Génesis 7:23 - Biblia Mixe de Quetzaltepec

²³ Yi'iyë Noé ets mëët tu'kë'ëyë ja ja'ayëty jënu'un ënäty jap mëët yajpaatën ojts wyë'ëmtë juuky. E ja nimaypyë kutëkooytyääytyë jä'äjëty. Kutëkooytyääytyë ja naaxwiinyëtë ja'ayëty, ja jëyujkëty yujyëtypë ets mëti'ipë myox tyukye'epyën.

Biblia Dc en Mixe de Quetzaltepec

²³ Yi'iyë Noé ets mëët tu'kë'ëyë ja ja'ayëty jënu'un ënety jap mëët yajpaatën ojts wyë'ëmtë juuky. E ja nimaypyë kutëkooytyääytyë jä'äjëty. Kutëkooytyääytyë ja naaxwiinyëtë ja'ayëty, ja jëyujkëty yujyëtypë ets mëti'ipë myox tyukye'epyën.

Génesis 7:23 ပူးပေါင်းရင်းမြစ်များ

Génesis 6:17

Nkäxäämpyës yë mëjkomtuu mëti'ipë nyikoonpatëpën yë naaxwiinyëtë ets tëkokyë winë kyutëkooytya'ajëty, mëti'ipë juukyajtënmëëtën yaa naaxwiiny. Tu'kë'ëyë jënu'un naaxkëjxy winë yajpaatyën o'kta'atëp.

Génesis 8:18

Ënät ja Noé mëët ja tyo'oxytyëjk ets ja y'u'unk y'ëna'këty ets ja tsyu'utëjk ojts pyëtsëëmta'atë jap ma ja kepy nëëwinye'epyën.

Job 5:19

Yë'ë, xëmë myajtso'oka'anyë, janaam jatsojk, ka'ap wi'ix mjata'any.

Salmos 91:1

Pën juukyajtpën ma Tios ja kyë'ëpa'tkën, ma nyikë'ëy nyixajyën ja Ni'ik Këjxmëpë ets mëti'ipë maaytyääyëpën winë,

Salmos 91:7

nimay o'kpë kya'aja'any m'anajnytsyow ets näjyëtu'un m'a'oytyow, e mijts nitii mkajat mkakëpätëtëty.

Proverbios 11:4

Yë wit meeny nijënu'un kyatuna'any ko ënäty ja poky yajnipaye'ey, je'eyëp ko jyää'aty ja nipaye'eyën, mayjyä'äy tpaatë nitsokën.

Mateo 25:46

Ja ëxëëk ja'ay ëts jap yë nyëjkxa'antë ëyoowtaknjoty, e ja wa'ats ja'ayëty jap ja nyëjkxa'antë ma juukyajtën yajpaatyën xëmëkyëjxmëpë.

Hebreos 11:7

Noé ojts myëpëky, paaty ojts ja kepy nëëwinye'epyë tyajkojy ko ja Tios y'ënëmaayë ko ja ëyo'on y'ita'any ets jëtu'un ja y'u'unk y'ëna'k, y'u'unk tyo'oxytyëjk tyajtsoky. Ya'atë jëtu'unpë mëpëjkën yë'ë ojts ja Noé tuk'ixy ja naax kajpn paaty ojts yajtukumay ja tëyajtën mëti'ipë yajpatpën mëët ja mëpëjkën.

1 Pedro 3:20

Yë'ë ojts ka'ap kyäjpxyjyä'äykyujktëtën ko ja Noé ojts tjanikäjpxy ko ja Tios yë'ë tsyojkpy ets jyotwinpitëty, tyam ënäty ja Noé t'oytyuny ja mëj kepy nëëwinye'epyë, ma ojts je'eyë nituktujk tsyo'oktën, mëti'ipë ka'ap wi'ix jyajtën mëët ja komtuu.

2 Pedro 2:5

Ets nän ka'ap ja Tios ojts tnime'kxy ja ja'ayëty mëti'ipë tëëyëp juukyajtën, kyäjx ja komtuu ma ja ja'ayën mëti'ipë ojts kyawintsë'ëkëtyën, yi'iyë ojts tsyo'oktë ja Noé, mëti'ipë kyajpxwa'kxën ja tëyajtën, mëët ja niwëxtujkpë ja ja'ay.

2 Pedro 2:9

Yë Tios nyija'ap wi'ix tyajpëtsëmëtyën ëyo'ontum mëti'ipë yë'ë ets nän nyija'ap wi'ix ja ëxëëkja'aytyëjk tuk'ëwxityën ja ëyo'on jotmay.

2 Pedro 3:6

Näy mëët ja komtuu ojts kyutëkoy ja naaxwiinyëtë.