Génesis 49:10 - Biblia Mixe de Quetzaltepec

¹⁰ Ni pën yë Judá kyapëjkëtëty yë myëk'ajtën ets kyutujkën ets kyepy mëti'ipë kyë'ëjotm myëët'ajtypyën, koonëm tëy myinëty ja mëti'ipë nyiwintsën'ajtypyën ja kepy tampë tkë'ëkap'atyën, mëti'ipë nëjkx ja naax kajpn tmëmëtowtën.

Biblia Dc en Mixe de Quetzaltepec

¹⁰ Ni pën yë Judá kyapëjkëtëty yë myëk'ajtën ets kyutujkën ets kyepy mëti'ipë kyë'ëjotm myëët'ajtypyën, koonëm tëy myinëty ja mëti'ipë nyiwintsën'ajtypyën ja kepy tampë tkë'ëkap'atyën, mëti'ipë nëjkx ja naax kajpn tmëmëtowtën.

Génesis 49:10 ပူးပေါင်းရင်းမြစ်များ

Números 24:17

Wa'atsës n'ixy tii miimp wiinkoonpën, n'ijxypyës wa'ats tii miimp këtakpën. Tu'uk yë ja'ay pyëtsëma'any ma Jacob yë y'u'unk y'okën mëti'ipë nëjkx mëj'äämpy y'ityën. Yë'ë nëjkx y'ëne'emy ma Israel ja'ayëtyën. Nëjkxëp tjä'ä'ajta'ay jënu'un ja Moab tnitänën ja it naaxwiinyëtë, nëjkxëp tyajkutëkooytyä'äy ja ja'ayëty jampë tsyëënëtën ma Set ja y'u'unk y'okën.

Isaías 9:6

Jä'ä ko tëë tyam myiny jyä'ty tu'uk ja mëxu'unk ye'etyëjkpë, tëë tyäky ja Wintsën tu'uk ja u'unk maay mëti'ipë të yajmo'oyën ja mëk'ajtën kutujkën ets y'ënä'ämëty yajkutukëty, ets jä'ä nëjkx yajtijy: Kajpxwijpë mëti'ipë mëj këjää winë tyuunpy kyäjpxypën, mëk Tios, xëmëpë Tyeety'ätyën, mëti'ipë nyikopk'ajtypyën ja jotkujk'ajtën.

Isaías 42:1

Tyaajës ja ntuunpë mëti'ipës mëk n'ijx'ijty nkëwent'ajtypyën, mëti'ipës të nwin'ixyën ets mëti'ipës ntukxoontäkpyën. Tëës nmo'oy yë nmëk'ajtën ets tunëty ja nipaye'eyën tëy tëtä'äky ma ja naax kajpnën.

Salmos 60:7

Galaad ets Manasés ëjts yë njä'ä; yë Efraín jëtu'unës njawë tääjës jeexyë yë nkujup nkëpajkëjxy nyaj'ityën; Judá jëtu'unës njawë tääjës yë ntajkën mëti'ipës mëët winë ni'ënä'ämën.

Isaías 33:22

Ja nyitejpxy ka'ap nëjkx myäyë wi'ix tmajts'itëtyën; ja nyinikäm ka'ap nëjkx wyo'onwä'kxy. May nëjkx ja wit meeny yajpëjkëtë ja mëtsip, yë'ëpaat ja tekymya'at ets ja kë'ëma'atpë nëjkx tpaaty ja wit meeny. Jä'ä ko yë Wintsën mëtëy nyipaye'ey, mëti'ipë yajtuumpyën ja ënä'ämën mëti'ipë nkutujkpë'ajtëmën, yë'ë xyajtso'oka'anëmë.

Hebreos 7:14

Yajnija'ap wa'ats ko ja Wintsën jam pyëtsiimy ma Judá y'u'unk y'okën, yë Moisés ka'ap ojts nikäjpxy ko jam pyëtsëma'any ja teety ma ja Judá ja y'u'unk y'okën.

Zacarías 10:11

Nëjkxëp tuknaxtë yë Egiptë juukymyejy, ko ënäty ja nëë o'pky n'apëjktukyës. Nyajtë'ëtsäämpyës yë Nilë nëë këkpaat; nyajma'atäämpyës tëkokyë mëti'ipë yë Asiria ja'ayëty nätyukmëjja'awëtëpën ets nyajkutëkooytya'aja'anyës yë Egiptë kyutujkën.

Ezequiel 21:27

Aak potsykyutuk nëjkx nyajwë'ëmta'ayës xii yaa. Je'eyëp ko ya'atë ëyo'on yë'ë nëjkx tyaj'ity yë mëti'ipë patëpën ets mëti'ipës të xykyexyën, yë'ë nëjkx tpaye'eytyä'äy winë mëtëy.

