Génesis 7:13 - Biblia Mixe de Quetzaltepec

¹³ Jä'ä xëëw ojts yë Noé tyëjkënë kepy nëëwinye'epyëjoty mëët yë y'u'unk y'ëna'k mëti'ipë xyëëwajtëpën Sem, Cam ets Jafed ets yë'ëjëty mëët yë tyo'oxytyëjk ets ja tsyu'utëjkëty.

Biblia Dc en Mixe de Quetzaltepec

¹³ Jä'ä xëëw ojts yë Noé tyëjkënë kepy nëëwinye'epyëjoty mëët yë y'u'unk y'ëna'k mëti'ipë xyëëwajtëpën Sem, Cam ets Jafed ets yë'ëjëty mëët yë tyo'oxytyëjk ets ja tsyu'utëjkëty.

Génesis 7:13 ပူးပေါင်းရင်းမြစ်များ

Génesis 7:1

Ënät yë Tios jatëkok t'ënëmaay yë Noé: Jënu'un tyam yë naaxwiinyëtë ja'ay jyuuky'atën, mijtsyë jëtu'un atu'uk mjuuky'ajtp ijxtëmës ntsokyën. Paaty ënät tyam tëkë jap ma kepy nëëwinye'epyën mëët tu'kë'ëyë m'u'unk mto'oxytyëjk.

Génesis 6:18

E mëët mijts ntunäämpyës tu'uk yë käjpxytyu'unën. Mijts jap nëjkx mtëkë ma kepytyëjkën nëëwinye'epyë ets m'u'unk m'ëna'k ets mto'oxytyëjk ets mtsu'utëjk.

2 Pedro 2:5

Ets nän ka'ap ja Tios ojts tnime'kxy ja ja'ayëty mëti'ipë tëëyëp juukyajtën, kyäjx ja komtuu ma ja ja'ayën mëti'ipë ojts kyawintsë'ëkëtyën, yi'iyë ojts tsyo'oktë ja Noé, mëti'ipë kyajpxwa'kxën ja tëyajtën, mëët ja niwëxtujkpë ja ja'ay.

1 Pedro 3:20

Yë'ë ojts ka'ap kyäjpxyjyä'äykyujktëtën ko ja Noé ojts tjanikäjpxy ko ja Tios yë'ë tsyojkpy ets jyotwinpitëty, tyam ënäty ja Noé t'oytyuny ja mëj kepy nëëwinye'epyë, ma ojts je'eyë nituktujk tsyo'oktën, mëti'ipë ka'ap wi'ix jyajtën mëët ja komtuu.

Hebreos 11:7

Noé ojts myëpëky, paaty ojts ja kepy nëëwinye'epyë tyajkojy ko ja Tios y'ënëmaayë ko ja ëyo'on y'ita'any ets jëtu'un ja y'u'unk y'ëna'k, y'u'unk tyo'oxytyëjk tyajtsoky. Ya'atë jëtu'unpë mëpëjkën yë'ë ojts ja Noé tuk'ixy ja naax kajpn paaty ojts yajtukumay ja tëyajtën mëti'ipë yajpatpën mëët ja mëpëjkën.

Génesis 10:21

Sem, yë y'äjty yë Jafed nän tam ijty yë y'u'unk. Tu'kë'ëyë y'u'unkëty yë Éber yë'ë y'u'unk y'ok yë Sem.

Génesis 10:6

Ja y'u'unk y'ëna'k ja Cam jä'ä ojts txëëwatë Cus, Misraim, Fut ets Canaán.

Génesis 6:10

Noé nitëkëëk ijty yë myaank, jä'ä xyëëwajtëp Sem, Cam ets Jafed.

Génesis 5:32

Noé jä'ä ënäty yë jyëmëjnë mëkoxk mëko'px, ko ojts yë y'u'unkëty myëxu'unk'atë, mëti'ipë xyëëwajtëpën Sem, Cam ets Jafed.

Génesis 7:14

Ojts näjyëtu'un tyëkëtë jap ma ja kepy nëëwinye'epyën yë jëyujkëty ëwa'anëtypë ets yujyëtypë mëti'ipë ja'ay yajtsënääpyën ma jyëën ma tyëjkën. Näyjyëtu'un yë joonëty jëyujkëty ets tsa'anyëty.

Génesis 8:14

Ko ja mëmäjtskpë ja po'o y'i'px wëxtujk'aany, ja naaxwiinyëtë tëë ënäty yajxon nyitëtstutaaynyë.

Jueces 21:22

E pën miintëpts ja tyeety ëkë ja jyiiky myëku'uk ets jyoot'anpëktëty, je'eyë ëëts n'ënëëmëtëty: Tuntë mëyajtën, nmënu'kxtaktëp yam ets xypyokymyä'kxtëty, ëëts to'oxytyëjkëtën maa nkapatëtëpës mëti'ipë yë'ë pyëktëpën y'uuktëpën, mëët yë'ëkyëjxm ko ja tsip ëëts të nmëët'atë mëët yë Jabés ja'ayëty. E näjyëtu'un miitsëty, ka'ap kë'ëm të xykyë'ëyaktë ja mnëëxëty paaty ka'ap yowë maa myajmëtëkoytyë.