Génesis 8:10 - Biblia Mixe de Quetzaltepec

¹⁰ Wëxtujk xëëw ojts yë Noé y'ëwxity ets ojts jatëkok tnajtsmatsë ja pak.

Biblia Dc en Mixe de Quetzaltepec

¹⁰ Wëxtujk xëëw ojts yë Noé y'ëwxity ets ojts jatëkok tnajtsmatsë ja pak.

Génesis 8:10 ပူးပေါင်းရင်းမြစ်များ

Génesis 7:10

Kom wëxtujk xëëw ojts myiinë yë komtuu. Ets tyajtsa'amëtyääy ja naaxwiinyëtë.

Génesis 7:4

Jä'ä ko ja wëxtujk xëëwës yë nyajmina'any. Etsës nyajtu'uja'any wëxtyikxy xyëëw wëxtyikxy tsyu'um. Nyajkutëkooytya'ajäämpyës tu'kë'ëyë winë jënu'un jyuuky'atën naaxwiiny. Jënu'unës të nyajkojy të npëjktä'äkyën.

Génesis 8:11

Kujk ënäty ëka'any jyajmoonë, ko ja pak jatëkok wyimpijty. Tam t'atsëm'aty tu'kxe'enty yë ujts'aay ma y'axokxën. Jëtu'un'äämpy ojts ja Noé ëka'any t'ixy ko ja naaxwiinyëtë kujk ëka'any nyitëtstu'uty.

Génesis 8:12

Ënät ojts nän ja wëxtujk xëëw jatëkok jyaakëwxity. Tää ja pak tnajtsmajtsëy. E ko ja pak tnajtsmajtsëy tu'ukyë ojts nyëjkxnë, ka'ap ojts y'ëkwinpijnë.

Génesis 8:9

Wäänë y'ijty tä ja pak jatëkok wyimpijty ma ja kepy nëëwinye'epyën. Jä'ä ko ka'ap ënäty të tpaaty ma ja pyo'kxtakn. Ja naaxwiinyëtë ka'anëm ënäty oy nyitëtstu'utynyëm. Ënät ja Noé xyajpëtsëëmy ets tyajtëjkëy ja pak maa ja kepytyëjkën nëëwinye'epyë jatëkok.

Salmos 40:1

Tu'ukyë jam yë njot nwinma'anyës npëjktä'äky ma Wintsënën, ets yë'ë tëë tmëtoy koos nyä'äxy njoky;

Isaías 26:8

Ëëtsëty akujk jotkujkës näjyawëtë koos yë'ë npanëjkxtë ja në'ë tu'u mëti'ipë ja ënä'ämën tëyajtën nyi'ënä'ämëpën. Yë njot nwinma'anyëtyës jam xëmë myäy tyäjy ma mijtsën.

Isaías 8:17

Oy yë Wintsën jyanäyu'utsyë ma Jacob y'u'unk y'okën, ëjts je'eyëmës yë'ë ntuk'ijxpety. Jä'ä ko ma yë'ëjën jamës yë njotkujk'ajtën npaaty.

Romanos 8:25

E mëti'ipë njëjp'ijxëmën ets ka'ap tii n'ijxëmë mëët ja nwiin'ajtëmë, ëyo'owmëp ko jeky n'ëwxijtëmë.