Apocalipsis 11:15

Ko ja mëwëxtujkpë ja tsajpjotmëtë kukäjpxy tukxuxy ja pujxnxuxn, ënät kanaakpëky ja mëto'owën mëk yajmëtooy jam tsajpjotm ets y'ënä'äny: Tëë ja Wintsën ets ja Kristë tyajtso'onta'aktë ja kyutujkën naaxwiiny ets yajkutuka'antë xëmëkyëjxm.

Romanos 15:12

Näyjyëtu'un ja Jeséas ojts y'ënä'äny: Jotkujk ja Jesé ja y'u'unk y'ok y'ita'any, mëti'ipë yajkutukaanpën ma ja naax kajpnën, ets ja ja'ay yë'ë tyuk'ijxpäta'anyë.

Juan 12:32

E koos naaxkëjxy ntsoonëty etsës npa'tëkëja'any tsajpjotm, nyajnëjkxta'ajäämpyës ja ja'ay ma ëjtsën.

Zacarías 2:11

Ko ënäty jëtu'un tyunyë jyätyë, may yë naax kajpn tnimina'any yë Wintsën. Ets Wintsën nëjkx y'ënä'äny: Tyaapë kajpnëty nän ëjts yë nkajpn. Ënätës nëjkx ntsëënë ma miitsëtyën. Jëtu'un nëjkx xywyinjawëtë ko yë Wintsën mëti'ipë maaytyääyëpën winë yë'ëjës të xykyexy.

Jeremias 30:21

Jam nëjkx pyëtsimy mëti'ipë nikopk'atëtëpën, tu'uk ënä'ämpë jam tsyoona'any ma yë'ëjëtyën. Nëjkxëpës n'ëwa'atsy etsës xymyëwinkontëty, ¿pën ëkmayëtëp ëjts xymyëwinkonëty? Yë'ë nëjkx nkajpn'atyës, ëjts nëjkx xyTyios'atës. Ëjts Wintsën, ëjts ënaanp.

Isaías 11:10

Jä'ä xëëw yë Jesé mëti'ipë jëtu'un tä kepyjyi'tskën, ijxpäjtën nëjkx wyi'imy ma wiinkëtypë naax kajpnën; nëjkxëp nyiminyë wiinkëtypë naax kajpn, ja it naaxwiinyëtë ma tääpë kajpn yajpaatyën, mëj'äämpy nëjkx y'ity.

Juan 19:15

Ets mëk yujk'ënantë: Wä'än t'ooky. Wä'än t'ooky. Yajkruutspät. Ets ja Pilato yajtëëwëtë: ¿Mtsojktëp ets nyajkruuspätëtyës mëti'ipë mkutujkpë'ajtëpënë? Ets ja teety wintsëntëjk y'ëtsoowëtë: Ka'apës pën wiinkpë yajkutujkpë nmëët'atë, yi'iyë tu'uk ja yajkutujkpë kopk mëti'ipë Roma tso'onpën.

Mateo 1:21

Ye'eytyëjk y'ita'any. Jä'ä xytyukxëëwatëty Jesús, jä'ä ko ja jyä'äy tyajpokynyiwa'atsa'any.

Isaías 62:11

Tëë ja Wintsën tuk'ëwa'anëtyä'äy ja naax kajpn naaxwiinyëtë apëtsëmy: jëtu'un të t'ënëëmë Ënëëmëtë yë Sión kajpn ko tëë jyä'ty ja Yaj'ëwaatsëpëtsëëmpë. Yë Wintsën tëë ja nyaax kyajpn tyaj'ëwaatsëpëtsëmy, yë'ë yajmiimpy.

Oseas 11:12

Yë Efraín je'eyës xywin'ëëny; je'eyë y'antä'äky yë Israel kajpn maas ëjtsën. Yë Judá ja'ayëty tëë jyëwa'knëtë maas ëjtsën, tyam yë'ë oy myëtuunëp yë awinax.

Isaías 60:1

Pëtë'ëk mijts Jerusalén kajpn, nätyukwinpitët ja jajën të'kxën, jä'ä ko tëë ënät mnija'tyënëm ja të'kxën jajën, ets ja Wintsën ja myëj'ajt y'oyajtën yë'ë mkutë'kxëp.

Isaías 2:2

Tsojk yajnijawëja'any jëna'a jotkujk yajpaata'anyën ja Sión kopk, ma ja Wintsën ja tsyajptëjk yajpaatyën. Jää nëjkx myintë may ja ja'ayëty.

