Génesis 6:6 - Biblia Mixe de Quetzaltepec

⁶ Mëk ja Wintsën tja'awëy jä'ä ko kë'ëm ënäty të t'ëkyajkojy ja ja'ay. Mëët ja mëkjotmay,

Biblia Dc en Mixe de Quetzaltepec

⁶ Mëk ja Wintsën tja'awëy jä'ä ko kë'ëm ënety të t'ëkyajkojy ja ja'ay. Mëët ja mëkjotmay,

Génesis 6:6 ပူးပေါင်းရင်းမြစ်များ

Génesis 6:7

ojts y'ënä'äny: Nyajkutëkoyëpës ënät yë ja'ay naaxwiinypë mëti'ipës të nyajkojyën ets näjyëtu'un yë jëyujkëty mëti'ipë jëën ëkë'ëy tëjk ëkë'ëy ijtëpën tsënaaytyëpën; näjyëtu'un yë mëti'ipë myox tyukye'eytyëpën ets joon jëyujk mëti'ipë kääkjëtijtëpën. Mëkës tyam njawë koos ojts kë'ëm nyajkojy.

2 Samuel 24:16

E tam ënäty ja Wintsën ja kyukäjpxy tyimja'tanë Jerusalén mëti'ipë yaja'ay o'kpën ets ja naax kajpn tyajkutëkoyä'äny, ko ojts ja Wintsën tnijootwinpity ja naax kajpn ets t'ënëmaay ja kyukäjpxy: Wä'än jääyë jëtu'un, këtii tii xy'ëktuunë. E ja Wintsën ja kyukäjpxy jam ënäty mëtëy yajpaaty ma tu'uk ja ja'ay ja kyamjotmën, mëti'ipë xyëëwajtypyën Arauná, Jebús ja'ay, tsajpmok ënäty jam yajpajk'ajtyp.

1 Crónicas 21:15

Ja Wintsën ojts tuknikexy ja kyukäjpxy ets nëjkx tyajkutëkoy ja Jerusalén kajpn. E ko ënäty jam jëtu'un ja Wintsën ja kyukäjpxy may yaja'ay'o'knë, mëk ja Wintsën ojts tjaja'awënë, ënät t'ënëmaay jatëkok ja kyukäjpxy: Wä'än yi'iyë, këtii m'ëk tuuntëkooynyëty. Ja Wintsën ja kyukäjpxy jam ënäty yajpaaty ma tu'uk ja'ay nyaaxjotmën mëti'ipë txëëwajtpën Ornán, Jebús ja'ay, tsajpmok ënäty jam yajmujkpy.

Salmos 106:45

ënäty ojts tja'amyetsy ja käjpxytyu'unën mëti'ipë ënäty mëët të tunyën, tää tyajtëkajtsy ja jyot wyinma'any, jä'ä ko yë tsyojkën jya'awën ni'ik myëj kyëjääjëty.

Salmos 110:4

Yë Wintsën tëë tu'uk yë käjpxytyu'unën tuny ets ka'ap jëtu'unyë tyajninaxa'any: Mijts xëmë mteety'ata'any jëtu'un tä y'ijtyën yë Melquisedec.

Salmos 119:158

Nkatimy'ixäämpyës yë ja'ay mëti'ipë jyiiky myëku'uk kyë'ëyajktëpën, mëti'ipë ka'ap tpatuntën ja m'ënä'ämën mtëyajtën.

Salmos 78:40

Kanaak ok ojts tkäjpxykyumëtoownaxtë yë Tios yë y'ënä'ämën ets ojts mëj këjää tyajmon tyajtuktë jam të'ëts'itjotm.

Salmos 81:13

Koos jeexyë yë nnaax nkajpn të xymyëmëtoy ets ko jeexyë Israel kajpn të tpanëjkxy yë nnë'ë ntu'ujës,

Salmos 95:10

Wëxtyikxy jëmëjt ojts tääpë kajpn ntukjoot'anpëkyës, etsës n'ënany: Tyaapë ja'ayëty xit ko'ow të jyajta'atë, jä'ä ko ka'ap të tuntë ijxtëm të njatuk'ënä'ämtënës.

