Génesis 44:9 - Biblia Mixe de Quetzaltepec

⁹ Pën mpatyp muum ja a'ukën ma ëëts ja nxa'këtyën ets pën myëët'ajtyp ja a'ukën ma xya'k'aawën, jä'ä ookëp ets tu'kë'ëyë ëëtsëty nëjkxta'atëpës mëtuunpë ëyoopë ma miitsëtyën.

Biblia Dc en Mixe de Quetzaltepec

⁹ Pën mpatyp muum ja a'ukën ma ëëts ja nxa'këtyën ets pën myëët'ajtyp ja a'ukën ma xya'k'aawën, jä'ä ookëp ets tu'kë'ëyë ëëtsëty nëjkxta'atëpës mëtuunpë ëyoopë ma miitsëtyën.

Génesis 44:9 ပူးပေါင်းရင်းမြစ်များ

Génesis 31:32

E pën jääts pën ma ëëtsëtyën të tkoonke'eky ja mtsaamëxan, wä'än t'ooky. Yë nmëku'ukajtëm yë'ë wë'ëmtëp ijxpë mëtoowpë, pën nmëët'ajtypyës winë mëti'ipë mijts mjä'ä'ajtypyën. Ko tii xypyaatëty ma ëëtsëtyën mëti'ipë mijts mjä'ä'ajtypyën oy xyajnëjkxëty. Yë Jacob ka'ap ënäty tnijawë pën Raqueltëm ënäty myëët'ajtyp ja tsaamëxan mëti'ipë ja Labán nyikäjpxypën.

Hechos 25:11

Ëjts, ka'apës yam n'ëna'any koos yë n'o'kën nkakupëka'any pën tëëjës ntuuntëkoy mëti'ipë ja o'kën paat'ajtëpën. E pën ka'ap tyiyëty mëti'ipës xytyukni'ë'ënëtëpën, ni pën tkamëët'aty ja mëk'ajtën etsës xykyë'ëyakëty ma ja jutiis ja'ayëtyën. Ënaanpës ets kë'ëm xypyaye'eyëty ja yajkutujkpë kopk.

Génesis 44:16

Tä yë Judá y'ëtsooy: ¿Wi'ix ëëtsëty mijts n'ëk'ëtsowtëty? ¿Wi'ix ëëtsëty n'ëk'ëna'antëty, ko ka'ap tii ëxëëkpë ntuntë nkajpxtë ets ka'ap ëëtsëty npokymyëët'atë? Yë Tios yë'ë tëy wa'ats nyija'ap, ko ëëtsëty pokymyëëtës nyajpaatë. Tyaa ënät ëëtsëty mijts xykyë'ë'am'atë, yajtuuntëkës ijxtëm mijts xytyimtsokyën, tu'ukyë mëët mëti'ipë ënäty myëët'ajtypyën ja a'ukën xya'kjoty.

Génesis 43:18

E yë'ëjëty ojts tsyë'ëkëtë, ko ënäty jam yajwoownëjkxtë ma ja José ja tyëjkën, tääts nyäy'ënanëtë aak yë'ëjëty: Ya'atë win'ë'ënën yë je'eyë nëkoo, paatykyëjxm yaa të xyajmi'inëm yë'ë ënät xytyukmatsa'anëm ja meeny mëti'ipë ojts xymyooywyimpijtëmën ets ënät xytyuk'akëwanë'ajtmëty ets nmëtu'unmëty ma yë'ëjëtyën tu'ukyë mëët yë njëyujk'ajtëmë.

Génesis 44:10

Ënät ja José ja pyutu'unëpë y'ëtsooy: Oy jyëtu'un'atëty, jatëp këpätëpën ënät jëtu'un tä yam m'ëna'antën. E yi'iyë jëtu'un nëjkxëp mëtuunpë ëyoopë, mëti'ipë ja a'ukën myëët'ajtypyën ma xya'k'aawën, nitu'kë'ëyë ëwaatsëtum mwë'ëma'antë.