Salmos 108:8

Galaad ets Manasés ëjts yë njä'ä, Efraín yë'ëjës jëtu'un nyajnajxyp tääjës yë nkujupën mëti'ipës yë nkëpajk ntuk'ëtujkpyën, e yë Judá yë'ëjës ntukmëët'ajtyp yë nkutujkën.

Números 21:18

Ja tu'uwinye'epyë ojts tnitajëtë ja nëë mëët ja kepy, mëti'ipë myëët'ajtypyën ja kutujkën; ja wintsëntëjkëty jampë yajpaatën ma ja naax kajpnën ojts tyajni'ëwa'atstë ja nëë mëët ja tyajkëty mëti'ipë yajmëjnajxpën. Jam të'ëts'itum jam tsyo'ontë yë Israel ja'ayëty ets jyajtë Mataná.

Mateo 25:32

Ets ja naaxwiinyëtë ja'ay ni'ëmukë nyämyuka'anët ma yë'ëjën ets twoowa'kxa'any ja ja'ay, jëtu'un tä yë kupixyny këwent'ajtpë twoowä'kxyën ja kyupixyny ets ja tsyajppax.

Mateo 21:9

Tääts ja ja'ay wintuuy jëxkë'ëy tyëjkëtyë yaxpë jojkpë: Hosana. Mëj jaanty yë yajkutujkpë David y'u'unk y'ok. Tios kënu'kxëtëp mëti'ipë të kyexyën yë Wintsën. Hosana. Mëj jaanty yë Tios.

Mateo 17:5

Tam ënäty ja Pedro jëtu'un kyäjpxy ko ja yoots mëti'ipë ajajpën nyiju'uxëtë ets jap yootsjoty yajmëtooy tu'uk ja ayuk mëti'ipë ënaanpën: Ya'atës n'U'unk'ajtyp, mëti'ipës ni'ik ntsojkpyën. Ntukxoontäkpyës yë'ë. Mëtoow'itë, mëti'ipë nyikäjpxypën.

Hageo 2:7

Nyajyu'kxta'ajäämpyës yë naax kajpn wiinkëtypë muum yajpaatën ets tmëmintëty yë wyit myeenyëty ets jyotkujk'ajtënëty maas yë ntsajptëjkën ets ja ntsajptëjkës y'utsa'any mëët yë mëj'ajt oyajtën. Yë Wintsën mëti'ipë maaytyääyëpën winë, yë'ë jëtu'un ënaanp.

Daniel 9:25

Kopkpëky ko xynyijawëty ets xyjyä'äkyukëty ya'atë: Ma ënäty yajni'ënä'ämën ets yajkoj'oyëty jatëkok ja Jerusalén kajpn ets ma ënäty jyä'tyën ja yajkutujkpë mëti'ipë kënu'kxyën, jä'ä y'itëty wëxtujk sëmaan ets ja në'ë tu'uk ets ja potsy mëti'ipë yaj'akojëjaanpën ma Jerusalén kajpn jä'ä nëjkx pyo'oxy tëkë'px mäjtsk sëmaan, je'eyëp ko mëk nëjkx ja amay jotmay jää y'ity.

Ezequiel 19:14

Ma xye'entyën jëën jam pëtsëëmp mëti'ipë yajtoopyën ja jyi'tsk. Ka'ap tii xye'entynyë juunpë mëti'ipë ja yajkutujkpë tyajk'atëpën. Ya'atë ëy o'kpë ëy yë'ë, jää yaj'ëwëty ko pën y'ookëty.

2 Corintios 5:10

Jä'ä ko ni'ëmukë nëjkx nwa'këxë'këmë ma ja Kristë ja kyutujktaknën, ets nitu'ukjaty n'ëxajëmëty mëti'ipë xypyaat'ajtëmën ijxtëm ënäty tii oy ka'oy të ntu'un të nkajpxëmën ko të njuuky'ajtëm ma ja ni'kx'ajt nkopk'ajtëmën.

Juan 19:12

Ja Pilato kanaakjëjp ja winma'any tja'ixtaay ets tja'ëxmatsany ja Jesús ëwaatsëtuuy; je'eyëp ko ja jutiis ja'ayëty ni'ikyë ojts tyëkëtë yaxpë jokpë: Ko xy'ëxmatsëty ëwaatsëtum, ka'ap ënäty mijts xymyëku'ukjawë ja yajkutujkpë kopk. Oypyënëty pën nätyijëp yajkutujkpë, nämyëtsip'ajtëp mëët ja yajkutujkpë kopk.

