Génesis 50:23 - Biblia Mixe de Quetzaltepec

²³ ojts tjaak'ixy yë Efraín yë y'ok'u'unk y'ok'ëna'k ets näjyëtu'un tjaak'ijxy y'u'unk y'ëna'k yë y'ok'u'unk mëti'ipë xyëëwajtypyën Maquir mëti'ipë ënäty y'u'unk'ajtypyën yë Manasés.

Biblia Dc en Mixe de Quetzaltepec

²³ ojts tjaak'ixy yë Efraín yë y'ok'u'unk y'ok'ëna'k ets näjyëtu'un tjaak'ijxy y'u'unk y'ëna'k yë y'ok'u'unk mëti'ipë xyëëwajtypyën Maquir mëti'ipë ënety y'u'unk'ajtypyën yë Manasés.

Génesis 50:23 ပူးပေါင်းရင်းမြစ်များ

Números 32:39

Ja y'u'unk y'ok Maquir, yë myaank yë Manasés, yë'ë ojts jam kyajpntëkëtë ma ja Galaad ënäty tnitänën ets yë'ë tjä'äniwantë ojts t'ëxwojpta'atë ja Amor ja'ayëty mëti'ipë ënäty jam yajpatëpën.

Job 42:16

Jä'ä ojts yë Job ok jyaakjuuky'äty; mëko'px ja wëxtyikxy jyëmëjt ets ko ojts y'o'knë tëë ënäty yajxon myëjja'ayënë, ojts tjaak'ixy yë y'u'unk y'ëna'k, y'o'k u'unk y'ok'ëna'k ets ja y'u'unk y'ok.

Génesis 30:3

Ënät ojts yë Raquel t'ënëëmë yë Jacob: Ëk'ix, mëët'it yë ntuunpës Bhilá, ko yë u'unk tpaatëty t'ixëty, jëtu'un tpaatëty ijxtëm jeexyë ëjts yë u'unk maay npaatyën n'ixyën.

Salmos 128:6

Nëjkxëp xy'ixy ja m'ok u'unk m'ok ëna'k. Wä'än tjam'aty ja jotkujk'ajtën ma Israel ja'ayëtyën.

Josue 17:1

Ya'atë jëtu'un ja itjot naaxjot mëti'ipë ojts tyuka'ajëtën ja Manasés ja jyä'äy, mëti'ipë kyä'äxkopk'ajtypyën yë José. Mëjëyëjp ja Maquir mëti'ipë kyä'äxkopk'ajtypyën yë Manasés, yë Galaad yë tyeety. Tsip'ixy ijty yajxon, yë'ë ojts tyuka'ayë ja Galaad ja y'itjot nyaaxjot jampë yajpaatyën Galaad ets Basán, a'oytsyow wyi'imy ma ja Jordán mëjnëëjën.

Números 32:33

Jëtu'un'äämpy ja Rubén, ja Gad ets kujkwä'kxy ja Manasés ja y'u'unk y'ok ojts ja Moisés myo'ojëtë ja it naaxwiinyëtë jampë yajpaatyën ma y'ëne'emyën yë Sihón, Amor ja'ay mëti'ipë jyä'ä'ajtypyën yë Og, jampë yajkutukyën Basán, mëët tëkokyë ja naax kajpn mëti'ipë ënäty jyä'ä'ajtëpën.

Génesis 48:19

E yë tyeety ka'ap jëtu'un t'a'ijxëy ets y'ëtsooy: Ëjts nija'ap u'unk, ëjts nija'ap; yë'ë nëjkxëp näjyëtu'un yë kyajpn y'awinpity mëjwiin këjää, je'eyëp ko ni'ik nëjkx mëj'äämpy y'ity yë y'uty yë nyaax kyajpn ets y'u'unk y'ok wäänë nimay nëjkx yë nyaax kyajpn tyaj'ixta'aktë.

Génesis 49:12

Yë wyiin, yëk ni'ik kyëxë'ëky, këtiinëm jyëtu'unëty yë tsatym nyëë tëëpë nyimaanaxyën, yë tyëts poop ni'ik kyëxë'ëky, këtiinëm jyëtu'unëty yë tsi'tsknëë.

Génesis 50:22

José mëët tu'kë'ëyë yë tyeety yë y'u'unk y'ëna'k jap ojts jyaak juuky'atë Egiptë. José jä'ä ojts jyuuky'äty mëko'px ja majk jëmëjt,

1 Crónicas 7:14

Ja Manasés ja y'u'unk y'ëna'k mëti'ipë mëët t'u'unk'ajtyën ja mëmäjtskpë ja tyo'oxytyëjk, sirië ja'ay; jä'ä xyëëwajtë: Asriel ets Maquir, mëti'ipë tyeety'ajtën ja Galaad.

Proverbios 17:6

Yë mëjja'aytyëjk yë'ë tyukmëjnajxtëp yë y'ok'u'unk y'ok'ëna'k; yë u'unk ëna'k yë'ë tyukmëjnajxtëp tyeety tyaak.