Éxodo 32:14

Yë Tios, ojts jëtu'unpë ja winma'any tjantyajjëwä'äky ma yë'ëjën, ko jya'ënany ja nyaax kyajpn tyajkutëkoyä'äny.

Isaías 48:18

Tëë jeexyë xyjyä'äkyukë mëti'ipë të ntuk'ëne'emyën. Tam jeexyë wyimpäjt'ëtë'ëtsy ja mjuukyajtën, ets ni'ikyë jeexyë jotkujk myajpatnë,

Isaías 63:10

E yë'ëjëty ojts yë Wintsën tkäjpxykyumëtoownaxtë ets tukxik tuk'ëwë'ktë yë wya'atsajtën, paatykyëjxm ojts myëtsiptsoonëtë ets y'ënëmaayëtë ko nikë oy tsip tyimtunëtëty.

Jeremias 18:7

Koos ntuknipëjktaakëty nwijxë'ëkëpës yë ujts, njitëpës yë potsy ets nyajkutëkoyëpës yë kajpn.

Jeremias 26:19

¿E ojts yë Ezequías yajkutujkpë ets naax kajpn tyaj'ooktë ja Miqueas? Ka'ap, ni'ikyënëm ojts yë yajkutujkpë tsë'ëkë ja Wintsën ets ni'ikyënëm ojts y'ënä'äny ko wä'än yë Tios tpokymye'kxy ja naax kajpn. Ënät ja Wintsën ka'ap tkejxy ja ëyo'on jotmay mëti'ipë ënäty të tjatuknipëjktaakën tkäxa'any. ¿Ets ënät ëëtsajtëm ja nëë poky mëjpë këjääpë nnätyukpatëmëtyë ko tu'uk ja ja'ay nyaj'o'kmëty ka'apë tii poky tmëëtëtyë?

Ezequiel 33:11

E ëjts Wintsën, njuukyajtënës yam ntukkajpxpejtyp ko ëjts ka'apës ntsoky ets ëxëëk ja'ay y'ookëty, yë'ëjës ntsojkpy ets jyuukyajtën tyajtëkatstëty ets jyuuky'atëty. Miitsëty Israel ja'ayëty ëxmatstë tääpë ëxëëk juukyajtën. ¿Tii ko m'ooktëty?

Oseas 11:8

¿Wi'ix n'ëk'ëxmatsëty mijts Efraín? ¿Wi'ix n'ëkmajtstu'utëty mijts Israel? ¿Jyëkyäpëp jëtää nyajkutëkoyëty tääjës ojts nyajkutëkoyën yë Admá kajpnën, ëkë tääjës nyajkutëkooyën yë Seboím kajpnë? Je'eyës nmëkxejy n'o'kxejy, ko njapa'ëyoy.

Joel 2:13

Niwinpitë yë mWintsën Tyiosëty ets m'aaw mjot këëtstë jëtu'un tä jeexyë mwit xykyëëtstën. Jä'ä ko yë Wintsën yu'unk naxym yë y'aaw jyot ets pa'ëyoop najts'ëyo'owëp, mä'kxtujkp ets tsojkp ja'ap, xëmë jyëjp'ixy jëna'a n'ënëma'ayëmë ets këtii tyiytyunëty.

Jonás 3:10

Ojts yë Tios t'ixy ko ja Nínive ja'ay jyotwinpijtë ets t'ëxmajtstë ja ëxëëktu'un ëxëëk kajpxën ets ojts y'ënä'äny ko ka'ap tyajkutëkoyanëpë ja Nínive kajpn jëtu'un tä ënäty të tnikäjpxyën.

Malaquías 3:6

Ëjts Wintsën, ka'apës nyajtëkatsy yë njot nwinma'any, paaty miitsëty Jacob yë y'u'unk y'ok ka'ap m'atëkoytyë.

