Génesis 49:25 - Biblia Mixe de Quetzaltepec

²⁵ Nkukajpxëpës mëti'ipë yë mteety Tyios'ajtypyën, yë'ë mputëkëjanëp, yë Tios mëti'ipë mëk'ajtën myëët'ajtypyën, yë'ë mkënu'kxanëp. Yë kënu'kxën mëti'ipë jam tsajpjotm tso'onpën. Yë kënu'kxën mëti'ipë jap këkmejyjoty ijtpën. Yë kënu'kxën mëti'ipë yë taak tsi'tsk myëët'ajtypyën jyootjoty.

Biblia Dc en Mixe de Quetzaltepec

²⁵ Nkukajpxëpës mëti'ipë yë mteety Tyios'ajtypyën, yë'ë mputëkëjanëp, yë Dios mëti'ipë mëk'ajtën myëët'ajtypyën, yë'ë mkënu'kxanëp. Yë kënu'kxën mëti'ipë jam tsajpjotm tso'onpën. Yë kënu'kxën mëti'ipë jap këkmejyjoty ijtpën. Yë kënu'kxën mëti'ipë yë taak tsi'tsk myëët'ajtypyën jyootjoty.

Génesis 49:25 ပူးပေါင်းရင်းမြစ်များ

Génesis 35:11

ënät ojts y'ënë'ëmxëty: Ëjts jëtu'un Tios, mëti'ipë mëk'ajtën mëëtën. Mëët'atäämpy yë m'ok'u'unk m'ok'ëna'k nimay. Ma mijtsën may yë ja'ay pyëtsëma'any ets maynyaax maykyajpn; ma mijts yë m'ok'u'unk m'ok'ëna'kën pëtsëmëp näjyëtu'un mëti'ipë itëpën yajkutujkpë, mëti'ipë ënä'ämëpën ma nyaax ma kyajpnën.

Génesis 28:13

Näyjyëtu'un t'ijxy kootëm ja Tios wyintänëty ets y'ënë'ëmxëty: Ëjts jëtu'un Wintsën, mëti'ipë Tyiosajtën yë mtatwelë Abraham ets mteety Isaac. Mijts nmo'ojäämpy ya'atë naaxjot ma jam mko'knën ets m'u'unk m'ëna'k.

Filipenses 4:19

Ja nTiosës mmo'ojëtëp tu'kë'ëyë mëti'ipë miits myajmëyajtëpën, ja jotkujk'ajtën mëti'ipë myëët'ajtypyën ja Kristë Jesús.

Deuteronomio 8:17

Ijxkëm jëna'a mmaaytyëpë mtajtëpë ko tëkokyë mëti'ipë mmëët'ajtëpën, kë'ëm të xyajnimëjaawta'aktë.

1 Timoteo 4:8

Oy ja ni'kx kopk tjatuk'oy'äty ko näwyo'on näpyojtëmëty, ja pa'ëyo'ow najts'ëyo'owën ni'ik tyuny oymyaajëty, jä'ä ko yë'ë nyimëtyäkpy yë juukyajtën tyampë ets mëti'ipë miimp wiinkoonpën.

Deuteronomio 33:1

Ka'anëm ënäty ja Moisés y'ookynyëm, mëti'ipë ja Tios myëtuunën, ko ja Israel ja'ayëty ojts t'ëkjaakënu'kxnë,

Génesis 43:23

Tä yë putu'unëpë y'ëtsooy: Jotkujk itë, këtii mtsë'ëkë mjawëtë, yë mTiosëty mëti'ipë m'ëwtajtëpën ets mëti'ipë yë mteetyëty y'ëwtajtypyën, yë'ë ojts tpëjktä'äky yë meeny ma mxa'këtyën, ëjts ojtsës ja meeny n'ëxajë, mëti'ipë ojts xytyukkujuytyën. Tä ja putu'unëpë ojts tyajpëtsëmy ja Simeón pujxn tëkoty ets ojts twoownëjkxy ma ënäty jam ja myëku'ukëtyën.

