Génesis 6:22 - Biblia Mixe de Quetzaltepec

²² Ënät yë Noé ojts jëtu'un tkuuytyuunta'ay ijxtëm ënäty yë Tios të y'ënë'ëmxëtyën.

Biblia Dc en Mixe de Quetzaltepec

²² Ënet yë Noé ojts jëtu'un tkuuytyuunta'ay ijxtëm ënety yë Dios të y'ënë'ëmxëtyën.

Génesis 6:22 ပူးပေါင်းရင်းမြစ်များ

Juan 15:14

Miits jëtu'un nmëku'ukja'awëtyëp, pën mtuuntëp mëti'ipë ntuk'ënä'ämtëpën.

Éxodo 40:16

Moisés ojts tuunta'ay winë tä ënäty ja Tios të tyuk'ëne'emyën.

Juan 2:5

Ënät ja tyaak ja Jesús t'ënëmaay ja mëti'ipë wiinkëëy kujkkëëytyëpën: Tuntë tu'kë'ëyë mëti'ipë yë'ë nyi'ënä'ämëpën.

Génesis 7:5

Yë Noé ojts jëtu'un tjantytyuny, ijxtëm ënäty ja Tios të tyuk'ëne'emyën.

Deuteronomio 12:32

Tiits miitsëty yë'ë xëmë mtuntëp mëti'ipë të ntuk'ënä'ämtën, këtii nitu'uk xyajni'ikëtëty ets nitu'uk xykyajëpëktëty.

Génesis 7:16

Tu'ukjaty yë to'oxypyë ets tu'ukjaty yë yä'äypyë tyëjkëtyë jap ma ja kepy nëëwinye'epyën. Jënu'un ënäty kanaaknax yajpaatën yaa naaxwiiny, jëtu'un ijxtëm ënäty ja Tios të tuk'ëne'emyën ja Noé. Ënät ja Tios ja kepy nëëwinye'epyë ojts nän kë'ëm tyaj'ëtujknë.

Éxodo 40:23

Ets tpëjktäky näjyëtu'un ja tsajpkääky ma ja nyikaaypyäjnën, jam ma ja Tios jam kyëtä'äkyën, jëtu'un ijxtëm ënäty ja Tios të tni'ënä'ämën.

Génesis 7:9

Yë Noé nimäjtskjaty yë jëyujk tyajtëjkëy jap ma kepy nëëwinye'epyën, yä'äypyë, to'oxypyë. Ijxtëm ënäty ja Tios të tyuk'ëne'emyën.

Éxodo 40:27

Ojts tyajtoopyiky ja mëti'ipë oy xu'kp jojkpën, jëtu'un ijxtëm ënäty ja Tios të tyuk'ëne'emyën.

Éxodo 40:25

Ets tyajmëjëtyääy ja kutë'kxn jam ma ja Tios ijty kyëtä'äkyën, ijxtëm ënäty ja Tios të tni'ënä'ämën.

Génesis 17:23

Jä'ä xëëw ma ënäty jëtu'un të myëtyä'äkyën yë Abraham mëët yë Tios. Jä'ä xëëw ojts ja y'u'unk Ismael tnatsujk'ëwtijtë ja ye'etyëjkajtën ets ojts näjyëtu'un ja tyuunpëtëjk tnatsujk'ëwtijtaayë ja ye'etyëjk'ajtën, jënu'un ënäty të myëxu'unk'atën jap ma tyëjkën. Ets jënu'un ënäty të tjuuypyën mëët yë kyë'ëm wit kyë'ëm meeny, ojts yajnatsujk'ëwtijta'atë ja ye'etyëjk'ajtënëty ja nyi'ak jëtu'un ijxtëm ënäty yë Tios të tni'ënä'ämën.

Éxodo 40:32

Näpyujëtëp ijtyëty ko jap tyëkëtë ma ja wit tëjkën ma ja näpyaatë y'ityën ets ko twinkuwa'akëtë ja potsy ma ja wintsë'këntyaknën, jä'ä ko jëtu'un ënäty ja Wintsën të tuk'ëne'emy ja Moisés.

Éxodo 40:19

Ojts twijtstëëwta'ay ja wit ma ja Tios ja jyëën tyëjkën ets ojts tpëjktä'äky ja nyiwits nyijuux jëtu'un tä ënäty ja Wintsën të tni'ënä'ämën.

Éxodo 7:6

Moisés ets Aarón jëtu'un ojts winë tuntë ijxtëm ënäty ja Tios të tyuk'ënä'ämëtën.

Mateo 2:21

Ënät ja José pyëti'ky ets ojts nyijkxy jam Israel y'itjotm mëët ja mëxu'unk ye'etyëjk ets ja tyaak.