Génesis 43:30 - Biblia Mixe de Quetzaltepec

³⁰ Ënät yë José jyänty nyäjya'awëyë jotkujk, ko yë y'uty t'ijxy ets nyäjya'awëy ya'axaanp yowë, tä jyänty kyupëyë'këy ënätyë tyëkoty ets jap tyëjkëy yaxpë.

Biblia Dc en Mixe de Quetzaltepec

³⁰ Ënet yë José jyänty nyäjya'awëyë jotkujk, ko yë y'uty t'ijxy ets nyäjya'awëy ya'axaanp yowë, tä jyänty kyupëyë'këy ënätyë tyëkoty ets jap tyëjkëy yaxpë.

Génesis 43:30 ပူးပေါင်းရင်းမြစ်များ

Génesis 42:24

Ënät ja José twinwa'ktuty ja jyiiky myëku'uk ets ojts nyijkxy yaxpë. E ko jatëkok wyimpijty, tää ojts jatëkok tmëkäjpxy, ënät ojts ja Simeón jä'ä tyajwë'ëmy ets tkë'ëtsuumy tekytsyuumy, tam jëtu'un ja myëkä'äx t'ixtë

Jeremias 31:20

Yë Efraín yë nyaax kyajpn u'unk maayënës ntsoky njawë; yë'ëjës tu'uk n'u'unk'ajtyp nmaay'ajtyp mëti'ipës mëk ntsojkpyën. Oyës muum ntuk'ojy yë tyëko'oyën, ëjts ka'apës nja'atyëkoy; jëëpy yaxpës njawë n'aaw njot ets npa'ëyoopyës jatëkok. Ëjts Wintsën, ëjts ënaanp.

Filipenses 2:1

Pën tëë mmo'ojëtë ja Kristë ja mëk'ajtën ets ja mjëëky mmëku'uk xyjyotmëkwinkajpxëtëty, xyajjotmëkta'aktëty, ets tu'ukyë ja winma'any xymyëët'atë ets xypya'ëyowtëty ja ja'ay,

Filipenses 1:8

Tios nyija'ap ko miits mëk nja'ixa'antë mëët ja Wintsën Jesukristë ja tsyojkën jya'awën.

Oseas 11:8

¿Wi'ix n'ëk'ëxmatsëty mijts Efraín? ¿Wi'ix n'ëkmajtstu'utëty mijts Israel? ¿Jyëkyäpëp jëtää nyajkutëkoyëty tääjës ojts nyajkutëkoyën yë Admá kajpnën, ëkë tääjës nyajkutëkooyën yë Seboím kajpnë? Je'eyës nmëkxejy n'o'kxejy, ko njapa'ëyoy.

1 Reyes 3:26

E ja mëti'ipë mëtëy tyaak'ajtypën ja mëxu'unk juukpyë, ojts mëk nyajts'ëyowëty ko ja mëxu'unk yajtsujkwa'kxa'any, tä ja yajkutujkpë mëktä'äky tmënu'kxtäky: Tun yë mëyajtën, yajkutujkpë, këtii tääpë mëxu'unk xyaj'ooky mëti'ipë juukyën. Tyamës n'ëna'any, wä'än yë'ë tjä'ä'aty tääpë to'oxytyëjk. E ja wiinkpë ja to'oxytyëjk tää y'ënäny: Oy pën tkatimjyä'ä'atëty, wä'än tsujkwa'kxtë.

Génesis 45:2

Tä tyëjkëy yajxon yaxpë, mëk jyänty yäxy, tä nija'awëtyääytyë ja Egiptë ja'ayëty, jampaat ojts ja nija'awën jyä'ty ma ja yajkutujkpë yajkutukyën.

1 Juan 3:17

Ko pën jam tii tmëëtëty winë ets ka'ap tmo'oy ja myëku'uk, oy tjatim'ixy ko ja myëku'uk tii tyajm'ëmaatyä'äky, ¿wi'ix y'ëna'ana'any ko ja Tios tsoky?

2 Timoteo 1:4

Nja'amyejtsypës xëmë ja mjë'ëyën myaxën, njaa'ixäämpy etsës jeexyë njotkujkë.

Colosenses 3:12

Mëk miits yë Tios mtsokëtë ets tëë mwin'ixëtë ets jam myajpaatëty ma ja kënu'kxypyë nyaax kyajpnën. Tuk'itëtë ja pa'ëyo'owën, oyjä'äyajtën, yujyajtën, tëtä'äkyajtën, nätsyokë ets ja mä'kxtujkën.

Hechos 20:37

Tääts yaxtë ets ni'ëmukë tmënääntë ets tsu'kxtë ja Pablo.

Hechos 20:31

Paaty yajxon mnäkyëwent'atëtëty. Ja'amyätstë ko miits tëkëëk jëmëjt ojts nyaj'ijxpëktë xëënaxy tsuunaxy ets ka'ap të ntukmëpo'kxtë ja ijxpëjkën, jëëpy yaxp miits të nkajpxwijtë nitu'ukjaty.

Hechos 20:19

Xëmës yaa të nyajpaaty ma miitsëtyën yu'unk naxym, nmëtunyës ja Wintsën Jesús; tëëjës ëxëëk njaty nkëpety ets tëëjës një'ëy nyä'äxy ko ja jutiis ja'ayëty të xyjyayaj'ooka'antës.

Génesis 46:29

Ënät ja José ni'ënä'ämëy ets ja kepy wintëkäämpë tni''ixëtëty ets nëjkx ja tyeety tjëjpaatë'ëky. Ko ja tyeety twinkuwa'këy, ënät tmëneeny ets tyëjkëy yaxpë, jeky ojts yä'äxy ma ja tyeety ja kyejkyën.