyën etsës jam të xynyaswopëtë ma ka'ap tsyipëtyën etsës ja wiink tios n'ëwtajnëty.