Génesis 47:26 - Biblia Mixe de Quetzaltepec

²⁶ Jëtu'un ojts yë José tyajwë'ëmy yë ënä'ämën, ko tëkokyë yë naax kajpn kopkpëky ko tmo'otëty yë yajkutujkpë tu'kpëkyäty ma ja mëkoxkjatypyën, jënu'un ënäty winë tyaj'it tyajwintëwtën ma ja nyaax kyamëtyën. Ya'atë ënä'ämën kutujkën je'eyëm tyampaat tpatuntë yë ja'ayëty, yi'iyë yë teetyëjkëty ka'ap nitii ayajk ako'onën tyaktë, jä'ä ko yë nyaaxëty ka'ap ojts tkë'ëyaktë ma yajkutujkpën.

Biblia Dc en Mixe de Quetzaltepec

²⁶ Jëtu'un ojts yë José tyajwë'ëmy yë ënä'ämën, ko tëkokyë yë naax kajpn kopkpëky ko tmo'otëty yë yajkutujkpë tu'kpëkyäty ma ja mëkoxkjatypyën, jënu'un ënety winë tyaj'it tyajwintëwtën ma ja nyaax kyamëtyën. Ya'atë ënä'ämën kuttujkën je'eyëm tyampaat tpatuntë yë ja'ayëty, yi'iyë yë teetyëjkëty ka'ap nitii ayajk ako'onën tyaktë, jä'ä ko yë nyaaxëty ka'ap ojts tkë'ëyaktë ma yajkutujkpën.

Génesis 47:26 ပူးပေါင်းရင်းမြစ်များ

Génesis 47:22

Yi'iyë tëy yë José ka'ap tjaakjuuy yë nyaaxëty yë teetytyëjkëty, jä'ä ko yë yajkutujkpë may'äämpyëty ënäty tmo'oy mëti'ipë kyäytyëp y'uuktëpën; paaty yë teetytyëjkëty ka'ap ojts yë nyaax tooktë tyaktë, jä'ä ko yë'ë ënäty kyääytyëp y'uktëp mëti'ipë yë yajkutujkpë mooyëtëpën.

Ezequiel 7:24

Ëjts nyajminäämpyës yë ja'ay mëti'ipë ëxëëkja'ayëtyën ets yë'ë tjä'ä'atëty yë tëjk mëti'ipë jam ma naax kajpnën. Nyajkëxäämpyës yë myëj'ajt kyëjxm'ajtën yë ja'ayëty mëti'ipë tyam ënä'ämtëpën; nyajkutukäämpyës ets kyutëkooytya'ajëty maajaty t'ëwtatën yë y'awinaxëty.

Génesis 47:25

Ënät ojts yë'ëjëty y'ëtsowtë: Mijts wintsën janty'oy yë mjot mwinma'any xymyëëtëty mëët ëëtsëty, mijtsës yë njuukyajtën të xyajtsokëtë. Paaty tyam oy yë'ë yajkutujkpë nmëtuntëtyës.

Génesis 14:20

Tukxoontä'äky xëmë y'itëty yë Tios Ni'ik Këjxmëpë, mëti'ipë të mputëkëtyën, ko tëë yë mëtsip xymyëmëtakta'ay. Ënät yë Abram ojts majk tpupëky mëti'ipë ënäty myëët'ajtypyën.

Génesis 28:22

Ya'atë tsaa mëti'ipës yam npëjktäkpyën ijxpäjtën yë'ë, Tios jëna'a tyëjk'atëp ets xëmës nmo'oja'any tu'kpëkyjyäty ja majkpë, mijts Tios koos tii npaatëty n'ixëty, mëti'ipës ënäty mijts xymyoopyën xykyäjxpën.

Génesis 41:34

Ya'atë yë nwintsënës tyunëp, ko tnikajpxpätëty yë mëti'ipë ënä'ämëpën ets jyëtitëty maajaty ja kajpnën mëti'ipë yajmukëpën tu'kpëkyjyäty ma ja mëkoxkpëkpyën ma ënäty winë të y'ity të wyintëyën ma tu'kë'ëyë yë Egiptë tnitänën, wëxtujk jëmëjt ma winë y'ita'any wyintsën.

Levitico 27:30

Ja tu'kpëkpyë ma ja majkjatypë winë pyëtsimyën kamwinm tu'uwinm, Tios yë jyä'ä'ajtyp ets yë'ë mëpaat yajmo'oy.

Números 18:21

E yë Leví ja'ayëty, yë'ëjës yam nmoopy ets yë'ë tjä'ä'atëty mëti'ipë yë Israel ja'ayëty yajktëpën, tu'kpëky ma ja majk pëkpyën ko winë tpaatë t'ijxtë. Yë'ë myëju'uny'atëp, mëët ko jap tyuntë ma wit tëjkën ma näpyaatë y'ityën mëët yë Tios.

Deuteronomio 14:22

Ko winjëmëjt yë mpëjktä'äky xyajpëtë'ëktëty, nëjkxëp wäänë xypyupëktë mëti'ipë ja Wintsën mo'otëpën.

Deuteronomio 26:12

Ko ja mëtëkëëk jëmëjtpë tpaatëty, ma yajyäkyën mëti'ipë ënäty majk të yajpupëkyën ma ja mëko'pxpën oy tyimtiijëty, mëti'ipë të xyajpëtë'ëkyën mkamwinm mtu'uwinm ets ënäty ëpëky të xypyëjktakta'ay ets pën tëë näjyëtu'un xymyo'oy ja Leví ja'ayëty, jaaypyaat jaaypyo'kxyëty, ku'ooky'u'unk, ku'ookytyo'oxëty mëti'ipë yajpatëpën ma mnaax mkajpnëtyën ets jotkujk të xyajkay të xyaj'uuky.

Esdras 7:24

Mëk xyjyä'ämyätstëty ko ja'ayëty mëti'ipë tuuntëpën ma tsajptëjkën, tä yë teetyën, Leví ja'ayëty, tsajptëjk këwent'ajtpëty, tsajptëjk atënääpyëty, pätpë ja'axpëty mëti'ipë tuuntëpën ma tsajptëjkën ka'ap tjëkyepy kyëpätëty ets ka'ap tjëkyepy ni'ikyë tii n'amëto'owmëty.