Génesis 43:27 - Biblia Mixe de Quetzaltepec

²⁷ Ojts ja José tyajtëy wi'ix ënäty jyatë kyëpätë ets ojts näjyëtu'un tyajtëy: ¿Wi'ix yajpaaty ja mteetyëty, ja mëjja'ay mëti'ipës xytyukmëmëtyaktën? ¿Jaakjuuky'ajtpnëmë?

Biblia Dc en Mixe de Quetzaltepec

²⁷ Ojts ja José tyajtëy wi'ix ënety jyatë kyëpätë ets ojts näjyëtu'un tyajtëy: ¿Wi'ix yajpaaty ja mteetyëty, ja mëjja'ay mëti'ipës xytyukmëmëtyaktën? ¿Jaakjuuky'ajtpnëmë?

Génesis 43:27 ပူးပေါင်းရင်းမြစ်များ

Génesis 42:13

Ënät y'ëtsoowtë: Ëëtsëty Wintsën jä'ä ëëtsëty nyiwinë'atë nimajkmäjtsk ets tu'uk ëëts ja nteetyëtyës ntukmuktë ets jamës ntsëënëtë Canaán. Ja n'utyëtyës ja mutskpë tëë ja wyi'imy mëët yë tyeety, e ja wiinkpë ka'apës yam mëëtëtynyë.

1 Crónicas 18:10

ënät tkejxy ja myaank Adoram, tukmëkäjxëy ja pu'ts pujxn, poop pujxn, tsuxkpujxn ets tkajpxpo'kxa'any ja David mëët ko ënäty të tmëmëtä'äky ja Hadad-ézer, jä'ä ko ja Toi nän nämyëtsip'ajtëp ijty mëët ja Hadad-ézer.

1 Samuel 17:22

E tëkokyë mëti'ipë ënäty ja David myënëjkxypyën, jä'ä ojts poj'am tukkë'ëtëjkëtyä'äy ja ja'ay mëti'ipë kyëwent'ajtypyën ja ku'umën, yenypyujxn ets ti'px, tëkokyë mëti'ipë ja ja'ay myëtsiptuuntëpën ets ojts nyijkxy pëyi'ikyë ma ënäty ja y'äjty yajpaatën ets t'ixa'any wi'ix jam jyatë kyëpätën.

Jueces 18:15

Tä ja ja'ayëty tpuwa'ktutë ja myëku'ukëty, ja nimëkoxpë mëti'ipë ënäty ojts të y'ixtë tyuntën ets nyëjkxtë jam ma ja Leví ja'ay y'ityën, jam ma ja Micaías ja tyëjkën ets ojts tkajpxpo'kxtë.

Éxodo 18:7

Ënät ja Moisés jap pyëtsiimy tyëkoty ets ojts tjëjpye'eyi'iky ja myë't. Tä nyaaxkooy tyajnikëxë'ëky jëtu'un ja näwyinkutsë'ëkë ets ojts tsu'kxy. Ko nyäkyajpxpo'kxtaayëtë, ënät jap tyëjkëtyë tëkoty ma ja wit tëjkën.

Génesis 42:11

Tu'kë'ëyë ëëtsëty tu'ukyë teety ëëtsëty ets oyës nja'ay'atë, jamës ntsëënëtë Canaán, ëëtsëty nijëna'a muum nkanëjkxtës ets je'eyë n'ixtës ntuntës winë.

Génesis 41:16

Ëjts ka'apës tääpë xypyääty nkajpxwa'atsëtyës yë mkuma'ay, jëtu'un y'ëtsooy yë José. E Tios yë'ë yakäämpy yë kajpxwinpijtën mëti'ipë mijts mtuk'oy'atëpën.

Génesis 37:14

Oy mnëjkxëty, jëtu'un y'ënäny yë Israel. Nëjkx ix wi'ix yajpaatë jam ja mmëkä'äxtëjk ets näjyëtu'un ja jëyujk tsajpkaa, tsajppax ets kupixyny, e ko mwinpitëty täätsës xytyukmëmëtya'akëty wi'ix ënäty jam të xy'ixy të xykyoyën. Ënät yë Israel tkejxy yë José, jam ojts tsyoony Hebrón ets jyä'äjty Siquem. Tam ënäty tyimja'tanë

Génesis 43:7

Ënät y'ëtsoowtë yë'ëjëty: Jä'ä ko wiinkëm ënäty winë tyajtëëwnë: tjantyyajtëy wi'ix nyajpatëmë, pën ninaakajtëmë ets näjyëtu'un të xy'ënëëmëtës: ¿Juuky'ajtpnëm ja mteetyëtyë? ¿Jaakjamnëm yë m'utyëtyë? E ëëtsëty tiijës ntuunta'aktëp, kwanë ko ëëtsëty n'ëtsowtë mëti'ipë jä'ä yajtëëpyën ets tii ëëtsëty n'ëknijawëtëp pën jëtu'untëm y'ëna'ana'any: yajmintë ja m'utyëty.

Génesis 45:3

Ënät ja José t'ënëmaay ja myëkä'äxtëjk: Ëjts jëtu'un José. ¿Jamës ja nteety jyuuky'ätynyëmë? Tä ojts nyäy'ëtsë'ëkëtë ko ojts tjawëtë ko tam twin'u'unyëtë ets ka'ap ënäty t'ëkjëkyäjpnë y'ëtsowtëty.

2 Reyes 4:26

Nëjkx pëyi'ikyë jëjpye'eytsyow ets xyajtëwëty, wi'ix yajpaaty ja nyiye'etyëjk ets ja y'u'unk. Tääts ja tyuunpë ojts tjëjpye'eytsyoy ja to'oxytyëjk ets y'ëtsoowë, ko oy yajpaatë.