Génesis 50:5 - Biblia Mixe de Quetzaltepec

⁵ Koos ënäty yë nteety jam tyim'ookanë, ënätës ojts xy'ënëëmë koos jam nyajnaaxtëkëty ma kë'ëm të nyänyi''ixëtyën, jam jëtu'un t'antijy ma nyaaxjotmën yë Canaán. Paaty yam nmënu'kxtä'äky ets xymyo'ojëtyës yë najxtakn wä'änës nëjkx yë nteety n'ëkyajnaaxtëkë, e koos ënäty të nyajnaaxtëjkëtyä'äy täätsës jatëkok nwinpijtkojnëpëty.

Biblia Dc en Mixe de Quetzaltepec

⁵ Koos ënety yë nteety jam tyim'ookanë, ënätës ojts xy'ënëëmë koos jam nyajnaaxtëkëty ma kë'ëm të nyänyi''ixëtyën, jam jëtu'un t'antijy ma nyaaxjotmën yë Canaán. Paaty yam nmënu'kxtä'äky ets xymyo'ojëtyës yë najxtakn wä'änës nëjkx yë nteety n'ëkyajnaaxtëkë, e koos ënety të nyajnaaxtëjkëtyä'äy täätsës jatëkok nwinpijtkojnëpëty.

Génesis 50:5 ပူးပေါင်းရင်းမြစ်များ

Isaías 22:16

¿Mijts tii jotmayën yaa mjatyimjëkyejpy, ëkë pën të nmo'oy kutujkën ets xy'oytyunëty yaa yë m'o'kpë jut, ets xytyajëty ja m'o'kpë jut jam kopkëjxm, ets jam tsaakëjxm mnanyi''ixëtëty ma mnaaxtëkëtyën?

2 Crónicas 16:14

ets jam nyaaxtëjkëy ma y'o'kpëjutën mëti'ipë nyipëjktakëyën ma ja David ja kyajpnën. Jam yajkëxko'ky ma tu'uk ja maapäjnën oypyë y'oytyunyëtyën mëët ja tsooy ets ja nëë mëti'ipë pa'akxu'kpën. Ets tyajmëjjëtyë tu'uk ja mëj jëën, mëti'ipë yë'ë yajtukmëjja'awëyën.

Mateo 27:60

ets tpëjktäky ma tu'uk ja o'kpëjutën jemypyë jam nyaaxjotm, mëti'ipë ënäty të t'oytyunyën tsaajoty ets tuk'akëëy tu'uk ja mëjtsaa, ets ojts nyijkxy.

Eclesiastés 12:7

Kom ok, naaxway jatëkok y'awinpity ja jot nini'kx, e ja jot ja'awën jam jatëkok wyimpity ma Tiosën, mëti'ipë jot ja'awën yäjkpyën.

Eclesiastés 12:5

ka'ap nëjkx t'ëkmakxnë ja it ets nëjkxëp tmëët'ajnë ja tsë'ëkë ko muum jyanëjkxa'anëty. Ets ja almendrë nëjkx pyijy, ka'ap nëjkx ja nëë jëyujk t'ëtsu'utsanë ets ka'ap nëjkx yuu y'ëkpatënë. Jä'ä ko yë'ë ënäty wiinkoonëp ja y'ijtakn xëmëkyëjxmëpë ets në'ëjoty tu'ujoty nëjkxëp yajnijëëy yajniyaxnë.

Eclesiastés 6:3

Oy jënu'un yë ja'ay may y'u'unk y'ëna'k tmëët'atëty ets jeky jyuuk'atëty; pën ka'ap tukxoontä'äky yë juukyajtën ets ko y'ooky tyëkoy ni pën kyayajnaaxtëkëty, ëjts jëtu'unës n'ëna'any nikë wä'än jyaktsowpaaty pi'k ëna'k mëti'ipë ooky miinpën naaxwiinyëtë ets këtiinëm tääpë ja'ay,

Salmos 79:3

Jëtu'un tä nëëjën të tam të tyoktë ja jot ne'pyny ma Jerusalén kajpnën, ets ka'ap ma pën, pën yajnaaxtëkëtëpën.

Job 30:23

Nnija'apës ko mijts xyaj'ookaanpës, ma kyukëxëtën mëti'ipë juuky'ajtëpën.

1 Samuel 14:43

Tä yë Saúl tyajtëëy yë Jonatán: Tuk'ëwa'anëkës tii të xytyuuntëkoy. Tä ja Jonatán ojts tnikäjpxy: Pën yë'ë mnijawëjäämpy, tyam n'ëwaanëty, tëëjës wäänë një'kxy yë uuxpa'ak mëëtës yë ntajkjëjp. E kajts wyi'ixëty tyaajës nyajpaaty oyës n'ookëty.

Deuteronomio 4:22

E paaty yam n'ënëëmëtë oyës nëjkx yaa n'ooky ets ka'apës ja Jordán mëjnëë ntuknaxëty. Miitsëty nëjkxëp xytyuknaxtë ets nëjkxëp tääpë it naaxwiinyëtë xynyiwa'aktë.

Génesis 50:24

Tu'kxëëw tu'kjëmëjt yë José t'ënëmaay yë myëkä'äxtëjk: Ëjts tsojkës n'ookanë, këtii mmaytyëty mtajtëty, yë Tios yë'ë tsojk mniminëtëp ets mputëkëtëty tä mtsoontëty ma ya'atë naax kajpnën ets myajnëjkxëtëty ma it naaxwiinyëtën mëti'ipë tyukwinwa'anëyën yë Abraham, Isaac ets Jacob.

Génesis 48:21

Ënät t'ënëmaay yë José: Ëk'ix ëjts tsojkës n'ookanë, Tios yë'ë mkënu'kxanëtëp ets mëët'ita'anëtë ets yë'ë näjyëtu'un nëjkx jatëkok myajwinpitëtë ma ja y'it nyaaxwiinyëtën ja m'ap m'okëty.

Génesis 3:19

Mëk mtunëty ets mpëxyikëtëty, täänëm ja mka'ayën m'ukën xypyaatëty, jëtu'un mjuuky'atëty koonëm m'awinpitëty jatëkok naax, ma ojts mtsoonyën. Jä'ä ko mijts naax mëët m'oytyunyëty ets naax jatëkok mkawinpita'any.

Génesis 50:4

Ko jëtu'un ja monyëtukyë ets ja jë'ëyën yaxën y'ëknajxy, ënät yë José ojts mëët myëtyä'äky mëti'ipë ënäty yë yajkutujkpë mëët tyuunmukyën, ja kopktëjkëty wijyjyä'äytyëjkëty ets t'ënëmaay: Pën ëjts oyës yë njot nwinma'any nyajnikëxë'ëky ma miitsëtyën tuntë mëyajtën nëjkx yë yajkutujkpë ënëëmëtë.

Génesis 50:6

Ënät ja yajkutujkpë y'ëtsooy: Oy nëjkx xyajnaaxtëkë ja mteety, tä yë'ë kë'ëm të m'amëtoy të npëjktsoyën.