Génesis 49:23 - Biblia Mixe de Quetzaltepec

²³ Yë ja'ayëty mëti'ipë ti'pxtëpën, ëxëëk jyänty myëtsip'atyë ets tsyip'ixyë ets janaam jatsojk yajjotkëxyë.

Biblia Dc en Mixe de Quetzaltepec

²³ Yë ja'ayëty mëti'ipë ti'pxtëpën, ëxëëk jyänty myëtsip'atyë ets tsyip'ixyë ets janaam jatsojk yajjotkëxyë.

Génesis 49:23 ပူးပေါင်းရင်းမြစ်များ

Génesis 37:24

Tääts yajmajts'o'oyëy yë ets yajkujëpijpëy nëëjutjoty, jam ënäty tu'uk yë nëëjut mëti'ipë ka'ap yë nëë tmëëtëtyën.

Salmos 64:3

Jëtu'un yë y'aaw yä'än tyajjëjpëtë tä yë tëypyujxnën ets ënät yë y'aaw y'ayuk tkajpxtë tsaaty ma'at ets yajtsëtyuty jëtu'un tä ti'pxnën mëti'ipë yaj'o'kpën.

Génesis 37:28

Ko ja ajuupyëtëjk mëti'ipë Madián ja'ayëtyën jam nyajxtë winkon, ënät ja José yaju'tpëtsëëmy jap jutjoty ets yajto'ky ma ja Madián ja'ayëtyën mëti'ipë Ismael y'ap'ajtëpën, i'px tkujuuytyë aakyë'ë poop pujxn meeny. Jëtu'un ojts tyajnëjkxnëtë ja José jap Egiptë.

Hechos 14:22

Ko ja Pablo ets Bernabé jyajtë ma tu'uktu'uk ja kajpnën, ojts tyajjotmëkpëktë mëti'ipë ënäty ja Jesús të tmëpëktën ets tjotmëkwinkajpxëtë ets tu'ukyë myëpëktëty. Jëtu'un t'ënëmaaytyë: Ko nnëjkxa'anmëty ma ja Tios ja kyutujkënën, kopkpëky ko nku'ëyo'owëmëty.

Juan 16:33

Ntuk'ëwa'anëtëp miits tyam ya'atë tu'kë'ëyë ets ja kijpxyajtën jyää'atëty ma miitsëtyën. M'ëyowantëp miits yaa naaxwiiny, je'eyëp ko amëk jotmëk myajpaatëty, ëjts tëëjës nmëmëtä'äky ja naaxwiinyëtë winma'any.

Salmos 118:13

Mëët yë joot'an'ajtën të xynyipëtë'ëktës, ets të tjatsoktë jeexyë ëxëëk njaty nkëpetyës, e yë Wintsën tëë myiny etsës të xypyutëkë.

Génesis 42:21

ets nyäy'ënanëtë jaxim jayam: Tyam ënät n'ijxëm ets tyam ënät nkëpäjtëm ko ojts ëxëëk ja n'uty'ajtëm ntu'unëmë. Ojts xyjyamënu'kxtakëmë ets jeexyë npa'ëyo'owëm nas'ëyo'owëmë e ëëtsajtëmë ka'ap ja ntu'unëmë këwentë, ojts nja'ijxëm ko ënäty mon tuk yajpaaty. Paaty ënät ëëtsajtëm tyam ya'atë ëxëëkajtën npatëm n'ijxëmë.

Génesis 37:18

Yë'ëjëty jëkämnëm t'ijxpatë ko ja José myiny, tääts pojën ja winma'any t'ixtaaytyë, wi'ix mëpaat t'ëkyaj'ooktën.

Génesis 37:4

Ko ojts jëtu'un t'ixtë ja y'äjtyëjkëty, ko ja tyeety mëk ni'ik tsyokyë këtiinëm ja wiinkpë y'u'unk y'ëna'k, ënät ojts tmëtsiptsoontë ets ka'ap t'ëkmëkajpxanëtë.

Génesis 49:22

Yë José jëtu'un yë'ë tä aay ujtsën mëti'ipë nëë''ëkë'ëy tënääpyën, ets tyëëmpety janty may, yë xye'enty jyi'tsk jëtu'un tjantynyiyoonaxtë yë potsy.

Génesis 49:24

E yë José mëk yë kyë'ë y'aaw tyaj'ity ets ka'ap yë tyi'pxn t'ëxmatsy. Nkukajpxëpësë yë Tios mëti'ipë Jacob y'ëwtajtypyën. Nkukajpxëpësë yë xyëëw yë nkëwent'ajtpë'ajtëm, mëti'ipë Israel xëmë këwent'ajtëpën.