Génesis 7:9 - Biblia Mixe de Quetzaltepec

⁹ Yë Noé nimäjtskjaty yë jëyujk tyajtëjkëy jap ma kepy nëëwinye'epyën, yä'äypyë, to'oxypyë. Ijxtëm ënäty ja Tios të tyuk'ëne'emyën.

Biblia Dc en Mixe de Quetzaltepec

⁹ Yë Noé nimäjtskjaty yë jëyujk tyajtëjkëy jap ma kepy nëëwinye'epyën, yä'äypyë, to'oxypyë. Ijxtëm ënety ja Dios të tyuk'ëne'emyën.

Génesis 7:9 ပူးပေါင်းရင်းမြစ်များ

Génesis 2:19

Ënät yë Wintsën ojts tyajkojy naaxwiiny tëkokyë yë jëyujk ijx ka'ijxënpë ets joon jëyujk, mëti'ipë kääkjëtijtëpën ets ojts tukninëjkxy ja ye'etyëjk ets txëëwmooytya'ajëty. Ënät ja ye'etyëjk txëëwmooytyääy tu'kë'ëyë ja jëyujk mëti'ipë yujyëtyën, ja joonëty ets tëkokyë jëyujk mëti'ipë ëwa'anëtyën. Wi'ix ojts ja Adán txëëwmo'oyën ja jëyujk jëtu'un ojts tmëwë'ëmtë ja xyëëwëty. E oy ënäty jëtu'un ja Tios të tjayajkojy ja may jëyujk. Yë Adán ka'ap nitiiputëjkën tpaty ma yë'ëjëtyën.

Génesis 6:22

Ënät yë Noé ojts jëtu'un tkuuytyuunta'ay ijxtëm ënäty yë Tios të y'ënë'ëmxëtyën.

Génesis 7:10

Kom wëxtujk xëëw ojts myiinë yë komtuu. Ets tyajtsa'amëtyääy ja naaxwiinyëtë.

Génesis 7:15

Tëkokyë yë jëyujkëty nimäjtskjaty ojts tyëkëtë jap ma kepy nëëwinye'epyën mëët yë Noé.

Génesis 7:16

Tu'ukjaty yë to'oxypyë ets tu'ukjaty yë yä'äypyë tyëjkëtyë jap ma ja kepy nëëwinye'epyën. Jënu'un ënäty kanaaknax yajpaatën yaa naaxwiiny, jëtu'un ijxtëm ënäty ja Tios të tuk'ëne'emyën ja Noé. Ënät ja Tios ja kepy nëëwinye'epyë ojts nän kë'ëm tyaj'ëtujknë.

Génesis 7:8

Näyjyëtu'un ojts tyëkëtë jëyujk wa'atsëtypë ets ka'apë wya'atsëtyën jap ma ja kepy nëëwinye'epyën, mëti'ipë kääkëtijtëpën ets mëti'ipë naaxwin'a'tstëpën.

Isaías 65:25

Ja pa'uk ets ja kupixyny tu'ukyë nëjkx y'oktë wyëtstë, yë kaa ets tsajpkaa tu'kmukyë jyë'kxa'antë, ets tsa'any naax jyë'kxäämpy. Maas yë wa'atspë nkopkën ka'ap nëjkx pën jyiiky myëku'uk tmëtëkoy.

Jeremias 8:7

Yë'ëpaat yë wojny wa'ats nijawë jëna'a kyääkjëtitëtyën. Yë kuuk, yë yo'ktuk joon ets pix nyija'awëtyëp jëna'a muum nyëjkxtëtyën. E mijts naax kajpn mëti'ipës nnaax'ajtyp nkajpn'ajtypyën, ka'ap xynyijawëtë ja n'ënä'äm ntëyajtënës.

Gálatas 3:28

Ka'ap ma y'ëktuunnë pën jutiis kajutiis, mëtuunpë ëkë kamëtuunpë, ye'etyëjk ëkë to'oxytyëjk, jä'ä ko tu'ukyë miitsëty ijxtëm ja ja'ay tu'ukpën, jä'äkyëjxm ko tu'ukyë mëët ja Kristë Jesús m'itë.

Colosenses 3:11

Ka'ap yë'ë kyopkpëkyëty pën griegë ja'ay ets jutiis ja'ay, pën tsuky ets pën katsukyën, wä'än tpën ja'ayëty tiija'ayëty, wä'än yë'ëjëty mëti'ipë ka'ap kyajpxwijyëtyën, ëkë mëtuunpë nitookpyë ëkë wä'än t'ëwaatsëtumpëty. Yë'ë kopkpëky ko ja'ay y'ity mëët ja Kristë mëti'ipë tu'kë'ëyë winë myëët'ajtääpyën.