Génesis 45:15 - Biblia Mixe de Quetzaltepec

¹⁵ Ënät yë José tmajtstaay tmënääntaay yë myëkä'äxtëjk ets ojts tsu'kxy nitu'ukjaty, tääts tyëjkëy yaxpë, ko jëtu'un y'ëknajxy, tää ojts ja myëkä'äxtëjk myëkajpxëtënëm.

Biblia Dc en Mixe de Quetzaltepec

¹⁵ Ënet yë José tmajtstaay tmënääntaay yë myëkä'äxtëjk ets ojts tsu'kxy nitu'ukjaty, tääts tyëjkëy yaxpë, ko jëtu'un y'ëknajxy, tää ojts ja myëkä'äxtëjk myëkajpxëtënëm.

Génesis 45:15 ပူးပေါင်းရင်းမြစ်များ

Lucas 15:20

Ënät tyu'utëjkëy ets ojts nyijkx ma ja tyeety ja tyëjkën. Jëkämnëm ënäty myiny ko ja tyeety y'ijxpatë, tääts pëyi'ikyë nyitso'onë ets pya'ëyoowë ets myënäänë ets tsyu'kxë.

Hechos 20:37

Tääts yaxtë ets ni'ëmukë tmënääntë ets tsu'kxtë ja Pablo.

Salmos 77:4

Wintsën, këtiis xy'ëxmatsëty etsës yë tsuu ma'ay xynyiminëty; janty ëtukyës yë njot nwinma'any yajpaaty, ni yë'ë tkajëkyepy wi'ixës nkajpxëty.

2 Samuel 14:33

Ënät ja Joab ojts tninëjkxy ja yajkutujkpë ets tukmëmëtyaktaay tä ënäty ja Absalón të y'ënä'änyën ets ojts ja yajkutujkpë tnikäxë ja Absalón ets jam nyëjkxëty, ko jam jyä'äjty tääts wyintäky nyaaxkooy, tyajnikëxë'ëky jëtu'un ja näwyinkutsë'ëkë, ja yajkutujkpë ojts ja oy tsuj y'ëxajëty ets ojts myätsyë myënenyë ja tyeety.

1 Samuel 20:41

Ko ja Jonatán ojts ja tyuunpë nyëjkxnë, ënät ja David pyëtsiimy jap tsaajëxkë'py ma ënäty yu'utsy të y'ityën. Ko twinkuwa'këy ja Jonatán tëkëëk ok ojts nyaaxkoy tyajnikëxë'ëky jëtu'un ja näywyinkutsë'kën, tääts nyämyajts nyämyënäänëtë ets nimäjtsk jyiiytyë yaxtë, tä ja David ojts jyotkujkë.

1 Samuel 10:1

Ënät yë Samuel ojts tpëjkë'ëky tu'k'apëjkën yë on ets tukuja'axy yë Saúl, tä t'ënëmaay: Yë Wintsën yë'ë tyam mtuknipëjkëp ets mijts xy'ënä'ämëty yë Israel kajpn ma mijts mkukajpnëtyën. Mijts jëtu'un mtsiptunëp ets xyajtso'okëty ma myëtsiptëjkën. E ya'atë mtuk'ixëp ets xymyëpëkëty ko mijts jëtu'un tyam myajtukmëkënu'kxëp ets xy'ënä'ämëty yë nyaax kyajpn.

Rut 1:14

Tä ojts tyëkëtë jatëkok yaxpë. Ja Orfa jä'ä ojts nyëjkxnë, je'eyë ojts tjaaktsu'kxy ja tyaakxyäkxy Noemi ets mëët nye'ëxmajtsë. E ja Rut ojts wyi'imy mëët ja tyaakxyäkxy.

Rut 1:9

Yë'ë y'a'ixëp ets miits oy jatëkok mpëktëty m'uuktëty ets xymyëët'atëty ja mjëën mtëjkëty, m'u'unk m'ëna'këty. Tääts je'eyë t'ëkjaaktsu'kxnë ets tjëëkajpxnë, e yë'ëjëty ojts tyëkëtë yaxpë ets y'ënantë:

Éxodo 4:27

E yë Tios tëë ënäty t'ënëëmë yë Aarón: Nëjkx jam të'ëts'itum mnäpyäätyë mëët yë Moisés. Tä ja Aarón ojts tsyoony ets mëët ja Moisés nyäpyatë jam ma ja Tios ja tyun kyopkën. Jam ojts tkajpxpo'kxy ets tsu'kxy.

Génesis 45:2

Tä tyëjkëy yajxon yaxpë, mëk jyänty yäxy, tä nija'awëtyääytyë ja Egiptë ja'ayëty, jampaat ojts ja nija'awën jyä'ty ma ja yajkutujkpë yajkutukyën.

Génesis 33:4

Tä ja Esaú tnipëyë'ktso'ony ets ojts tninëjkxy ja y'uty Jacob ets tyo'kmënäänajxy, tä ojts tsu'kxy, tä tyëjkëtyë nimäjtsk yaxpë.

Génesis 29:13

Ko yë Labán tmëtooy yajnimëtyä'äky yë Jacob, yë y'uty yë y'u'unk. Ënät ojts pëyi'ikyë tnitsoony ets ojts tsu'kxy jä'ä ko jëtu'un ënäty tu'unën'atë, tä ojts twoownëjkxy ma tyëjkën. Ënät yë Jacob tukmëmëtyaktaay ja jyämy, wi'ix ënäty të jyäty të kyëpetyën.

Génesis 29:11

Ënät ja Jacob ojts tkajpxpo'kxy ja Raquel ets ojts tsu'kxy, tääts tyëjkëy yaxpë.

Génesis 42:24

Ënät ja José twinwa'ktuty ja jyiiky myëku'uk ets ojts nyijkxy yaxpë. E ko jatëkok wyimpijty, tää ojts jatëkok tmëkäjpxy, ënät ojts ja Simeón jä'ä tyajwë'ëmy ets tkë'ëtsuumy tekytsyuumy, tam jëtu'un ja myëkä'äx t'ixtë

Génesis 45:14

Ënät yë José tyo'kmënäänajxy yë y'uty Benjamín ets tyëjkëy yaxpë. Näyjyëtu'un yë Benjamín ojts näjyëtu'un tyëkë yaxpë, ma ënäty ja José jam tyo'kmënäänaxyën yë y'uty.

Génesis 45:16

Jampaat ojts jëtu'unpë ja aaw ayuk jyä'ty, ma jam ja yajkutujkpë yajkutukyën, ko ja José ënäty ja myëkä'äxtëjk të jya'të. Ënät ja yajkutujkpë ojts janty jotkujk nyäjyawëty, jam ma yajkutukyën mëët tu'kë'ëyë jënu'un ënäty jam yajpaatën ets y'ënä'ämtën.

Génesis 46:29

Ënät ja José ni'ënä'ämëy ets ja kepy wintëkäämpë tni''ixëtëty ets nëjkx ja tyeety tjëjpaatë'ëky. Ko ja tyeety twinkuwa'këy, ënät tmëneeny ets tyëjkëy yaxpë, jeky ojts yä'äxy ma ja tyeety ja kyejkyën.