Génesis 50:17 - Biblia Mixe de Quetzaltepec

¹⁷ ko mijts n'ënëëmëtëty: ko xytyunëty yë mëyajtën xymyä'kx xyajnitëkoyëty ja nyëë pyokyëty ja mmëku'uktëjk mmëkä'äxtëjk oy ojts ëxëëk mtunyë. Paaty yam mijts nmënu'kxta'aktë etsës xypyojkpë mä'kxtëty, ëëtsëty Tios näjyëtu'un xytyuunpë'ajtëpës, mëti'ipë yë mteety y'ëwtajtën. Tam ënäty jëtu'un yajmëmëtyä'äky yë José ko jyänty tyëjkëy yaxpë.

Biblia Dc en Mixe de Quetzaltepec

¹⁷ ko mijts n'ënëëmëtëty: ko xytyunëty yë mëyajtën xymyä'kx xyajnitëkoyëty ja nyëë pyokyëty ja mmëku'uktëjk mmëkä'äxtëjk oy ojts ëxëëk mtunyë. Paaty yam mijts nmënu'kxta'aktë etsës xypyojkpë mä'kxtëty, ëëtsëty Dios näjyëtu'un xytyuunpë'ajtëpës, mëti'ipë yë mteety y'ëwtajtën. Tam ënety jëtu'un yajmëmëtyä'äky yë José ko jyänty tyëjkëy yaxpë.

Génesis 50:17 ပူးပေါင်းရင်းမြစ်များ

Efesios 4:32

Oy mja'ay'atëty ets mnäpya'ëyowëtëp nixim niyam. Nänyimä'kxëtë tu'knax ijxtëm ja Tios të mnimä'kxëtën, ko ja Kristë të xymyëpëktë.

Proverbios 28:13

Mëti'ipë ja'ay kyuyu'tsypyën yë pyoky, ka'ap oy jyuuky'ata'any; e mëti'ipë nyikäjpxypën ko tyuuntëkoy nëjkxëp yajpokymye'kxy.

Salmos 21:11

Oy tjatuknipëjktaakëtëty myaj'ooka'anëtë ets tjaniwinmayëtëty ëxëëk mjatëty mkëpätëty, yë'ë ka'ap nitii tuntëty,

Génesis 49:25

Nkukajpxëpës mëti'ipë yë mteety Tyios'ajtypyën, yë'ë mputëkëjanëp, yë Tios mëti'ipë mëk'ajtën myëët'ajtypyën, yë'ë mkënu'kxanëp. Yë kënu'kxën mëti'ipë jam tsajpjotm tso'onpën. Yë kënu'kxën mëti'ipë jap këkmejyjoty ijtpën. Yë kënu'kxën mëti'ipë yë taak tsi'tsk myëët'ajtypyën jyootjoty.

Génesis 45:8

Paaty Tios jëtu'un të xykyexyës ma ya'atë it naaxwiinyëtën ets ka'ap myiits'atë, yë'ëjës të xypyëjktä'äky win'ëëpë wiinkajpxpë ma yajkutujkpën ets wintsën n'itëtyës ma tu'kë'ëyë jyëën tyëjkën ets yajkutujkpë ma tëkokyë Egiptë tnitänën.

Santiago 5:16

Paaty, maaywyatstë ja mpokyëty nixim niyam ets nätyuknija'amyätsëtë ja Tios winpity atëjy ets mtso'oktëty. Tuunp ni'ik ko ja oyjyä'äy Tios tja'amyetsy.

Gálatas 6:16

Pën juuky'ajtëp ijxtëmës të n'ëna'anyën ets ni'ëmukë mëti'ipë ja Tios jä'ä''ajtëtëpën, jotkujk'atë ets ëxajëtë ja Tios ja pya'ëyo'owën.

Gálatas 6:10

Paaty, oy tyimjëna'ajëty, ntu'unmëp ja oypyë ma ja ja'ayëtyën ets yë'ë ka'ap nja'atyëko'omyëty yë nmëku'uk'ajtëmë mëti'ipë näjyëtu'un mëpëjktëpën.

Marcos 10:41

Ko jëtu'un tmëtoowtë ja nimajkpë ja Jesús ja y'ijxpëjkpëtëjk, ënät tukjoot'anpëjktë ja Santiagë ets ja Juan.

Mateo 25:40

Ënät ja yajkutujkpë y'ëtsowa'any: Tëy miits n'ënëëmëtë, ko të xytyuntë tu'kë'ëyë ja oypyë ja tu'unën kajpxën ma ja'ayëtyën mëti'ipë ënäty yajpatëpën ëmaay amutsk, ëjts jëtu'un të xymyëtuntë.

Mateo 18:35

Tääts ja Jesús jyaak'ënany: Näjyëtu'un ja nTeetyës tsajpjotmëpë tuna'any ja ja'ay ma miitsëtyën, pën jää miitsëty ka'ap ja mmëku'uk xynyimä'kxtë.

Mateo 10:42

Pën myoopy ja nëë tu'ktsim ja pi'k ëna'k mëti'ipës xymyëpëjkpën, tëyës n'ëna'any ko y'ëxajëjäämpy ja kyuma'ayën.

Mateo 6:12

Pokynyimä'kxtëkës maas ëxëëk tii ntuntën nkajpxtën, jëtu'un tääjës të mpokymyä'kxtën ja mëti'ipës ëxëëk të xytyuntën.

Génesis 50:20

Miitsëty jëtu'un ojts mjamay mjatajtë ets nyätyijyë ëxëëk xytyuna'antës e yë Tios yë'ë të tyajtëkatsy yë ëxëëkpë mëët yë oypyë ets ntunëtyës mëti'ipë tyam m'ijxtëpën mkoowtëpën: ets jëtu'un tsyo'okëty may yë ja'ay yë jyuukyajtën.

Génesis 31:42

Ko jeexyë ja Tios xykyani''ijxkëtä'äkyës mëti'ipë yë Abraham y'ëwtajtën, ja Tios mëti'ipës ijty ja nteety Isaac y'ëwtajtypyën, katii nija'awën wä'änxyëp jeexyë jëtu'unyë mijts të xy'ëkwinpakäjxnës. Yë Tios yë'ë të t'ixy, ko ënäty ëjts mon tuk nyajpaaty ets koos ënäty mëk ntuny n'ëyoy, paaty ya'atë tsu'um të mëkmëkäpxyë.

Génesis 50:16

Ënät ojts tkäjpxnyikäxtë mëët ya'atë aaw ayuk: Ka'anëm ënäty yë mteety y'ookynyëm ko xy'ënëmaaytyës,

Génesis 50:18

Ënät ojts myintë ja myëkä'äxtëjk ets nyaaxkoowtë jam wyintum, nyäjyijtakëtë naaxkëjxy ets y'ënëmaayëtë: Tyaa ëëtsëty nyajpaatë mkë'ëjoty, jëtu'unës xywya'antëty tä mëtuunpë m'ëyoopën ka'apë yajmëjuyën.