Génesis 47:31 - Biblia Mixe de Quetzaltepec

³¹ Tukajpxpät yë Tios ko jëtu'un xytyuna'any. Jëtu'un y'ënëmaay'ëtëtsë ja tyeety. Ënät yë José ojts tukajpxpety yë Tios, ko ënäty jëtu'un tuna'any, tääts ja Israel ojts wyintaknë myaapäjnkëjxm.

Biblia Dc en Mixe de Quetzaltepec

³¹ Tukajpxpät yë Dios ko jëtu'un xytyuna'any. Jëtu'un y'ënëmaay'ëtëtsë ja tyeety. Ënet yë José ojts tukajpxpety yë Dios, ko ënety jëtu'un tuna'any, tääts ja Israel ojts wyintaknë myaapäjnkëjxm.

Génesis 47:31 ပူးပေါင်းရင်းမြစ်များ

1 Reyes 1:47

ets ja David ja wyintsëntëjk tëë ojts tkajpxpo'kxtë, tëë t'ënëëmëtë tyajwinpätëty ja naax kajpn mëët ja y'ënä'ämën kyutujkën ets mëj'äämpy ni'ik tyajwinpëtsëmëty këtiinëm jyëtu'unëty ja David. Yë'ëpaat yë David tëë jam wyiitykyëjxm tmënu'kxtä'äky yë Wintsën,

Hebreos 11:21

Ko ja Jacob ënäty y'ookanë, mëët ko myëpëjky ojts tukwinwanën ja näkyënu'kxën ja José ja y'u'unk y'ëna'k ets ja Tios tmëjja'aw tjaantyja'awëy je'eyë nyäkyëxmëtakë ma tyäjkyën.

Génesis 24:3

Ets nikajpx mëët yë Tios xyëëwkëjxm, mëti'ipë Tios'ajtpën tsajpjotm ets naaxwiiny, ko këtii xy'a'ixëty ets nmaankës pyëkëty y'uukëty mëët yë to'oxy'ëna'k yaapë kyukajpn'atën Canaán, maas tyam ntsëënën njuuky'ätyën.

Génesis 47:29

Tëkok ojts yë Israel nyäjya'awënë ko tsojk y'ookanë. Ënät ja y'u'unk José tnikäjxëy ets nyiminëtëty tääts t'ënëëmëja'any: Pën janty tëyajtën koos mijts oy xytsyoky xyjyawë, pëjkta'ak yë mkë'ë maas yë mpuuypya'tkën ets nikajpx ko xytyuna'any mëti'ipë yam n'amëtowäämpy npëjktsowäämpyën. Tun yë mëyajtën këtiis xyajnaaxtëkëty yaa Egiptë.

Génesis 24:26

Ënät ja tuunpë nyäkyoxtënaaytyakë ets t'ëwtajty tmëpëjktsooy ja Wintsën,

Génesis 21:23

Paaty tyam nikäjpxyës, mëët Tios xyëëwkëjxm, ma yaa nyajpatëmën. Ko ka'ap wi'ix xytyuna'antës, ëjts mëëtës ja njëën ntëjk ja n'u'unk n'ëna'k, etsës ja n'u'unk n'ok. Nikajpx mëët Tios xyëëwkyëjxm ko oyës xyjyawëja'any, jëtu'un tä mijts oy të njawën, ets näjyëtu'un mëët tu'kë'ëyë mëti'ipë tsënaay juuky'ajtëpën ma ya'atë naax kajpnën ma tyam mtsëënën.

Génesis 21:24

Ënät ja Abraham y'ëtsooy: mëtëyës n'ëna'any.

Génesis 31:53

Wä'än yë'ë tkëwentëpëky yë Tios mëti'ipë yam nikajpxëmën nimëtyakëmën, mëti'ipë y'ëwtajtën yë mtatwelë Abraham etsës yë ntatwelë Nahor. Ënät yë Jacob ojts tukë'ëwan tukë'ëyaaxë ja Tios mëti'ipë ënäty jam y'ëëwmujk kyajpxmujktëpën, ja Tios mëti'ipë ja tyeety Isaac y'ëwtajtën.

Génesis 50:25

Ënät ojts tuknikäjpxy yë Israel yë y'u'unk y'ëna'k ets t'ënëmaay: Tëyajtën yë'ë ko Tios yë'ë mniminanëtëp. Ko jëtu'un nëjkx jyäty kyëpety myajtso'onta'atëp yaa yë nwaay npajkës.

Génesis 24:2

Paaty ojts tëkok t'ënëëmë ja tyuunpë mëti'ipë mëjja'aynyën mëti'ipë kyëwent'ajtypyën tu'kë'ëyë winë mëti'ipë ja Abraham myëët'ajtypyën. Tä t'ënëmaay: Pëjkta'ak yë mkë'ë ma npuuypya'tkënës.

Génesis 50:5

Koos ënäty yë nteety jam tyim'ookanë, ënätës ojts xy'ënëëmë koos jam nyajnaaxtëkëty ma kë'ëm të nyänyi''ixëtyën, jam jëtu'un t'antijy ma nyaaxjotmën yë Canaán. Paaty yam nmënu'kxtä'äky ets xymyo'ojëtyës yë najxtakn wä'änës nëjkx yë nteety n'ëkyajnaaxtëkë, e koos ënäty të nyajnaaxtëjkëtyä'äy täätsës jatëkok nwinpijtkojnëpëty.