Génesis 47:25 - Biblia Mixe de Quetzaltepec

²⁵ Ënät ojts yë'ëjëty y'ëtsowtë: Mijts wintsën janty'oy yë mjot mwinma'any xymyëëtëty mëët ëëtsëty, mijtsës yë njuukyajtën të xyajtsokëtë. Paaty tyam oy yë'ë yajkutujkpë nmëtuntëtyës.

Biblia Dc en Mixe de Quetzaltepec

²⁵ Ënet ojts yë'ëjëty y'ëtsowtë: Mijts wintsën janty'oy yë mjot mwinma'any xymyëëtëty mëët ëëtsëty, mijtsës yë njuukyajtën të xyajtsokëtë. Paaty tyam oy yë'ë yajkutujkpë nmëtuntëtyës.

Génesis 47:25 ပူးပေါင်းရင်းမြစ်များ

Génesis 33:15

Ënät yë Esaú y'ëtsooy oy'atëp: E min n'ëkyajwë'ëmyës mäjtsk tëkëëk yë nja'ayës mëti'ipë mëët minëtyën. Tä ojts yë Jacob y'ëtsoy: Tun yë mëyajtën. ¿Këtii nëkoo mnäjyotmaytyunyë?

Rut 2:13

Ënät ja Rut y'ëtsooy: Mijts janty'oy mja'ay'äty mëët ëjts, yë m'aaw m'ayuk janty jotkujkës xyajnäjyawëty. Mëët ja aaw ayuk oypyë të xymyëkäjpxyës, oyës nkajëtu'unëty tä nitu'ukën yë mtuunpë.

Génesis 50:20

Miitsëty jëtu'un ojts mjamay mjatajtë ets nyätyijyë ëxëëk xytyuna'antës e yë Tios yë'ë të tyajtëkatsy yë ëxëëkpë mëët yë oypyë ets ntunëtyës mëti'ipë tyam m'ijxtëpën mkoowtëpën: ets jëtu'un tsyo'okëty may yë ja'ay yë jyuukyajtën.

Génesis 41:45

Yë yajkutujkpë ojts yë José yë xyëëw tyajtëkajtsë, jä'ä txëëwmooy Safenat-panéah, jëtu'un ijxtëm ënäty jap Egiptë kyajpxtën ets tyajpëjky mëët tu'uk ja to'oxytyëjk jä'ä xyëëwajtyp Asenat, yë'ë nyëëx yë Potifera, mëti'ipë ënäty tuunpën teety ma tsajptëjkën, jam ma ja kajpn txëëwatyën On. Jëtu'un'äämpy yë José ojts ja naax kajpn tmëwë'ëmy ets t'ënä'ämëty jap Egiptë.

Génesis 18:3

Tää t'ënëmaay: Wintsën tuntë mëyajtën ets ka'ap ënätyë mwinpitëty.

Génesis 6:19

Näyjyëtu'un yë jëyujkëty nëjkxëp jap xypyëjktä'äky ma kepytyëjkën nëëwinye'epyë, aaktu'kyä'äy tu'kto'oxyëty, yä'äypyë ets to'oxypyë. Wä'än timmyëti'ipë jëyujkëty jënu'un yajpaatyën yaa naaxwiiny ets yë'ëjëty näjyëtu'un nëjkx wyë'ëmtë juuky'ajtpë yaa naaxwiiny ijxtëm mijtsën.

Génesis 47:24

Mëti'ipë tëy mtuntëp, tu'kpëkyjyäty nëjkx xypyupëktëty ma ja mëkoxkjatypyën ets yë'ë ja yajkutujkpë xymyo'otëty, e ja taxkpëkpyë ënäty wyi'imyën yë'ë ja mëti'ipë mni'iptëpën ets mëti'ipë mjë'kxtëpën mpëktëpën mëët yë m'u'unk m'ëna'këty ets tu'kë'ëyë jënu'un y'itën ma mjëën mtëjkëtyën.

Génesis 47:26

Jëtu'un ojts yë José tyajwë'ëmy yë ënä'ämën, ko tëkokyë yë naax kajpn kopkpëky ko tmo'otëty yë yajkutujkpë tu'kpëkyäty ma ja mëkoxkjatypyën, jënu'un ënäty winë tyaj'it tyajwintëwtën ma ja nyaax kyamëtyën. Ya'atë ënä'ämën kutujkën je'eyëm tyampaat tpatuntë yë ja'ayëty, yi'iyë yë teetyëjkëty ka'ap nitii ayajk ako'onën tyaktë, jä'ä ko yë nyaaxëty ka'ap ojts tkë'ëyaktë ma yajkutujkpën.

Génesis 32:6

Ko ojts wyimpijnëtë mëti'ipë yaj'ëyukye'eytyëpën, ënät t'ënëmaaytyë ja Jacob: Tëës ojts n'ixtë ja m'ajty Esaú, jëtu'un të y'ëtsoy ko tää kë'ëm myina'any ets m'ixa'anyë mpaata'anyë mëët nimajktaxk mëko'px yë jyä'äy.