Génesis 44:2 - Biblia Mixe de Quetzaltepec

² Pëjkta'ak yë n'a'ukënës ma y'utyëtyën, yë mutskpë xya'kën, tu'ukyë mëët xypyëjkta'akëty yë meeny, mëti'ipë të tukujuyën yë tsajpmok. Jëtu'un ojts tjantytyuny ja José ja pyutu'unëpë, tä ënäty të yajtuk'ëne'emyën.

Biblia Dc en Mixe de Quetzaltepec

² Pëjkta'ak yë n'a'ukënës ma y'utyëtyën, yë mutskpë xya'kën, tu'ukyë mëët xypyëjkta'akëty yë meeny, mëti'ipë të tukujuyën yë tsajpmok. Jëtu'un ojts tjantytyuny ja José ja pyutu'unëpë, tä ënety të yajtuk'ëne'emyën.

Génesis 44:2 ပူးပေါင်းရင်းမြစ်များ

2 Corintios 8:8

Ka'ap miits n'akwanë'atë, yë'ëjës ntsojktëp ets xynyijawëtëty wi'ix ja wiinkëtypë tmëët'atën ja oyjyot oywyinma'any ets miits näjyëtu'un xyaj'ixëtëty ko tëy jaanty xytsyoktë ja mëpëjkpëtëjk.

Mateo 10:16

Ëk'ixtë. Jëtu'un yam miits nkäxtë ijxtëm ja kupixyny nyëjkxtën pa'uk'akujky. Wijy kejy mnäpyëjkta'akëtëty ijxtëm ja tsa'anyën. Yujy mnäpyëjkta'akëtëty ijxtëm ja pakën.

Deuteronomio 13:3

Këtii nëkoo xymyëpëktëty, jä'ä ko yë Wintsën mëti'ipë mTiosajtëpën je'eyë nëkoo mwinma'any'ixëtë ets t'ëkjanty'ixa'any pën mjantytsyojk mjantyjya'awëtëp winë aaw winëjot.

Deuteronomio 8:16

Ets jam të'ëts'itum yë'ë ojts mtukayëtë yë maná, ja ka'ayën ukën mëti'ipë ja m'aptëjkëty ka'ap t'ijxyajtën. Këtiipë mëj këjxm mnäjyawëtëty ets t'ixa'any tnijawëja'any pën wi'ix miits myajpaatë ets wi'ix mmaytyë mtajtë, jä'ä jëtu'un tyuun ets kë'ëm nëjkx xytyuk'oy'atë.

Deuteronomio 8:2

Mja'amyätstëp wi'ix ojts ja mWintsën jam myajjëtitëtën të'ëts'itum wëxtyikxy jyëmëjt. Këtiipë mëj këjxm mnäjyawëtëty ets t'ixa'any tnijawëja'any pën wi'ix miits myajpaatë ets wi'ix mmaytyë mtajtë, pën nëjkxëp xypyatuntë ja y'ënä'ämën tyiyajtën, ëkë pën ka'ap.

Génesis 43:32

Ja José ëpëky ojts ja kyä'äyën y'ukën yajni''ixë, e ja Jacob ja y'u'unk y'ëna'k nän ëpëky, ja Egiptë ja'ayëty, mëti'ipë ënäty mëët kyäytyën ja José, nän ëpëky ja jyä'äjëty yajni''ijxëtyë. Jä'ä ko yë Egiptë ja'ayëty ka'ap ënäty tyajkutuktë kyääymyuk y'ukmuktëty mëët yë hebreo ja'ayëty.

Génesis 42:20

Ets xyajmintëty ja m'utyëty mutskpë ets n'ëkjanty'ijxmëty pën tëy mkajpxtë, e pën ka'ap, m'ooktëp ënät. Ënät tkupëjktë ja José ja y'ayuk,

Génesis 44:1

Ko jëtu'un y'ëkkëjxy y'ëknajxy, tää yë José t'ënëmaay yë pyutu'unëpë: Yaj'ujtsta'a xya'këty ya'atë ja'ayëty mëëtë tsajpmok, mëti'ipë myënëjkxtëpën ma jyëën tyëjkëtyën ets näjyëtu'un xy'apëjkëtëty yë myeenyëty mëti'ipë të tukujuytyën maajaty yë xa'k'aawën.

Génesis 44:3

Je'eyë ënäty yë xëëw jam pyëtsimnyëm ko yë José yë myëkä'äxtëjk t'ënëmaay ets nyëjkxtëty mëët tu'kë'ëyë jyëyujkëty.

Génesis 44:12

Ënät ja putu'unëpë tuk'ijxëtyääy tukwo'onëtyääy ja xa'k ets t'ëk'ixa'any maa yajpaatyën ja a'ukën, tyajtso'ontäky ma ja mëjpën ets tyajjëjpkëjxy ma ja mutskpën. E ja a'ukën jap ojts yajpaaty ma ja Benjamín ja xya'kën.

Génesis 42:25

Ojts tni'ënä'ämë ets ja xya'k y'utstëty mëët yë tsajpmok ets jatëkok ja myeeny yajmo'otëty ets yajmo'otëty näjyëtu'un ja kyä'äyënëty y'ukënëty mëti'ipë tyu'ukaytyëpën. Jëtu'un ojts jyänty yajtuny.