Génesis 27:28

Tios mo'ojëtëp ja nëë tuu tsajpjotmëpë tsyoonyën, ets mnëë mmok may xyajpëtë'ëktëty, mëti'ipë mkayëp m'uukëpën.

Efesios 1:3

Mëjjaw jaantyjawë nyäxy ja Tios, mëti'ipë yë Wintsën Jesukristë Tyeety'äjtypyën. Tëë xykyënu'kxëmë ko tu'ukyë nyajpatëmë mëët ja Kristë ets të xytyuknikäjxëmë ja kyënu'kxën ma y'ityën tsajpjotm.

Salmos 85:12

Yë Wintsën, yë'ë kë'ëm yajminäämpy yë nëë tuu, ets pyëtsëma'any jam kamjotm yë jë'kxy pëky.

Génesis 28:21

Ets koos nwinpitëty oy mëk ma ja jyëën tyëjkën ja ntaak nteetyës, ënät tëy njanty'ëna'anëtyës ko yë Wintsën yë'ë nTios'ajtyp.

Mateo 6:33

Jamts miits jëyëjp xypyëjkta'aktëty ja mjot mwinma'anyëty ma ja tsajpjotmëpë kutujkën ets xytyuntëty mëti'ipë Tios tsyojkpy ets xy'ëxajëtëty tëkokyë ya'atë jotkujk'ajtën.

Génesis 35:3

Jam tyam nja'amëty Betel, maas tu'uk yë wintsë'këntyakn n'oytyuna'anyën etsës yë Tios nwintsë'ëkëja'any mëti'ipës ojts xypyutëkën ma ënäty mon tuk nyajpaatyësën ets mëti'ipës xëmë të xyjyämyëët'atyën oyës maa nnaxy ntëkë.

Salmos 84:11

Jä'ä ko yë Tios mëti'ipë yajwintsën'ajtpën, yë'ë xykyutë'kx xykyujajëm ets xykyuwa'anëm; yë Wintsën tsyojkpy jya'ap ets yajmëj'ajtyp yë ja'ay mëti'ipë juuky'ajtëpën wa'ats, ka'ap nitii tukwintuk'ooky.

Génesis 17:1

Ko ënäty yë Abram yë jyëmëjnë majkta'px majkmokx majktaxk, ënäty yë Wintsën nyänyikëxë'kë ma yë'ëjën ets y'ënëmaayë: Ëjts jëtu'un Tios'ajtp. Ëjts nmëët'ajtypyës yë mëk'ajtën ets mjuuky'atëty wa'ats, m'itëty oy tsuj ëjts nwintum.

Génesis 28:3

Yë Tios mëti'ipë myëët'ajtypyën yë mëj'ajtën ets kutujkën yë'ë mkënu'kxëtëp ets mo'ojëtëty ja m'u'unk m'ok nimay ets jëtu'un kanaak ja naax kajpn kyojëty ma ja m'u'unk m'ëna'kën.

Génesis 32:9

Tää ojts tyëkë nu'kxtakpë ets ja Tios tmëpëjktsooy: Wintsën mëti'ipë y'ëwtajtën ja ntatwelës Abraham ets ja nteetyës Isaac, mijtsës të xy'ënëëmë koos nwinpitëty maas ja nnaax nkajpnën, ma tsyëënëtën jyuuky'atën ja njëëky nmëku'ukës. Mijtsës të xy'ënëëmë näjyëtu'un, ko oy tsuj xyajwinpita'anyës.

Génesis 48:3

Tä t'ënëmaay ja José: Yë Tios mëti'ipë maaytyääyëpën winë, yë'ë ojts jam nyänyikëxë'ëkyë maas ënäty jamën, ma ja Luz kajpnën ma Canaán y'itjotmën, etsës ojts xykyënu'kxy

Éxodo 18:4

Ja wiinkpë ja myaank jä'ä xyëëwajtyp Eliézer, jä'ä ko tyaa ojts y'ënä'äny: Ja Tios mëti'ipës ja nteety Tyiosajtën, yë'ëjës të xynyiminy etsës të xypyutëkë. Paatyës ojts xyajtso'oky ma ja yajkutujkpë xyjyayaj'okanyësën.