Juan 18:31

Ënät ja Pilato y'ënëmaayëtë: Mënëjkxtë ets paye'eytyë ijxtëm ja m'ënä'ämën myintën. Ets ja jutiis ja'ayëty y'ëtsoowtë: Ka'apës ja kutujkën nmëët'atë etsës ja ja'ay nyaj'ooktëty.

Ezequiel 19:11

Mëjatyëty ojts xye'enty tpëjktä'äky, ojts yë yajkutujkpëtëjk tajk'atë, këjxm yajxon yoony, jampaat kyu'ujty yootsjotm.

Juan 9:7

Tä t'ënëmaay: Nëjkx jam mwinpujy ma ja Siloé nëëjën. Jä'ä nyiwijy Kexyye'epyë. Tääts ja wiints ojts nyijkx winpujpë. Ko wyiinpujtaay, ënätyë y'ijxë'ky.

Deuteronomio 28:57

Mëët ko ënäty tkayaka'any ja mëxu'unk mëti'ipë yajminäämpyën naaxwiiny ets ja ne'pyny mëti'ipë pëtsëëmpën ma ja u'unk tyajmëxu'unk'atyën ets ayu'utsyë tsu'utsa'any, mëët ko ënäty ka'ap t'ëkmëët'ajnë tii jyë'kxëpën, mëët ko ja mëtsip ka'ap yajjotkujk'atyë ma ja naax kajpnën.

Jeremias 33:26

nijëna'ajës nka'ixtija'any yë Jacob ets ntuunpës David yë y'u'unk y'ok, ka'apës nijëna'a ntu'u'ëtuka'any yë Abraham, Isaac ets Jacob y'u'unk y'ok ets yajkutuktëty. Jä'ä ko npa'ëyoowtëpës paaty jatëkok nyajjotkujkëja'antës.

Números 24:19

Tu'uk yë ja'ay jam tsyoona'any ma Jacob yë kyajpnën mëti'ipë myëmëtakta'ajäämpyën tu'kë'ëyë yë naax kajpn ets ja ja'ayëty mëti'ipë ënäty jam jaakjuuky'ajtëpën nëjkxëp tyaj'o'kta'ay.

2 Samuel 7:13

Yë'ë ja ntsajptëjkës kyojëp ets xëmës ja kyutujktakn nyaj'ita'any.

2 Samuel 7:16

Yë mtëjk ets mkutujkën mëj'äämpy nëjkx xëmë y'ity, jä'ä ko ëjtsës ntimmyajts'itäämpy ets näjyëtu'un yë mkutujktakn xëmë y'ijtëwëty kojy mä'kxy.

1 Crónicas 12:24

ma ja Judá jyä'äyën, jä'ä nyiwinë'ajtë tëtujk mil ja tuktujk mëko'px, aak pujxnxoxyëty, aaktam kyu'umënëty ets oytyuny yajxon yajpaatë ets tsyiptuntëty.

1 Crónicas 12:39

Tëkëëk xëëw mëët y'ijtë jëtu'un ja David, ku'uxyë kyääytyë y'uktë, jä'ä ko ja myëku'uktëjkëty jëjp'ixy ënäty jam tim yaj'itë ja ka'ayën ukën.

Salmos 60:9

¿Pënës xy'ëkwoownëjkxëp jam ma ja naax kajpnën napotsypë? ¿Pënës xy'ëktu'uwinwowëp etsës nja'tëty jam Edom?

Salmos 78:68

pën tëy ojts twin'ixy, ja Judá ja y'u'unk y'ëna'k ets ja Sión kopk mëti'ipë oy tsyojkpy jya'apën.

Isaías 55:3

Nimiintëkës ets ja'akyukëtë n'aaw n'ayukës, mëtoow'ijtëkës ets mjuuky'atëty. Ëjts ntunäämpyës tu'uk käjpxytyu'unën xëmëkyëjxmëpë y'itëtyën, ets nyaj'atëwa'anyës ja waantakën mëti'ipës ja David ojts ntukwinwanën.

Ezequiel 21:32

Nëjkxëp mnitoy ets m'ookëty; yë mjot mne'pny jëtu'unyë nëjkx tyäämjëtijta'ay maajaty yë naax kajpnën ets ni pën nëjkx mkaja'amyetsyë. Ëjts Wintsën, ëjts ënaanp.

Miqueas 5:1

Mijts Jerusalén kajpn, yajtu'ukmuk jatëkok yë mtsiptuunpëtëjk ets mnäkyuwa'anëtëty, jä'ä ko tëë yë mnaax mkajpn nyatuky, yë'ë mëk tyiytyunantëp mëti'ipë jam ënä'ämpën ma Jerusalén kajpnën.