Génesis 47:7 - Biblia Mixe de Quetzaltepec

⁷ Ënät yë José ojts yë tyeety Jacob jam twoownëjkxy ma yajkutujkpën ets tkajpxpo'kxa'any. Yë Jacob mëët ojts yë näywyinkutsë'kën tkajpxpo'kxy yë yajkutujkpë,

Biblia Dc en Mixe de Quetzaltepec

⁷ Ënet yë José ojts yë tyeety Jacob jam twoownëjkxy ma yajkutujkpën ets tkajpxpo'kxa'any. Yë Jacob mëët ojts yë näywyinkutsë'kën tkajpxpo'kxy yë yajkutujkpë,

Génesis 47:7 ပူးပေါင်းရင်းမြစ်များ

Génesis 47:10

Ënät yë José ojts nyäjyëkäjpxyë ma yajkutujkpë ets jatëkok jam tsyo'ony.

1 Pedro 2:17

Wintsë'ëkëtë ni'ëmukë mëjpë mutskpë, tsoktë ja mëku'ukëty, wintsë'ëkëtë ja Tios ets ja yajkutujkpë kopk.

Lucas 22:19

Tääts ja tsajpkääky tkoonë'ky ets näjyëtu'un ja Tios ojts tkukajpxë, tääts ojts tujkwä'kxy ets tmooy ja y'ijxpëjkpëtëjk ets y'ënäny: Ëjts ya'atë ni'kx nkopk mëti'ipës nyäjkpyën ets miits xytyuk'oy'atëty, yë'ë tuntë ets xytyukja'amyätstëtyës.

Mateo 26:26

Näy tam ënäty kyäytyë, ko ja Jesús ojts tu'uk tkoonë'ëky ja tsajpkääky ets ojts tkënu'kxy, tä tujkwä'kxy ets tmooy ja y'ijxpëjkpëtëjk ets y'ënäny: Kaytyë. Ëjts ya'atë nni'kx nkopk.

2 Reyes 4:29

Tä ja Elisejë t'ënëmaay ja Guehazí: Nänyipëjktaakët, pakap yë ntajkës ets mnëjkxëty jam xim. Ko pën xypyaatëty këtii xykyajpxpo'kxëty; ëkë ko pën mkajpxpo'kxëp këtii xy'ëtsowëty. Tääts jam yë ntajkës xykyëxkapëty ma ja pi'k ëna'k ja wyiin jyëjpën.

1 Reyes 1:47

ets ja David ja wyintsëntëjk tëë ojts tkajpxpo'kxtë, tëë t'ënëëmëtë tyajwinpätëty ja naax kajpn mëët ja y'ënä'ämën kyutujkën ets mëj'äämpy ni'ik tyajwinpëtsëmëty këtiinëm jyëtu'unëty ja David. Yë'ëpaat yë David tëë jam wyiitykyëjxm tmënu'kxtä'äky yë Wintsën,

2 Samuel 19:39

Tëkokyë ja ja'ayëty ojts ja Jordán mëjnëë tuknajxta'atë. E ko ja yajkutujkpë ojts tuknajxtaaynyë ja mëjnëë, ënät ojts mëët ja Barzilai nyäjyëkajpxënë. Jëtu'un'äämpy ja Barzilai ojts jam nyëjkxnë ma kyajpnën.

2 Samuel 14:22

Ënät ja Joab ojts wyintä'äky nyaaxkoy, tyajnikëxë'ëky jëtu'un ja näywyinkutsë'kën ets ojts tkënu'kxy ja ënä'ämpë, t'ënëmaay: Tyamës ënät n'ixy, ko mijts Wintsën xy'oyjya'apës paaty të xyjyä'äkyukë ja winma'any mëti'ipës ënäty ëjts nwinma'any'äjtypyën ets tëë myajtuknijawë ets xytyunëty.

2 Samuel 8:10

Ënät ja myaank tkejxy jam ma ja David yajpaatyën ets tuknikejxy yë poop pujxn, pu'ts pujxn ets tsuxkpujxn ets tkajpxpo'kxa'any ets tukxoonta'aka'any ko ja David të tyajtëkoy ja Hadad-ézer, jä'ä ko yë Toi xëmë ënäty myëmayëty yë Hadad-ézer.

1 Samuel 2:20

Ko ja Eli jëtu'un t'ijx, tä ijty tkënu'kxy ja Elcana mëët ja tyo'oxytyëjk. Yë Wintsën yë'ë mkumayëtëp mëët ya'atë to'oxytyëjk ets tjaakyajja'tëty yë u'unk maay mëët ko tu'uk të tukmëyoxy ja Wintsën. Ko jyëtu'un'ajty tääts jatëkok wyimpijnëtë ma ja jyëën tyëjkëtyën.

Josue 14:13

Jëtu'un'äämpy ojts yë Josué tkënu'kxy yë Caleb ets tmooy ja Hebrón it ets yë'ë tjä'ä'atëty mëët ja y'u'unk y'ok.

Éxodo 12:32

Yajnëjkxta'atë yë mtsajpkaajëty, mtsajppaxëty, mkupixynyëty, jëtu'un ijxtëm xytsyoktën. Jam näjyëtu'un yë Tios xymyënu'kxta'aktëty mëët ëjts.

Génesis 35:27

Ënät yë Jacob ojts yë tyeety Isaac tninëjkxy jam Mamré, ma ënäty tu'uk ja kajpn txëëwatyën Arbá ëkë Hebrón. Jam ma ënäty të tsyëënën yë Abraham ets Isaac.

Génesis 47:8

e yë yajkutujkpë ojts yajtëyë: ¿Jënu'un mijts tyam yë mjëmëjtnë?

Josue 22:6

Ko jëtu'un kyajpxtaay, tä ojts je'eyë t'ëkjaakënu'kxnë ets nyäy'ëxmajtsënëtë, tääts ojts tsyo'onëtë ets nyëjkxnëtë ma jyëën tyëjkëtyën.

1 Reyes 8:66

Ko tyuktujkxëëwpejty tä ja Salomón ja mayjyä'äy mëët nyäjyëkajpxtaayënë e yë'ëjëty ojts yajkutujkpë tkënu'kxtë. Tääts këëkjä'äjaty nyëjkxtaaynyëtyë ma ja tyëjkëtyën mëët akujk'ajt jotkujk'ajtën ko të t'ixtë wi'ix ja wintsën ja tyuunpë David oy të tkënu'kxyën ets wi'ix ja naax kajpn näjyëtu'un oy tyajmëj'atyën.

Génesis 14:19

ojts tkënu'kxy yë Abram mëët ya'atë aaw ayuk: Yë Tios Ni'ik Këjxmëpë mkënu'kxëtëp mjëkyäpëtëp, mëti'ipë yajkojën yë tsajp ets naaxwiinyëtë.