Génesis 48:9 - Biblia Mixe de Quetzaltepec

⁹ Ëjts yë n'u'unk n'ëna'k, mëti'ipës yë Tios të xymyo'oy të xykyexyën yaa Egiptë, jëtu'un y'ëtsooy yë José. Ënät yë tyeety y'ënëmaayë: Tun yë mëyajtën yaa yajmëjwa'aktë winkon, wä'änës n'ëkënu'kxtë.

Biblia Dc en Mixe de Quetzaltepec

⁹ Ëjts yë n'u'unk n'ëna'k, mëti'ipës yë Dios të xymyo'oy të xykyexyën yaa Egiptë, jëtu'un y'ëtsooy yë José. Ënet yë tyeety y'ënëmaayë: Tun yë mëyajtën yaa yajmëjwa'aktë winkon, wä'änës n'ëkënu'kxtë.

Génesis 48:9 ပူးပေါင်းရင်းမြစ်များ

Génesis 30:2

Ënät yë Jacob ojts tukjoot'anpëky yë tyo'oxytyëjk ets t'ënëmaay: ¿Tii ëjts Tios'ajtpë? Yë Tios yë'ë tyajkutuky ets u'unk maay xymyëët'atëty.

Génesis 33:5

Ko t'ijxy ja Esaú ja to'oxytyëjkëty ets ja y'u'unk y'ëna'këty, ënät tyajtëëy: E ya'atë to'oxytyëjkëty mëët yë y'u'unk y'ëna'këty. ¿Pën yë'ëjëty? Tä Jacob y'ëtsooy: Ëjts yë n'u'unk n'ëna'k mëti'ipës yë Tios të xymyo'oy të xykyexyën.

Génesis 49:28

Ya'atë jëtu'un nimajkmäjtskpë y'u'unk'ajtyp yë Jacob, mëti'ipë yajtijpën näjyëtu'un Israel. Yë'ë ya'atë aaw ayuk kyajpx ko yë y'u'unk y'ëna'k tmooy yë kënu'kxën nitu'ukjaty.

1 Crónicas 25:5

Tëkokyë ya'atë ja'ayëty aakyë'ë Hemán y'u'unk y'ëna'k ijtë, mëti'ipë ojts ja Wintsën tkäjpxynyajxpë'atyën mëti'ipë myëtuuntën ja yajkutujkpë, jëtu'un ijxtëm ënäty ja Tios të y'ënë'ëmxëtyën ko mëj'äämpy yajnaxa'anyë ma ja naax kajpnën; e jëtu'un jyänty ixë'ajty, yë Tios ojts Hemán y'u'unk y'ëna'k tmo'oy, majkmajkts ye'etyëjkpë ets tëkëëk to'oxytyëjkpë.

Salmos 127:3

Yë n'u'unkëtyës mëti'ipë miintëpën naaxwiiny naaxkëjxy, yë'ë tu'uk mëj näkyënu'kxë mëti'ipë Wintsën yäjkpyën.

Isaías 8:18

Ëjts ets mëëtës yë n'u'unk n'ëna'k mëti'ipës yë Wintsën të xymyo'oyën, jëtu'un ëëts nnaxtë tä tu'uk yë ijxpäjtënën mëti'ipë mëj'ajtën mëëtën ma Israel kajpnën, mëti'ipë yë Wintsën të tpëjktä'äkyën mëti'ipë maaytyääyëpën winë, mëti'ipë tsënääpyën ma ja Sión kopkën.

Deuteronomio 33:1

Ka'anëm ënäty ja Moisés y'ookynyëm, mëti'ipë ja Tios myëtuunën, ko ja Israel ja'ayëty ojts t'ëkjaakënu'kxnë,

Hebreos 11:21

Ko ja Jacob ënäty y'ookanë, mëët ko myëpëjky ojts tukwinwanën ja näkyënu'kxën ja José ja y'u'unk y'ëna'k ets ja Tios tmëjja'aw tjaantyja'awëy je'eyë nyäkyëxmëtakë ma tyäjkyën.

1 Samuel 1:20

Tä ja Aná ja y'u'unk myääy tyajja'ajty naaxwiiny ets txëëwmooy Samuel. Jä'ä ko ja Wintsën ënäty të tpëjktsoy.

1 Samuel 1:27

Etsës yë Wintsën n'amëtooy etsës xykyë'ëmo'ojëty tu'uk yë u'unk maay, e yë'ë tëëjës xyäntymyo'oy.