Números 23:19

Yë Tios kajëna'a yë kya'ooky kyatëkoy, yë'ë ka'ap wyin'ëëny ets ka'ap yë y'aaw y'ayuk tukxi'iky. Ko tii tnikäjpxy pyatuumpy, ets ko tii twinwanë yäjkpy.

Romanos 11:29

Ka'ap ja Tios wyinma'any tyëkatsy ko pën tii tmo'oy mëti'ipë të twin'ixyën.

Efesios 4:30

Këtii nëkoo xyajjotmaytyëkëtëty ja Tios ja kyënu'kxymyëk'ajtën, mëti'ipë të myajtuk'ijxwë'ëmtën ko Tios mjä'ä'atëtë mapaat ja nitsokën ënäty tu'ukyë myajmooynyëtën.

Deuteronomio 32:29

Kooxyëp jeexyë y'ëkwijy'atë ets oy winë tmëmay tmëtajtë; wyinja'awëtyëp jeexyë ma jya'ta'antën ma ka'ap oy jyuuky'atëtyën.

Deuteronomio 32:36

Yë Wintsën nyiwaantu'utäämpy yë nyaax kyajpn, ko ënäty t'ixy të y'ënu'kxëtyääynyëtë. Yë Wintsën pya'ëyowäämpy yë tyuunpë kyupëjkpë, ko ënäty t'ix, ko ka'ap ma pën mëti'ipë ka'ap myëkëtyën ets mëti'ipë mëkëtyën.

Deuteronomio 5:29

Jëtu'un jeexyë xëmë myäytyë tyajtë etsës jeexyë xywyinkutsë'ëkëtë ets tpatuntëty yë n'ënä'ämënës ntëyajtënës winjëpom, ko jeexyë y'ëkjëtu'un'aty janty jotkujk jeexyë jyuuky'atë winë xëëw winë jëmëjt ets näjyëtu'un ja y'u'unk y'ëna'këty.

Hebreos 3:10

Paaty ojts ntukjoot'anpëktës tääpë ja'ayëty, ets n'ënanyës: Xëmë tëkatsy yë jyot winma'any tmëët'atë, ka'ap tkupëktë ja nnë'ë ntu'ujës.

Hebreos 3:17

¿E pën jëtää ja Tios tyukjoot'anpëjk wëxtyikxy jëmëjt? Yë'ë mëti'ipë pokytyuuntën jam të'ëts'itjotm ets y'o'ktë, ¿këtiijë?

Santiago 1:17

tu'kë'ëyë mëti'ipë oyën ets wa'atsën, këjxm yë tsyoony, Tios yë yäjkpy, ja Tios mëti'ipë pyëjktakën winë jam tsajpwinm mëti'ipë ajajp atë'kxpën. Yë Tios ka'ap tyëkatsy, nän yi'iyëm xëmë, ma yë'ëjën ka'ap tii tyëkatsy ets ka'ap tii y'akootsë.

1 Samuel 15:11

Okës tyam njamëkjawë koos ojts yë'ë Saúl npëjktä'äky ënä'ämpë, yë'ë ka'apës xy'ëkmëj'ijxnë ets ka'apës xy'ëkmëmëtoownë. Samuel ojts jyoot'anpëky, ka'ap t'oyja'awëy ko jëtu'un ja Wintsën y'ënëmaayë, paaty ojts tu'ktsu'um wyanë tsyowë Tios wyintuuy.

1 Samuel 15:29

Jä'ä ko yë Tios mëti'ipë yë Israel kajpn mëj'äämpy jyëkyejpyën, ka'ap yë wyin'ëëny ets ka'ap yë jyot wyinma'any tyëkatsy tä yë naaxwiinyëtë ja'ayën.

1 Samuel 15:35

E ja Samuel ka'ap ojts nijëna'a t'ëk'ijxnë ja Saúl, je'eyë ojts ok tjaaknimony tjaaknituky, mëët ko ënäty ja Tios ok tu wyinmaaytyëkatsy ko ojts tpëjktä'äky ja Saúl ets yë'ë y'ënä'ämëty ma ja Israel kajpnën.