Génesis 49:3 - Biblia Mixe de Quetzaltepec

³ Mijts, Rubén, mijts nkä'äxkopk'ajtyp, ets mijts nmëtu'uk'u'unk'ajtyp. Mijts ëka'any myajnikëxë'kpy yë nmëjaawës, ets n'u'unkës ntiktsës, mëti'ipë jëyëjp mëxu'unk'ajtën mëët yë oyajtën tsujajtën.

Biblia Dc en Mixe de Quetzaltepec

³ Mijts, Rubén, mijts nkä'äxkopk'ajtyp, ets mijts nmëtu'uk'u'unk'ajtyp. Mijts ëka'any myajnikëxë'kpy yë nmëjaawës, ets n'u'unkës ntiktsës, mëti'ipë jëyëjp mëxu'unk'ajtën mëët yë oyajtën tsujajtën.

Génesis 49:3 ပူးပေါင်းရင်းမြစ်များ

Génesis 29:32

Ënät ja Lea ojts wyi'imy u'unk mëët ets ojts tyajmëxu'unk'aty tu'uk yë y'u'unk mëti'ipë xyëëwmooyën Rubén, tä y'ënäny: Tiosës të xy'ixy koos nmony ntuky, paatyës tyam yë Jacob ni'ikës xytsyoka'any.

Génesis 35:22

Jam ënäty yë Israel të tsyënaaytyaknpëjknëtë ko yë Rubén ojts tmëëtko'knë yë Bilhá, mëti'ipë ënäty ja tyeety të tmëmäjtsk to'oxytyëjk'atyën. Ko yë Jacob tnija'awëy ko ënäty jëtu'un yë Rubén të y'ëti'itsy, ënät ojts yajxon jyantyjyoot'anpëky. Yë Jacob yë y'u'unk y'ëna'këty nimajkmäjtsk ojts y'itë.

Génesis 35:23

Mëti'ipë y'u'unk'ajtën mëët yë Lea, jä'ä xyëëwajtë Rubén, ja kä'äxkopk, ok myëxu'unk'ajtë Simeón, Leví, Judá, Isacar ets Zabulón.

Génesis 46:8

Ya'atë jëtu'un yë xyëëwëty yë Israel ja'ayëty mëti'ipë ojts nyëjkxtën jap Egiptë, mëti'ipë Jacob y'u'unk'ajt y'ok'ajtën. Yë Rubén mëti'ipë kä'äxkopkën, yë Jacob yë myëtu'uk u'unk.

Génesis 48:18

Oy ënäty ja tyeety tja'ënëëmë: Tatë ka'ap jëtu'un y'oy'atëty, ya'atë yë'ë mëj, pëjkta'ak yë m'a'oykyë'ë ma kyëpajkën.

1 Crónicas 2:1

Yë Israel y'u'unk y'ëna'k jä'ä xyëëwajtë: Rubén, Simeón, Leví, Judá, Isacar, Zabulón,

1 Crónicas 5:1

Ja Rubén ja y'u'unk y'ëna'k mëti'ipë ja Israel kyä'äxkopk'ajtypyën, jä'ä xyëëwajtë: Hanoc, Falú, Hesrón ets Carmí. Rubén yë'ë ojts jyakä'äxkopk'aty, je'eyëp ko ojts tyajtëkoy ko ojts ja tyeety ja tyo'oxytyëjk ojts tmëëtko'knaayë, tääts ojts yë'ë ja José tmëwë'ëmy ja kä'äxkopk'ajtën, nän yë'ë Jacob Israel myaank. Je'eyëp ko Judá mëj'äämpy ojts ok pyëtsimy, ma yë'ë jyä'äyën jam tu'uk Wintsën y'ijty, ja José yë'ë myëwë'ëm ja kä'äxkopk'ajtën.

Salmos 105:36

Yaj'o'ktaay jap Egiptë tëkokyë kä'äxkopktëjk ma ja Egiptë ja'ayëtyën.

Salmos 78:51

Ojts yë'ëpaat tyaj'ooky jap Egiptë kajpnjoty ja yajkutujkpë ja kyä'äxkopk ets jënu'un ja Egiptë ja'ayëty ja y'u'unk y'ëna'k tmëët'atën mëti'ipë kä'äxkopkën.

Números 1:20

Ko ja ja'ay yajjaamyujktaaytyë, nokyjoty, jëtu'un tä ënäty tyu'kja'ay'atën, tyu'kjëëky'at tyu'kmëku'uk'atën ets tyu'kmënaax'at tyu'kmëkajpn'atën, ja ye'etyëjktëjk mëti'ipë ja jyëmëjtëtyën i'px ets mëjja'aytyëjkpaat jä'ä ojts nyiwinë'atë. Ma jyä'äyën yë Rubén, yë myëtu'uk u'unk yë Israel, jä'ä ojts yajmëtyoowpëtsëmtë, mëti'ipë jyëkyäjpnëtëp nyëjkxtëty tsiptuunpë, wëxtyikxy tëtujk mil ja mëkoxk mëko'px.

Números 26:5

Yë ja'ayëty mëti'ipë yë Rubén jyä'äy'äjtypyën, yë Israel yë kyä'äxkopk, yë'ë ojts ëka'any yajjaaypyätë yë y'u'unk y'okëty yë Henoc, Falú,

Deuteronomio 21:17

Ya'atë kä'äxkopk nëjkxëp ni'ik yë kyuma'ayën yajmo'oy mëti'ipë patëpën. Jä'ä ko yë'ë ënäty ëka'any yajwinkëxë'kpy ja jyot myëjaaw ja ye'etyëjk mëti'ipë patëpën ets ja kyuma'ayën kujkwä'kxy nyi'ikëty, jä'ä ko yë'ë kä'äxkopk'ajtp.

Deuteronomio 27:13

E ja jyä'äyëty ja Rubén, Gad, Aser, Zabulón, Dan ets Neftalí, jam nëjkx wya'ak'oyëtë ma ja Ebal kopkën ets pojkën yajnikajpxëty ma ja naax kajpnën.

Deuteronomio 33:6

Ënät ojts tkënu'kxy ja Rubén mëët ya'atë aaw ayuk: Yë Rubén xëmë yajpaata'any. Ka'ap nëjkx yë xyëëw nijëna'a y'atëkoy, oy jyaniwäänë'atë yë ye'eytyëjtëjkëty.

Apocalipsis 3:14

Nnijayë yë tsajpjotmëtë kukäjpxy jampë yajpaatyën Laodicea: Jëtu'un y'ënä'äny ja mëti'ipë yäjkpyën ja tëyajtën ets mëti'ipë yajkutujkpyën tu'kë'ëyë mëti'ipë ja Tios yajkojën.