Génesis 47:9 - Biblia Mixe de Quetzaltepec

⁹ Ënät yë Jacob y'ëtsooy: Ëjts mëko'px ja i'px majkës tyam yë njëmëjtnë maas jëtu'unyë naxy ntëkën xii yaa ets wäänës njawë të njuuky'äty, je'eyëp ko mëk oyës ka'apës yam jëtu'un oy ntimjyuuky'ätynyëm ijxtëm ojts ja n'ap n'okës jyuuky'atën.

Biblia Dc en Mixe de Quetzaltepec

⁹ Ënet yë Jacob y'ëtsooy: Ëjts mëko'px ja i'px majkës tyam yë njëmëjtnë maas jëtu'unyë naxy ntëkën xii yaa ets wäänës njawë të njuuky'äty, je'eyëp ko mëk oyës ka'apës yam jëtu'un oy ntimjyuuky'ätynyëm ijxtëm ojts ja n'ap n'okës jyuuky'atën.

Génesis 47:9 ပူးပေါင်းရင်းမြစ်များ

Génesis 11:11

Ko yë Sem y'u'unk myääyëty myëxu'unk'ajtë, jä'ä ojts jyaakjuuky'äty mëkoxk mëko'px jëmëjt ets ojts tmëët'atë y'u'unkëty ye'etyëjkpë to'oxytyëjkpë.

Génesis 35:28

Jä'ä ënäty yë Isaac yë jyëmëjt mëko'px ja majkta'px ko ojts y'o'knë.

Génesis 47:28

Jä'ä ojts yë Jacob jap jyaakjuuky'äty Egiptë majkmokx mäjtsk jëmëjt. Paaty ko ojts y'o'knë, jä'ä ënäty yë jyëmëjt mëko'px ja wëxtyikxy wëxtujk.

Génesis 47:8

e yë yajkutujkpë ojts yajtëyë: ¿Jënu'un mijts tyam yë mjëmëjtnë?

Génesis 5:27

Paaty yë Matusalén jä'ä ojts kä'pxy jyuuky'äty taxtujk mëko'px ja tëkë'pxtaxtujk jëmëjt. Ets jää ojts y'o'knë.

Génesis 50:26

Ko ojts yë José y'o'knë, jä'ä ënäty yë jyëmëjt mëko'px ja majk ets nyini'kx ojts yajtsooykyuutsy ets ojts yaj'apëkë kajoonjoty.

1 Crónicas 29:15

Mijts mwintuuy aak jaaypyo'kxyjyä'äy ëëts nyajpaatë, nnë'ëye'ey ntu'uye'eytyës, näjyëtu'un tä jyuukyajtën ëëts ja n'aptëjkëty nän timjëtu'un ëëts ja n'ap n'okëty y'ijtë, ëëts ja njuukyajtënëty yaa naaxwiiny naaxkëjxy jëtu'un ja je'eyë nyajxkojy tu'ktsojkyë tä tii y'a'äpkën tu'ktsojkyë ko xëëw'an nyäxy, tiis n'ëkjaaktimy'ëwxitëp.

Job 14:1

Yë naaxwiinyëtë ja'ay mëti'ipë to'oxytyëjk të yajminy të yajke'exyën, wäänë jyuuky'äty ets ko jyuuky'äty, je'eyë amay jotmay tmëët'aty.

Salmos 119:19

Ëjts jaaypyaat jaaypyo'kxyënës yaa njuuky'äty naaxwiiny naaxkëjxy; këtiis xytyukwinkuyu'utsy yë m'ënä'ämën mtëyajtën.

Salmos 119:54

Maas ëjts jaaypyaat jaaypyo'kxy nyajpaatyën, yë m'ënä'ämën mtëyajtën yë'ëjës xëmë janty xoontä'äky xyaj'ijtp.

Salmos 39:12

Wintsën, mëtoow'ijtkës yë ntsajpkäjpxy, ja'akyukë tiijës ko një'ëy nyä'äxy, këtii amonyë m'itëty maas një'ëy nyä'äxyën. Ëjts jëtu'unës nnäjyawëty tä jaaypyaat jaaypyo'kxyën ma mijtsën, tä yë joon kyääkjëtityën, tääjës yë n'ap n'okën.

Salmos 39:13

Këtiis nëkoo xywyintë'kxy, yajpo'kxkës; maanëmës ka'ap n'ooky ntëkoynyëm.

Salmos 39:5

Janty wäänës yë njuukyajtën të xytyimmooynyë; yë njuukyajtënës mijts mwintuuy ka'ap nijënu'un tii tkëjxmëty. Tëkokyë yë ja'ayëty jëtu'un yaa naaxwiiny jyuuky'ajtkojtë tä yë ja'ay myëkxejyën.

Éxodo 6:4

Ntuunës tu'uk yë käjpxytyu'unën mëët yë'ëjëty etsës ojts ntukwinwanëtë, ko nmo'oja'antë tu'uk yë it naaxwiinyëtë jam Canaán. Yë'ës n'antijpy ja naax kam ma ojts miitsëty m'ëk tsënaaytyëpën, tä yë jaaypyaat jaaypyo'kxyën.

Éxodo 7:7

Moisés jä'ä ënäty yë jyëmëjt majkta'px, e yë Aarón jä'ä yë jyëmëjt majkta'px tëkëëk ko më''ëka'any myëtyaktë mëët ja yajkutujkpë.

2 Corintios 5:6

Paaty xëmë ntukjoot'amëj'ajtëmë. Nnija'awëm ko yaa njaakjuuky'ajtëmë mëët ja ni'kx'ajt nkopk'ajtëm, ka'anëm nja'ajtëm ma ja Wintsën y'ityën,

Deuteronomio 34:7

Ko yë Moisés y'o'ky jä'ä ënäty yë jyëmëjnë mëko'px ja i'px, ka'ap ojts nijëna'a yë y'ijxën myony ets nijëna'a ojts kyapëky kya'ixyë, tyim'o'ky jëtu'un.

Hebreos 13:14

Yaa naaxwiiny ka'ap yaa ja kajpn nmëët'ajtëm mëti'ipë xëmëkyëjxm itëpën, yë'ë n'ixta'ayëm ja naax kajpn mëti'ipë miimp wiinkoonpën.

Santiago 4:14

Nijënu'un xykyanijawëtë mëti'ipë jëpom tunan jatanëpën. Jëtu'un miitsëty ijxtëm ja maanikën, wäänë y'ity ets tyëkoy.

Josue 24:29

Wäänë jyaak'ijty, tääts ojts yë Josué y'o'knë, Nun yë myaank, mëti'ipë tmëtunyën yë Wintsën; jä'ä ënäty yë jyëmëjnë mëko'px ja majk ko ojts y'o'knë.

1 Pedro 2:11

Mëku'uktëjkëty jëtu'un yam miits nmënu'kxta'aktë tääjës jeexyë ëjts njaaypyo'kxyjyä'äyëtyën tëyëpë nyäxyën yaa naaxwiiny; ko ka'ap xyajmëta'aktëty ja yääyëpë naaxwiiny yajxoontä'äkyën mëti'ipë ja n'anëmë'ajtëm ka'ap tkupëkyën.